TOE^{1 a2}duisende van die skare ondertussen saamkom, sodat hulle mekaar vertrap het, begin Hy aan sy dissipels te sê: ³Pas veral op vir die suurdeeg van die Fariseërs, dit is geveinsdheid.

^bEn daar is niks bedek wat nie geopenbaar sal word nie, en verborge wat nie bekend sal word nie.

Daarom, alles wat julle ⁴in die donker gesê het, sal in die lig gehoor word; en wat julle in die oor gepraat het in die binnekamers, sal ⁵op die dakke verkondig word.

Wie gevrees moet word.

(Matt. 10:28-33.)

EN Ek sê vir julle, my vriende: ^cMoenie vrees vir die wat die liggaam doodmaak en daarna ⁶niks meer kan doen nie;

maar Ek sal julle wys wie julle moet vrees: vrees Hom wat, nadat Hy doodgemaak het, by magte is om in ⁷die hel te werp; ja, Ek sê vir julle, vrees Hom!

^dWord vyf mossies nie vir twee ⁸stuiwers verkoop nie? En nie een van hulle is voor God vergeet nie.

^eMaar selfs die hare van julle hoof is almal getel. Wees dan nie bevrees nie: ⁹julle is meer werd as baie mossies.

^fEn Ek sê vir julle: Elkeen wat My sal bely voor die mense, hom sal die Seun van die mens ook bely voor die engele van God.

^gMaar hy wat My verloën voor die mense, sal verloën word voor die engele van God.

En elkeen wat ¹⁰’n woord ¹¹teen die Seun van die mens sal spreek, dit sal hom vergewe word; ^hmaar vir hom wat gelaster het ¹²teen die Heilige Gees, sal dit nie vergewe word nie.

ⁱEn wanneer hulle jul sal bring voor die sinagoges en die owerhede en die gesaghebbers, ¹³moet julle jul nie kwel oor hoe of waarmee julle jul sal verdedig, of wat julle sal sê nie;

want die Heilige Gees sal julle in dieselfde uur ¹⁴leer wat julle moet sê.

Gelykenis van die ryk dwaas.

EN een van die skare sê vir Hom: Meester, sê vir my broer dat hy die erfenis met my moet deel.

Maar Hy antwoord hom: Mens, wie het My as ’n regter of deler oor julle aangestel?

En Hy sê vir hulle: Pas op en wees op julle hoede ^kvir ¹⁵die hebsug, ¹⁶want iemand se lewe bestaan nie uit die oorvloed van sy besittings nie.

Toe vertel Hy hulle hierdie gelykenis: ’n Ryk man se ¹⁷grond het goed gedra.

En hy het by homself geredeneer en gesê: Wat sal ek doen, want ek het geen plek waar ek my oes kan insamel nie?

Toe sê hy: Dit sal ek doen: ek sal my skure afbreek en groter bou, en ek sal daar al my opbrengste en my goed insamel.

En ek sal vir my siel sê: ^lSiel, jy het baie goed ¹⁸wat weggesit is vir baie jare; neem rus, eet, drink, wees vrolik.

Maar God het aan hom gesê: ^mJou dwaas, in hierdie nag ¹⁹sal hulle jou siel van jou afeis; en wat jy gereedgemaak het, ⁿwie s’n sal dit wees?

So gaan dit met hom wat vir homself ²⁰skatte vergader en ²¹nie ryk is in God nie.

Die sorge van die lewe.

(Matt. 6:25-34.)

EN Hy het aan sy dissipels gesê: ^oDaarom sê Ek vir julle: Moenie julle ²²kwel oor jul ²³lewe, wat julle sal eet, of oor jul liggaam, wat julle sal aantrek nie.

Die lewe is meer as die voedsel en die liggaam as die klere.

^pKyk na die kraaie, want hulle saai nie en hulle maai nie; hulle het geen voorraadkamer of skuur nie, en tog voed God hulle. ²⁴Hoeveel meer is julle nie werd as die voëls nie!

^qEn wie onder julle kan, deur hom te kwel, ²⁵een el by sy lengte voeg?

As julle dan selfs nie die geringste kan doen nie, waarom kwel julle jul oor die ²⁶ander dinge?

Kyk na die lelies, hoe hulle groei: hulle arbei nie en hulle spin nie; en Ek sê vir julle, selfs Salomo in al sy heerlikheid was nie bekleed soos een van hulle nie.

As God dan ²⁷die gras van die veld wat vandag daar is en môre in ’n oond gegooi word, so beklee, hoeveel meer vir julle, kleingelowiges!

Julle moet ook nie ²⁸soek wat julle sal eet of wat julle sal drink nie, en julle nie ²⁹ongerus maak nie;

want al hierdie dinge soek ³⁰die nasies van die wêreld, en julle Vader weet dat julle hierdie dinge nodig het.

