Bárnabas en Paulus word deur die gemeente van Antiochíë na die heidene gestuur. Hulle prediking op Ciprus. Élimas die towenaar.

EN daar was in die plaaslike gemeente ^ain Antiochíë sekere ¹profete en leraars, naamlik Bárnabas en Símeon wat Niger genoem word, en Lúcius, die Cirenéër, en Manáen, wat saam met ²Herodes, die viervors, grootgeword het, en Saulus.

En terwyl hulle besig was om die Here ³te dien en te vas, het die Heilige Gees ⁴gesê: ^b5Sonder nou Bárnabas en Saulus vir My af vir die werk waarvoor Ek hulle ^cgeroep het.

^dEn toe hulle gevas en gebid het en hulle ^edie hande ⁶opgelê het, laat hulle hul gaan.

So het hulle dan, deur die Heilige Gees uitgestuur, afgegaan na ⁷Seleúcië en daarvandaan weggevaar na Ciprus.

En toe hulle in ⁸Sálamis kom, het hulle die woord van God in die sinagoges van die Jode verkondig; en hulle het ook ^fJohannes as helper gehad.

En hulle het die eiland deurgegaan tot by ⁹Pafos en ^g’n towenaar gevind, ’n valse profeet, ’n Jood met die naam van ¹⁰Bar-Jesus.

Hy was by die ¹¹goewerneur Sérgius Paulus, ’n verstandige man. Dié het Bárnabas en Saulus laat roep en het versoek om die woord van God te hoor.

^hMaar Élimas die towenaar — want so word sy naam vertaal — het hulle teëgestaan en het probeer om die goewerneur afkerig te maak van die geloof.

Maar Saulus, ¹²dit is Paulus, vervul met die Heilige Gees, het die oë op hom gehou en gesê:

¹³Kind van die duiwel, vol van alle bedrog en alle listigheid, vyand van alle geregtigheid, sal jy nie ophou om die reguit weë van die Here ¹⁴te verdraai nie?

En nou, kyk, ¹⁵die hand van die Here is op jou, en jy sal blind wees en die son ’n tyd lank nie sien nie. En onmiddellik het daar ¹⁶donkerheid en duisternis op hom geval, en hy het rondgegaan en gesoek na mense wat hom by die hand kon lei.

Toe die goewerneur dan sien wat daar gebeur het, was hy verslae oor die leer van die Here en het geglo.

Rede van Paulus in die sinagoge van Antiochíë in Pisídië. Teëstand van die Jode.

EN ¹⁷Paulus en sy metgeselle het afgevaar van Pafos en by Perge in ¹⁸Pamfílië gekom. ⁱEn ¹⁹Johannes het hulle verlaat en na Jerusalem ²⁰teruggekeer.

Maar hulle het van Perge af verder gegaan en in Antiochíë ²¹in Pisídië aangekom, en hulle het op die sabbatdag in die sinagoge gegaan en gaan sit.

En ná ²²die lesing van die wet en die profete het ²³die hoofde van die sinagoge na hulle gestuur en gesê: Broeders, as julle ’n woord van ²⁴opwekking vir die volk het, spreek dan!

Toe staan Paulus op, ^kwink met die hand en sê: Israeliete en julle wat God vrees, luister!

Die God van hierdie volk Israel het ons vaders ^luitverkies en die volk ²⁵verhoog toe hulle bywoners in Egipteland was, en ²⁶met ’n hoë arm hulle daaruit gelei.

^mEn omtrent veertig jaar lank het Hy ²⁷hulle in die woestyn verdra.

En sewe nasies het Hy in die land Kanaän uitgeroei en hulle land ⁿ²⁸deur die lot aan hulle uitgedeel.

En daarna omtrent ²⁹vierhonderd-en-vyftig jaar lank het Hy ^origters gegee tot op Samuel, die profeet.

^pEn van toe af het hulle ’n koning begeer, en God het aan hulle gegee ^qSaul, die seun van Kis, ’n man uit die stam van Benjamin, ³⁰veertig jaar lank.

En nadat Hy hom afgesit het, het Hy ^rDawid vir hulle verhef as koning, van wie Hy ook gesê en getuig het: ^sEk het Dawid, die seun van Ísai, gevind, ’n man na my hart, wat al my welbehae sal doen.

Uit die nageslag van hierdie man het God vir Israel, ³¹volgens die belofte, Jesus as Verlosser verwek,

^tnadat Johannes ³²voor sy koms eers die doop van bekering aan die hele volk van Israel verkondig het.

