Die klein gawe van die arm weduwee.

(Mark. 12:41-44.)

EN^a toe Hy opkyk, sien Hy die rykes wat hulle gawes in die ¹skatkis gooi.

En Hy het ook ’n arm weduwee daar twee ²geldstukkies sien ingooi.

En Hy sê: Waarlik, Ek sê vir julle dat hierdie ^barm weduwee meer as almal ingegooi het.

Want hulle almal het uit hul ³oorvloed ⁴by die gawes van God ingegooi, maar sy het ⁵uit haar gebrek ingegooi alles wat sy gehad het ⁶om van te lewe.

Die profetiese rede. Begin van die smarte.

(Matt. 24:1-14 en ooreenk. pl.)

^cEN toe sommige oor die tempel praat, dat dit met mooi klippe en ⁷gewyde geskenke versierd was, sê Hy:

Hierdie dinge wat julle sien — ^ddaar sal dae kom wanneer daar nie een klip op die ander gelaat sal word wat nie afgebreek sal word nie.

En hulle vra Hom en sê: Meester, wanneer sal dit dan wees, en wat is die teken wanneer dit gaan gebeur?

^eEn Hy antwoord: Pas op dat julle nie mislei word nie; ^fwant baie sal ⁸onder my Naam kom en sê: ⁹Dit is ek! en: Die tyd is naby! Gaan dan nie agter hulle aan nie.

En wanneer julle hoor van oorloë en ¹⁰opstande, moenie skrik nie; want dié dinge moet ¹¹eers plaasvind, maar dit is nie dadelik die einde nie.

Toe sê Hy vir hulle: ^gDie een nasie sal teen die ander opstaan en die een koninkryk teen die ander.

En daar sal groot aardbewings op verskillende plekke wees en hongersnode en pessiektes; en daar sal ¹²verskriklike dinge en groot tekens van die hemel ¹³kom.

^hMaar voor al hierdie dinge sal hulle die hande aan julle slaan en julle vervolg en oorlewer in ¹⁴sinagoges en ⁱgevangenisse en julle voor ^kkonings en goewerneurs bring ter wille van my Naam.

En dit sal vir julle ¹⁵uitloop op ’n ¹⁶getuienis.

^l17Neem julle dan in jul harte voor om nie vooraf oor julle verdediging te dink nie.

^mWant Ek sal aan julle ¹⁸woorde en wysheid gee wat al julle teëstanders nie sal kan teëspreek of weerstaan nie.

ⁿMaar julle sal ¹⁹oorgelewer word ook deur ouers en broers en bloedverwante en vriende, en hulle sal van julle ^odoodmaak.

^pEn julle sal gehaat wees deur ²⁰almal ter wille van my Naam.

^qEn geen ²¹haar van julle hoof sal ooit verlore gaan nie.

²²Deur julle volharding moet julle jul ²³lewe in besit kry.

Die profetiese rede. Die groot verdrukking.

(Matt. 24:15-28 en ooreenk. pl.)

^rEN wanneer julle Jerusalem deur leërs omsingeld sien, dan moet julle weet dat sy verwoesting naby is.

Dan moet die wat in Judéa is, na die berge vlug; en die wat in die stad is, moet uitgaan; en die wat in die buitewyke is, ²⁴moet nie daar inkom nie.

Want dit sal dae van ²⁵wraak wees, ^ssodat alles wat geskrywe is, vervul kan word.

Maar ²⁶wee die vroue wat swanger is en die wat nog soog in daardie dae; want daar sal ’n groot nood ²⁷in die land wees en toorn oor hierdie volk.

En hulle sal deur die ²⁸skerpte van die swaard val en as krygsgevangenes geneem word na al die nasies, en Jerusalem sal vertrap word deur die nasies ^t29totdat die tye van die nasies vervul is.

Die profetiese rede. Die koms van die Seun van die mens.

(Matt. 24:29-35 en ooreenk. pl.)

^vEN daar sal tekens wees aan son en maan en sterre, en op die aarde benoudheid van nasies in hulle radeloosheid, wanneer see en branders ³⁰dreun,

en mense se ³¹harte beswyk van vrees en verwagting van die dinge wat oor ³²die wêreld kom. Want die kragte van die hemele sal ³³geskud word.

^xEn dan sal hulle die Seun van die mens sien kom in ’n wolk, met ³⁴groot krag en ³⁵heerlikheid.

En as hierdie dinge begin gebeur, ³⁶kyk dan na bo en hef julle hoofde op, ^yomdat ³⁷julle verlossing naby is.

^zToe vertel Hy hulle ’n gelykenis: Let op die vyeboom en al die bome.

Net soos hulle bot, weet julle vanself, as julle dit sien, dat die somer al naby is.

So moet julle ook weet dat die ³⁸koninkryk van God naby is wanneer julle hierdie dinge sien gebeur.

Voorwaar Ek sê vir julle, hierdie ³⁹geslag sal sekerlik nie verbygaan voordat alles gebeur het nie.

^aDie hemel en die aarde sal ⁴⁰verbygaan, maar my woorde sal nooit verbygaan nie.

Profetiese rede. Waaksaamheid.

(Matt. 24:36-44.)

^bMAAR pas op vir julleself, dat julle harte nie miskien beswaar word deur swelgery en dronkenskap en ⁴¹sorge van die lewe nie, en dié dag julle nie skielik oorval nie.

^cWant soos ’n strik sal hy kom oor almal wat ⁴²op die hele aarde woon.

^dWaak dan en bid altyddeur, sodat julle waardig geag mag word om ⁴³al hierdie dinge wat kom, te ontvlug en voor die Seun van die mens te ⁴⁴staan.

Die loon van die verraad.

(Matt. 26:1-5, 14-16 en ooreenk. pl.)

^eEN Hy was oordag in die tempel besig om te leer, en snags het Hy uitgegaan en vernag op die berg wat die Olyfberg genoem word.

En die hele volk het vroeg in die môre na Hom in die tempel gekom om na Hom te luister.