Verskyning van Jesus by die see van Tibérias.

NA hierdie dinge het Jesus weer aan sy dissipels ¹verskyn by die ²see van Tibérias, en Hy het só verskyn:

Daar was bymekaar Simon Petrus en Thomas wat ³Dídimus genoem word, ^aen ⁴Natánael van Kana in Galiléa ^ben ⁵die seuns van Sebedéüs en twee ander ⁶van sy dissipels.

Simon Petrus sê vir hulle: Ek gaan visvang. Hulle sê vir hom: Ons gaan ook saam met jou. En hulle het uitgegaan en dadelik in die skuit geklim, en in daardie nag het hulle niks gevang nie.

En toe dit al dag geword het, staan Jesus op die strand; maar die dissipels het nie ⁷geweet dat dit Jesus was nie.

En Jesus sê vir hulle: My kinders, het julle nie iets ⁸om te eet nie? Hulle antwoord Hom: Nee.

En Hy sê vir hulle: ^cGooi die net ⁹aan die regterkant van die skuit, en julle sal kry. Hulle het toe gegooi en deur die menigte van visse was hulle nie meer in staat om dit te trek nie.

Daarop sê die dissipel — ^ddie een vir wie Jesus ¹⁰liefgehad het — aan Petrus: Dit is die Here! En toe Simon Petrus hoor dat dit die Here is, gord hy ¹¹sy bo-kleed om — want hy was ¹²naak — en werp homself in die see.

Maar die ander dissipels het met die skuitjie gekom en die net met die visse ¹³gesleep; want hulle was nie ver van die land nie, maar omtrent tweehonderd ¹⁴el.

En toe hulle geland het, sien hulle ’n koolvuur op die grond en ¹⁵vis daarop lê, en brood.

^eJesus sê vir hulle: Bring van die visse wat julle nou gevang het.

Simon Petrus het in die skuit geklim en die net op die land getrek, vol groot visse, honderd-drie-en-vyftig in getal; en alhoewel daar so baie was, het ¹⁶die net nie geskeur nie.

Jesus sê vir hulle: Kom eet! En niemand van die dissipels het ¹⁷gewaag om Hom te vra: Wie is U nie? omdat hulle wis dat dit die Here was.

En Jesus het gekom en die brood geneem en dit aan hulle gegee, en so ook die vis.

Dit was al die derde keer dat Jesus ¹⁸aan sy dissipels verskyn het nadat Hy opgestaan het uit die dode.

Toe hulle dan klaar was met die môre-ete, vra Jesus vir Simon Petrus: Simon, ¹⁹seun van Jona, ²⁰het jy My waarlik lief, ²¹meer as hulle hier? Hy antwoord Hom: Ja, Here, ²²U weet dat ek U liefhet. Hy sê vir hom: Laat my ²³lammers wei.

Hy vra hom weer die tweede maal: Simon, seun van Jona, het jy My waarlik lief? Hy antwoord Hom: Ja, Here, U weet dat ek U liefhet. Hy sê vir hom: Pas my skape op.

Hy vra hom ²⁴die derde maal: Simon, seun van Jona, het jy My lief? Petrus het ²⁵bedroef geword, omdat Hy hom die derde maal vra: Het jy My lief? En hy antwoord Hom: ^fHere, U weet alles, U weet dat ek U liefhet. Jesus sê vir hom: ²⁶Laat my skape wei.

^gVoorwaar, voorwaar Ek sê vir jou, toe jy jonger was, het jy jouself ²⁷gegord en rondgegaan waar jy wou; maar wanneer jy oud geword het, sal jy jou hande ²⁸uitsteek, en ²⁹’n ander een sal jou ³⁰gord en bring waar jy ³¹nie wil wees nie.

^hEn dit het Hy gesê om aan te dui deur hoedanige dood hy ³²God sou verheerlik; en toe Hy dit gespreek het, sê Hy vir hom: Volg My.

En Petrus het hom omgedraai en ⁱdie dissipel sien volg vir ³³wie Jesus liefgehad het, die een wat by die maaltyd op sy bors geval en gesê het: Here, wie is u verraaier?

Toe Petrus hom sien, vra hy vir Jesus: Here, maar ³⁴wat van hom?

Jesus antwoord hom: As Ek wil hê dat hy ³⁵bly totdat Ek kom, wat gaan dit jou aan? Volg jy My.

Hierdie woord het toe onder die broeders uitgegaan dat daardie dissipel nie sou sterwe nie; en Jesus het nie vir hom gesê dat hy nie sou sterwe nie, maar: As Ek wil hê dat hy bly totdat Ek kom, wat gaan dit jou aan?

Dit is ³⁶daardie dissipel wat van hierdie dinge getuig en hierdie dinge geskryf het, en ³⁷ons weet dat sy getuienis ^kwaar is.

^lEn daar is nog baie ³⁸ander dinge wat Jesus alles gedoen het; maar as hulle ³⁹een vir een beskrywe moes word, ⁴⁰sou die wêreld self, dink ek, die geskrewe boeke nie bevat nie. Amen.