Die gebed van die Here.

(Matt. 6:9-13.)

EN toe Hy op ’n sekere plek besig was om te bid, sê een van sy dissipels vir Hom nadat Hy opgehou het: Here, ¹leer ons bid, soos Johannes ook sy dissipels geleer het.

En Hy sê vir hulle: ^aWanneer julle bid, sê: ²Onse Vader wat in die hemele is, laat u Naam geheilig word; laat u koninkryk kom; laat u wil geskied, soos in die hemel net so ook op die aarde;

gee ons ³elke dag ons ⁴daaglikse brood;

en vergeef ons ons sondes, want ons vergewe ook elkeen wat aan ons skuldig is; en lei ons nie in versoeking nie, maar verlos ons van die Bose.

Gelykenis van die onbeskaamde vriend.

EN Hy het vir hulle gesê: Wie van julle sal ’n vriend hê en sal ⁵middernag na hom gaan en vir hom sê: Vriend, leen my drie brode,

want ’n vriend van my het ⁶van ’n reis by my aangekom, en ek het niks om aan hom voor te sit nie —

en dié van binnekant sal antwoord en sê: Moenie my lastig val nie; die deur is al gesluit, en my kinders is saam met my al ⁷in die bed; ek kan nie opstaan om vir jou te gee nie.

Ek sê vir julle, al sou hy ook nie opstaan en vir hom gee omdat hy sy vriend is nie, sal hy tog ter wille van sy ⁸onbeskaamdheid opstaan en hom gee ⁹soveel as hy nodig het.

En Ek sê vir julle: ^b10Bid, en vir julle sal gegee word; soek, en julle sal vind; klop, en vir julle sal oopgemaak word.

Want elkeen wat bid, ontvang; en hy wat soek, vind; en vir hom wat klop, sal oopgemaak word.

^cEn vir watter vader onder julle sal sy seun brood vra, en hy sal hom ’n klip gee; of ook ’n vis, en hy sal hom in plaas van ’n vis ’n slang gee;

of ook as hy ’n eier vra, hom ’n skerpioen gee?

As julle dan wat sleg is, weet om goeie gawes aan julle kinders te gee, hoeveel te meer sal die ¹¹hemelse Vader die Heilige Gees gee aan die wat Hom bid?

Godslastering van die Fariseërs.

(Matt. 12:22-32 en ooreenk. pl.)

^dEN Hy het ’n duiwel uitgedryf, en dié ¹²was stom. En toe die duiwel uitgaan, het die stom man gepraat; en die skare het hulle verwonder.

Maar sommige van hulle sê: ^eDeur ¹³Beëlsebul, die owerste van die duiwels, dryf Hy die duiwels uit.

En ander het Hom versoek ^fen van Hom ’n teken ¹⁴uit die hemel ¹⁵begeer.

Maar Hy het hulle ¹⁶gedagtes geken en vir hulle gesê: ^gElke koninkryk wat teen homself verdeeld is, word verwoes; en ¹⁷’n huis wat teen homself is, val.

En as die Satan ook teen homself verdeeld is, hoe sal sy koninkryk bly staan? Want julle sê dat Ek deur Beëlsebul die duiwels uitdryf.

En as Ek deur Beëlsebul die duiwels uitdryf, deur wie dryf julle ¹⁸seuns hulle uit? Daarom sal hulle jul ¹⁹regters wees.

Maar as Ek deur ²⁰die vinger van God die duiwels uitdryf, dan het die koninkryk van God waarlik by julle gekom.

Wanneer ’n sterk man wat goed gewapend is, sy ²¹huis bewaak, is sy besittings in ²²veiligheid.

^hMaar as een hom oorval wat sterker is as hy en hom oorwin, neem hy sy volle wapenrusting weg waar hy op vertrou het, en deel sy ²³buit uit.

ⁱHy wat nie ²⁴met My is nie, is teen My; en hy wat nie saam met My versamel nie, verstrooi.

^k25Wanneer die onreine gees uit die mens uitgegaan het, gaan hy deur waterlose plekke en soek rus; en as hy dit nie vind nie, sê hy: Ek sal teruggaan na my huis waar ek uitgegaan het.

En hy kom en vind dit uitgevee en versierd.

Dan gaan hy en neem sewe ander geeste, slegter as hy self, en hulle kom in en woon daar; ^len die laaste van daardie mens word erger as die eerste.

En terwyl Hy dit spreek, het ’n vrou uit die skare haar stem verhef en vir Hom gesê: Salig is die skoot wat U gedra het, en die borste wat U ²⁶gesoog het.

En Hy sê: ^m27Ja, maar salig is hulle wat die woord van God hoor en dit bewaar.

Die teken van Jona.

(Matt. 12:38-42.)

