Die moord op die Galiléërs. Die toring van Silóam.

EN in dieselfde tyd was daar mense teenwoordig wat Hom berig gebring het ¹van die Galiléërs wie se bloed Pilatus met hulle offers gemeng het.

En Jesus antwoord en sê vir hulle: Dink julle dat hierdie Galiléërs groter sondaars was as al die Galiléërs, omdat hulle sulke dinge gely het?

Nee, sê Ek vir julle; maar as julle jul nie bekeer nie, sal julle almal net so ²omkom.

Of daardie agttien op wie die ³toring van Silóam geval en hulle gedood het — dink julle dat hulle meer ⁴skuldig was as al die mense wat in Jerusalem woon?

Nee, sê Ek vir julle; maar as julle jul nie bekeer nie, sal julle almal net so omkom.

Gelykenis van die onvrugbare vyeboom.

EN Hy het hierdie gelykenis uitgespreek: ’n Man het ’n vyeboom gehad wat in sy wingerd geplant was, en hy het gekom en vrugte daaraan gesoek en niks gekry nie.

Toe sê hy vir die tuinier: Kyk, drie jaar kom ek om vrugte aan hierdie vyeboom te soek en ek kry niks nie; kap hom uit. Waarvoor maak hy die grond nog ⁵onvrugbaar?

Maar hy antwoord en sê vir hom: Meneer, laat hom nog hierdie jaar staan totdat ek om hom gespit en mis gegooi het.

As hy dan vrugte dra, goed; maar so nie, dan kan u hom anderjaar uitkap.

Genesing van ’n lam vrou.

EN Hy was besig om op ⁶die sabbat in een van die sinagoges te leer.

En daar was ’n vrou wat ⁷’n gees van krankheid agttien jaar lank gehad het, en sy was ⁸inmekaargetrek en glad nie in staat om regop te kom nie.

En toe Jesus haar sien, roep Hy haar en sê: Vrou, jy is van jou krankheid ⁹verlos.

En Hy het haar die hande opgelê, en onmiddellik het sy ¹⁰regop gestaan en God verheerlik.

Maar ¹¹die owerste van die sinagoge, wat verontwaardig was dat Jesus op die sabbat genees het, antwoord en sê vir die skare: ^aDaar is ses dae waarop ’n mens ¹²behoort te werk; kom dan op dié dae en laat julle genees en nie op die sabbatdag nie.

Toe antwoord die Here hom en sê: Jou geveinsde, ^bmaak elkeen van julle nie op die sabbat sy os of esel van die krip los en lei hom weg om hom te laat drink nie?

Maar hierdie vrou wat ¹³’n dogter van Abraham is, wat die Satan — dink daaraan! — agttien jaar lank ¹⁴gebind het, moes sy nie van hierdie band op die sabbatdag verlos word nie?

En toe Hy dit sê, het al sy teëstanders beskaamd geword; en die hele skare was bly oor al die heerlike dinge wat deur Hom gebeur het.

Gelykenisse van die mosterdsaad en die suurdeeg.

(Matt. 13:31-33 en ooreenk. pl.)

^cEN Hy het gesê: Hoedanig is ¹⁵die koninkryk van God en waarmee sal Ek dit vergelyk?

Dit is soos ¹⁶’n mosterdsaad wat ’n man geneem en in sy tuin gesaai het; en dit het gegroei en ’n groot boom geword, en die voëls van die hemel het nes gemaak in sy takke.

En weer het Hy gesê: ^dWaarmee sal Ek die koninkryk van God vergelyk?

Dit is soos suurdeeg wat ’n vrou neem en in drie mate meel inwerk totdat dit heeltemal ingesuur is.

Die nou poort.

^eEN onderwyl Hy geleer het en ¹⁷op reis was na Jerusalem, het Hy stede en dorpe deurgegaan.

Toe sê iemand vir Hom: Here, is die wat gered word, min? En Hy antwoord hulle:

^f18Stry hard om in te gaan deur ¹⁹die nou poort, want baie, sê Ek vir julle, sal probeer om in te gaan en sal ²⁰nie in staat wees nie.

Wanneer die ²¹eienaar van die huis opgestaan en ^gdie deur gesluit het, en julle begin buitekant te staan en aan die deur te klop en te sê: Here, Here, maak vir ons oop — sal Hy antwoord en vir julle sê: Ek ken julle nie ^hwaar julle vandaan is nie.

Dan sal julle begin sê: Ons het in u teenwoordigheid geëet en gedrink, en U het op ons strate geleer.

ⁱEn Hy sal sê: Ek sê vir julle, Ek ken julle nie waar julle vandaan is nie. ^kGaan weg van My, al julle werkers van die ongeregtigheid!

^lDaar sal geween wees en gekners van die tande, ^mwanneer julle Abraham en Isak en Jakob en al die profete in die ²²koninkryk van God sal sien, maar julle self uitgedryf buitentoe.

ⁿEn hulle sal kom van oos en wes en van noord en suid en aansit in die koninkryk van God.

^oEn daar is ²³laastes wat eerste sal wees, en daar is eerstes wat laaste sal wees.

Jesus word teen Herodes gewaarsku.

EN op dieselfde dag het sommige van die Fariseërs na Hom gekom en vir Hom gesê: ²⁴Gaan weg en vertrek hiervandaan, ²⁵want Herodes wil U om die lewe bring.

En Hy het vir hulle gesê: Gaan vertel daardie ²⁶jakkals: Kyk, Ek dryf duiwels uit en ²⁷maak gesond, ²⁸vandag en môre, en ²⁹op die derde dag ³⁰is Ek klaar.

³¹Maar Ek moet vandag en môre en die volgende dag verder gaan, want dit kan ³²nie gebeur dat ’n profeet buitekant Jerusalem omkom nie.

^p33Jerusalem, Jerusalem, jy wat die profete doodmaak en die wat na jou gestuur is, stenig, ^qhoe dikwels wou Ek jou kinders bymekaarmaak, soos ’n hen haar ³⁴kuikens onder die vlerke, en julle wou nie.

^rKyk, ³⁵julle huis word vir julle woes gelaat. Voorwaar Ek sê vir julle dat julle My sekerlik nie sal sien nie totdat die dag ³⁶kom wanneer julle sal sê: ^sGeseënd is Hy wat kom in die Naam van die Here!