^rMaar soek die koninkryk van God, en al hierdie dinge sal vir julle ³¹bygevoeg word.

Moenie vrees nie, klein kuddetjie, want julle Vader het ’n welbehae daarin gehad om aan julle ³²die koninkryk te gee.

^s33Verkoop julle besittings en gee aalmoese; ^tmaak vir julle beurse wat nie oud word nie, ’n skat in die hemel wat onuitputlik is, waar geen dief by kom of mot verteer nie.

Want waar julle skat is, daar sal julle hart ook wees.

Gelykenis van die waaksame dienskneg.

(Matt. 24:45-51.)

^vLAAT ³⁴julle heupe omgord wees en julle lampe aan die brand.

En julle moet wees soos mense wat op hulle heer ³⁵wag wanneer hy van die bruilof ³⁶terugkom, sodat hulle dadelik vir hom kan oopmaak as hy kom en aanklop.

Gelukkig is daardie diensknegte vir wie die heer wakker sal vind as hy kom. Voorwaar Ek sê vir julle, hy sal hom omgord en hulle aan tafel laat gaan en hulle kom bedien.

^xEn as hy in die tweede of in die derde ³⁷nagwaak kom, en dit so vind — gelukkig is daardie diensknegte.

^yMaar weet dit: as die huisheer geweet het in watter uur die dief sou kom, sou hy gewaak het en nie in sy huis laat ³⁸inbreek het nie.

^zJulle moet dan ook gereed wees, omdat die Seun van die mens ³⁹kom op ’n uur dat julle dit nie verwag nie.

Toe sê Petrus vir Hom: Here, vertel U hierdie gelykenis vir ons of ook vir almal?

En die Here antwoord: ^aWie is dan die getroue en verstandige bestuurder wat die heer oor sy diensvolk sal aanstel om ⁴⁰hulle rantsoen op tyd te gee?

Gelukkig is daardie dienskneg vir wie sy heer, as hy kom, só besig sal vind.

Waarlik, Ek sê vir julle, hy sal hom oor al sy besittings aanstel.

Maar as daardie dienskneg in sy hart sê: My heer talm om te kom, en hy die diensknegte en diensmaagde begin slaan, en begin eet en drink en dronk word,

dan sal die heer van daardie dienskneg kom op ’n dag dat hy dit nie verwag nie, en op ’n uur dat hy dit nie weet nie, en sal hom ⁴¹pynig en hom ’n deelgenoot maak van die ⁴²ontroues.

^bEn daardie dienskneg wat die wil van sy heer geken het en nie klaargemaak of volgens sy wil gedoen het nie, sal met baie slae geslaan word;

maar hy wat nie geweet het nie en gedoen het wat slae verdien, sal met min slae geslaan word. En elkeen aan wie veel gegee is, van hom sal veel gevorder word; en aan ⁴³wie hulle veel toevertrou het, van hom sal hulle oorvloediger eis.

Jesus bring vuur en verdeeldheid op die aarde.

EK het gekom om ⁴⁴vuur op die aarde te werp, en ⁴⁵hoe wens Ek dat dit al aangesteek was!

^cMaar Ek het ’n ⁴⁶doop om mee gedoop te word, en hoe ⁴⁷benoud word Ek totdat dit volbring is!

^dDink julle dat Ek gekom het om vrede op die aarde te gee? Nee, sê Ek vir julle, ^emaar eerder verdeeldheid.

Want van nou af sal daar vyf in een huis verdeeld wees, drie teen twee en twee teen drie.

Die vader sal verdeeld wees teen die seun en die seun teen die vader, die moeder teen die dogter en die dogter teen die moeder, die skoonmoeder teen haar skoondogter en die skoondogter teen haar skoonmoeder.

Die tekens van die tye.

EN Hy het ook aan die skare gesê: ^fWanneer julle ’n wolk in die weste sien opkom, sê julle dadelik: Daar kom reën! en dit gebeur ook.

En wanneer julle die suidewind sien waai, sê julle: Dit sal gloeiend warm wees! en dit gebeur.

Geveinsdes, ⁴⁸die voorkoms van die aarde en die lug weet julle te ⁴⁹beoordeel, maar hoe is dit dat julle ⁵⁰hierdie tyd nie kan beoordeel nie?

En waarom oordeel julle ook nie ⁵¹uit julleself wat reg is nie?

^gWant terwyl jy met jou teëstander na die owerheid gaan, doen moeite op die pad om van hom ⁵²los te kom; sodat hy jou nie miskien voor die regter sleep en die regter jou oorgee aan die ⁵³geregsdienaar en die geregsdienaar jou in die gevangenis werp nie.

Ek sê vir jou, jy sal daar sekerlik nie uitkom voordat jy ook die laaste ⁵⁴oortjie betaal het nie.