EN toe die skare saamstroom, begin Hy te sê: Hierdie geslag is boos; dit soek na ’n teken, en geen teken sal aan hom gegee word nie, behalwe ⁿdie teken van die profeet Jona.

Want ²⁸soos Jona ’n teken was vir die Nineviete, so sal die Seun van die mens ook wees vir hierdie geslag.

Die koningin van die Suide sal in die oordeel opstaan saam met die manne van hierdie geslag en hulle ²⁹veroordeel; ^owant sy het gekom ³⁰van die eindes van die aarde af om die wysheid van Salomo te hoor, en — ³¹meer as Salomo is hier!

Die manne van Ninevé sal in die oordeel opstaan saam met hierdie geslag en dit veroordeel; ^pwant hulle het hul op die prediking van Jona bekeer, en — meer as Jona is hier!

Die lamp van die liggaam.

(Matt. 5:15; 6:22; Luk. 8:16.)

^qEN niemand steek ’n lamp op en sit dit in ’n verborge plek of onder die maatemmer nie, maar op die staander, sodat die wat binnekom, ³²die lig kan sien.

^rDie lamp van die liggaam is die oog. As jou oog dan reg is, is jou hele liggaam ook ³³verlig; maar as dit verkeerd is, is jou liggaam ook donker.

³⁴Pas dan op dat die lig in jou nie duisternis is nie.

As jou hele liggaam dan verlig is en nie enige deel het wat donker is nie, sal dit ³⁵heeltemal verlig wees, net soos wanneer die lamp met sy skynsel jou verlig.

Jesus bestraf die skrifgeleerdes en die Fariseërs.

(Matt. 23:1 vv. en ooreenk. pl.)

EN onderwyl Hy besig was om te spreek, het ’n sekere Fariseër Hom ³⁶uitgenooi om by hom te kom eet; en Hy het ingekom en aan tafel gegaan.

En toe die Fariseër dit sien, het hy hom verwonder ^sdat Hy nie voor die maaltyd eers ³⁷gewas het nie.

Maar die Here sê vir hom: ^tJa, julle Fariseërs, julle maak die buitekant van die beker en die bord skoon, ^vmaar ³⁸van binne is julle vol roof en boosheid.

Onverstandiges, het Hy wat die buitekant gemaak het, nie die binnekant ook gemaak nie?

^xMaar gee wat ³⁹daarin is, as aalmoes, en dan is ⁴⁰alles vir julle rein.

^yMaar wee julle, Fariseërs, want julle ⁴¹gee tiendes van die kruisement en die wynruit en ⁴²elke groentesoort, en ^zjulle verwaarloos ⁴³die reg en die liefde tot God. Hierdie dinge behoort julle te doen sonder om die ander na te laat.

^aWee julle, Fariseërs, want julle hou van die voorste banke in die sinagoges en die begroetinge op die markte.

^bWee julle, skrifgeleerdes en Fariseërs, geveinsdes, want julle is soos grafte wat ⁴⁴onherkenbaar is, en die mense wat daaroor loop, ⁴⁵weet dit nie.

Toe antwoord een van die ⁴⁶wetgeleerdes en sê vir Hom: Meester, as U só spreek, beledig U ons ook.

^cEn Hy sê: Wee julle ook, wetgeleerdes, want julle lê laste op die mense wat swaar is om te dra, en self roer julle die laste nie met een van julle vingers aan nie.

^dWee julle, want julle bou die grafte van die profete, en julle vaders het hulle gedood.

Julle gee dus getuienis vir die werke van julle vaders ⁴⁷en het saam welbehae daarin, want hulle het hul gedood en julle bou hul grafte.

Daarom het ⁴⁸die wysheid van God ook gesê: ^eEk sal profete en apostels na hulle stuur, en van dié sal hulle doodmaak en vervolg,

sodat van ⁴⁹hierdie geslag afgeëis kan word die bloed van al die profete wat vergiet is van die grondlegging van die wêreld af,

^fvan die bloed van Abel af ^gtot op die bloed van ⁵⁰Sagaría wat omgekom het tussen die reukaltaar en ⁵¹die huis van God. Ja, Ek sê vir julle, dit sal afgeëis word van hierdie geslag.

^hWee julle, wetgeleerdes, want julle het ⁵²die sleutel van die kennis weggeneem; self het julle nie ingegaan nie, en vir die wat wou ingaan, het julle verhinder.

En toe Hy dit aan hulle sê, begin die skrifgeleerdes en die Fariseërs ⁵³Hom skerp in die oog te hou en Hom ⁵⁴uit te vra oor baie dinge,

om vir Hom ’n strik te stel en te probeer om iets uit sy mond op te vang, sodat hulle Hom kon beskuldig.