En toe Johannes aan die einde van sy loopbaan ³³gekom het, het hy gesê: ^vWie dink julle is ek? Ek is dit nie; maar kyk, Hy kom ná my, ^xwie se skoen ek nie waardig is om van sy voete los te maak nie.

Broeders, ³⁴kinders van die geslag van Abraham, en die onder julle wat God vrees, ^y35vir julle is hierdie woord van verlossing gestuur.

Want die inwoners van Jerusalem en hulle owerstes het ^zHom nie geken nie, en deur Hom te veroordeel, het hulle ³⁶die woorde van die profete vervul wat elke sabbat gelees word.

^aEn al het hulle ³⁷niks gevind wat die dood verdien nie, tog het hulle van Pilatus gevra dat Hy omgebring moes word.

En toe hulle alles volbring het wat oor Hom geskrywe is, het hulle Hom van die ³⁸kruishout afgehaal en in ’n graf neergelê.

^bMaar God het Hom uit die dode opgewek.

^cEn gedurende ³⁹baie dae het Hy verskyn aan ⁴⁰die wat saam met Hom opgegaan het van Galiléa na Jerusalem, en hulle is sy getuies by die volk.

En ons ⁴¹bring julle die goeie tyding ^dvan die belofte wat aan die vaders gedoen is, dat God dit aan ons, hulle kinders, vervul het deur Jesus ⁴²op te wek,

soos daar ook in die tweede psalm geskrywe is: U is my Seun, ⁴³vandag het Ek U gegenereer.

En dat Hy Hom opgewek het uit die dode, sodat Hy nie meer ⁴⁴tot verderwing sou terugkeer nie, het Hy só gespreek: ^eEk sal aan julle gee die heilige weldade van ⁴⁵Dawid wat ⁴⁶betroubaar is.

Daarom sê Hy ook op ’n ander plek: ^fU sal ⁴⁷u Heilige nie oorgee om verderwing te sien nie.

^gWant Dawid het ontslaap, nadat hy sy eie geslag volgens ⁴⁸die raad van God gedien het, en is by sy vaders weggelê en het verderwing gesien,

maar ⁴⁹Hy wat deur God opgewek is, het geen verderwing gesien nie.

Laat dit dan aan julle bekend wees, broeders, ^hdat deur ⁵⁰Hom vergifnis van sondes aan julle verkondig word,

ⁱen dat elkeen wat glo, ^k51deur Hom geregverdig word van alles waarvan julle ⁵²deur die wet van Moses nie geregverdig kon word nie.

Pas dan op dat daar nie oor julle kom wat ⁵³deur die profete gesê is nie:

^lKyk dan, julle veragters, en wees verwonderd en verdwyn! Want Ek gaan iets in julle dae doen, iets wat julle sekerlik nie sal glo as iemand julle dit vertel nie.

⁵⁴En toe die Jode uit die sinagoge gaan, het ⁵⁵die heidene versoek dat daardie woorde ⁵⁶op die volgende sabbat tot hulle gespreek sou word.

En toe die sinagoge uit was, het baie van die Jode en die godsdienstige Jodegenote Paulus en Bárnabas gevolg. Dié het hulle toegespreek ^men hulle probeer beweeg om ⁵⁷in die genade van God te bly.

En op die volgende sabbat het byna die hele stad saamgekom om die woord van God te hoor.

Maar toe die Jode die skare sien, is hulle met nydigheid vervul en het met lasterlike woorde weerspreek wat deur Paulus gesê is.

Maar Paulus en Bárnabas het vry-uit gespreek en gesê: ⁿDit was noodsaaklik dat die woord van God aan julle eers verkondig moes word. ^oAangesien julle dit egter verwerp en julleself die ewige lewe ⁵⁸nie waardig ag nie — kyk, ons wend ons tot die heidene.

Want so het die Here aan ons bevel gegee: ^pEk het U ⁵⁹’n lig van die nasies gemaak, sodat U tot redding sal wees tot aan die einde van die aarde.

En toe die heidene dit hoor, was hulle bly; en hulle het die woord van die Here geprys; en daar het gelowig geword almal wat ⁶⁰verordineer was tot die ewige lewe.

En die woord van die Here is deur die hele land verbrei.

Maar die Jode het die ⁶¹godsdienstige en aansienlike vroue en die vernaamste mense van die stad opgehits en teen Paulus en Bárnabas ^q’n vervolging in die lewe geroep en hulle buite hul gebied verdryf.

Toe het hulle ⁶²die stof van hul voete teen hulle afgeskud en na ⁶³Ikónium gegaan.

En die dissipels is vervul met blydskap en met die Heilige Gees.