Die gelykenis van die goeie herder.

VOORWAAR, voorwaar Ek sê vir julle, wie nie by ¹die deur in die skaapstal ingaan nie, maar ²van ’n ander kant af inklim, ³hy is ’n dief en ’n rower.

Maar hy wat by die deur ingaan, is ⁴’n herder van die skape.

⁵Vir hom maak die deurwagter oop, en die skape ⁶luister na sy stem; en hy roep sy eie skape ⁷by hulle naam en ⁸lei hulle uit.

En wanneer hy sy eie skape uitgebring het, loop hy ⁹voor hulle uit; en die skape volg hom, omdat hulle sy stem ¹⁰ken.

Hulle sal ’n vreemde nooit volg nie, maar van hom wegvlug, omdat hulle die stem van die vreemdes nie ken nie.

Hierdie ¹¹gelykenis het Jesus aan hulle vertel; maar hulle het nie verstaan ¹²wat dit was wat Hy tot hulle gespreek het nie.

Jesus het toe weer vir hulle gesê: Voorwaar, voorwaar Ek sê vir julle, Ek is die ¹³deur van die skape.

Almal wat ¹⁴voor My gekom het, is diewe en rowers; maar ¹⁵die skape het nie na hulle geluister nie.

^aEk is die deur; as iemand deur My ingaan, sal hy gered word, en hy sal ¹⁶ingaan en uitgaan en ¹⁷weiding vind.

Die dief ¹⁸kom net om te steel en te slag en te verwoes. Ek het gekom, dat hulle lewe en ¹⁹oorvloed kan hê.

^bEk is die goeie ²⁰herder. Die goeie herder lê sy ²¹lewe af vir die skape.

^cMaar ²²die huurling en hy wat nie ’n herder is nie, van wie die skape nie die eiendom is nie, sien die wolf kom en laat die skape staan en vlug, en die wolf vang hulle en jaag die skape uitmekaar.

En die huurling vlug, omdat hy ’n huurling is ²³en niks vir die skape omgee nie.

Ek is die goeie herder, en ^dEk ken ²⁴my eie en word deur my eie geken.

^eNet soos die Vader My ken, ²⁵ken Ek ook die Vader; en Ek lê ²⁶my lewe af vir die skape.

Ek het nog ²⁷ander skape wat nie aan hierdie ²⁸stal behoort nie. Ek moet hulle ook ²⁹lei, en hulle sal na my ³⁰stem luister, ^fen dit sal wees een ³¹kudde, een herder.

Daarom het die Vader My lief, omdat Ek ^gmy lewe aflê om dit weer te neem.

Niemand ³²neem dit van My af nie, maar Ek lê dit ³³uit Myself af. ^hEk het mag om dit af te lê en Ek het mag om dit ³⁴weer te neem. Hierdie gebod het Ek van my Vader ontvang.

ⁱDaar het toe weer verdeeldheid onder die Jode gekom oor hierdie woorde.

En baie van hulle het gesê: ^kHy is van ³⁵die duiwel besete en is kranksinnig; wat luister julle na Hom?

Ander het gesê: Hierdie woorde is nie van ’n besetene nie; ’n duiwel ^lkan tog nie die oë van blindes open nie.

Op die fees van die tempelwyding verklaar Jesus op ’n vraag van die Jode dat Hy die Messías, die Seun van God, is. Hulle wil Hom stenig. Hy gaan oor die Jordaan.

EN dit was die ³⁶fees van die tempelwyding in Jerusalem, en ³⁷dit was winter.

En Jesus het in die tempel gewandel ^min die ³⁸pilaargang ³⁹van Salomo.

En die Jode het Hom omring en vir Hom gesê: Hoe lank ⁴⁰hou U ons in onsekerheid? As U die Christus is, sê dit vir ons ronduit.

Jesus antwoord hulle: ⁴¹Ek het dit vir julle gesê, en julle glo nie. ⁿDie werke wat Ek doen in die Naam van my Vader, dié getuig van My.

Maar julle glo nie, want julle is nie ⁴²van my ⁴³skape nie, soos Ek vir julle gesê het.

^oMy skape luister na my stem, en Ek ken hulle, en hulle volg My.

En Ek gee hulle die ewige lewe, ^pen hulle sal nooit verlore gaan tot in ewigheid nie, en niemand sal hulle uit my ⁴⁴hand ruk nie.

My Vader wat hulle aan My gegee het, is ⁴⁵groter as almal; en niemand kan hulle uit die hand van my Vader ruk nie.

^qEk en die Vader is ⁴⁶een.

^rDie Jode het toe ⁴⁷weer klippe ⁴⁸opgetel om Hom te stenig.

Jesus antwoord hulle: Baie ⁴⁹goeie werke het Ek ⁵⁰julle getoon van my Vader. Oor watter een van dié werke stenig julle My?

Die Jode antwoord Hom en sê: Dit is nie oor ’n goeie werk dat ons U stenig nie, ^smaar oor ⁵¹godslastering, en omdat U wat ’n mens is, Uself ⁵²God maak.

Jesus antwoord hulle: Is daar nie ⁵³in julle wet geskrywe: ^tEk het gesê, julle is gode nie?

As ⁵⁴dit húlle gode noem ⁵⁵tot wie die woord van God gekom het, en die Skrif nie ⁵⁶gebreek kan word nie,

sê julle vir Hom ^vwat die Vader ⁵⁷geheilig en in ⁵⁸die wêreld gestuur het: U spreek godslasterlik — omdat Ek ^xgesê het: Ek is die Seun van God?

^yAs Ek nie ⁵⁹die werke van my Vader doen nie, moet julle My nie glo nie;

maar as Ek dit doen, al glo julle My nie, glo die werke, dat julle kan erken en glo ^zdat die Vader ⁶⁰in My is, en Ek in Hom.

^aToe het hulle weer probeer om Hom gevange te neem, ⁶¹en Hy het uit hulle hand ontkom.

En Hy het weer oor die Jordaan gegaan na die plek ^62bwaar Johannes eers gedoop het; en Hy het daar gebly.

En baie het na Hom gekom en ⁶³gesê: Johannes het wel geen teken gedoen nie, maar alles wat Johannes van Hom gesê het, was waar.

En baie het daar in Hom geglo.