EN^a die ¹fees van die ongesuurde brode, wat pasga genoem word, was ²naby.

^bEn die owerpriesters en die skrifgeleerdes het gesoek hoe hulle Hom kon ombring, want hulle het die volk gevrees.

^cEn die Satan het ³in Judas gevaar, wat Iskáriot genoem word en wat uit die getal van die twaalf was.

Toe het hy gegaan en met die owerpriesters en ⁴hoofde beraadslaag hoe hy Hom aan hulle kon oorlewer.

En hulle was bly en het met hom ooreengekom om hom ⁵geld te gee.

En hy het toegestem en na ’n ⁶goeie geleentheid gesoek om Hom ⁷sonder oproer aan hulle oor te lewer.

Die laaste paasfees. Die heilige nagmaal.

(Matt. 26:17-30 en ooreenk. pl.)

^dEN die dag van die ongesuurde brode het gekom waarop die pasga ⁸geslag moes word.

Toe stuur Hy Petrus en Johannes en sê: Gaan berei die pasga vir ons, dat ons dit kan eet.

En hulle sê vir Hom: Waar wil U hê moet ons dit berei?

En Hy antwoord hulle: Kyk, as julle in die ⁹stad ingaan, sal ’n man julle ontmoet wat ¹⁰’n kruik water dra; volg hom na die huis waar hy ingaan.

En julle moet vir die ¹¹eienaar van die huis sê: Die Meester ¹²vra u — waar is die ¹³kamer waar Ek die pasga met my dissipels kan eet?

En hy sal julle ’n groot bovertrek wys wat ¹⁴reggemaak is; daar moet julle dit berei.

En hulle het gegaan en dit gevind soos Hy vir hulle gesê het, en die pasga berei.

^eEn toe die ¹⁵uur kom, het Hy aan tafel gegaan en die twaalf apostels saam met Hom.

En Hy sê vir hulle: Ek het ¹⁶baie sterk daarna verlang om hierdie pasga met julle te eet voordat Ek ly.

Want Ek sê vir julle: Ek sal sekerlik nie meer daarvan eet voordat ¹⁷dit in die koninkryk van God vervul is nie.

En toe Hy ¹⁸’n beker geneem het, dank Hy en sê: Neem dit en deel dit onder julle.

Want Ek sê vir julle: Ek sal sekerlik nie drink van die vrug van die wynstok voordat die koninkryk van God gekom het nie.

^fDaarop neem Hy brood, en nadat Hy gedank het, breek Hy dit en gee dit aan hulle en sê: ¹⁹Dit is my liggaam wat vir julle ²⁰gegee word; doen dit tot my gedagtenis.

Net so neem Hy ook die beker ná die ²¹maaltyd en sê: ²²Hierdie beker ²³is die nuwe ²⁴testament in my bloed wat vir julle uitgestort ²⁵word.

^gMaar kyk, die hand van hom wat My verraai, is by My aan tafel.

Die Seun van die mens gaan wel heen ^hvolgens wat ²⁶bepaal is, maar wee daardie man deur wie Hy ²⁷verraai word!

Toe begin hulle onder mekaar te vra wie van hulle dit tog kon wees wat dit sou doen.

Die grootste sal die kleinste wees.

(Matt. 20:25-28 en ooreenk. pl.)

EN daar het ook ²⁸twis onder hulle ontstaan oor wie van hulle die grootste ²⁹geag moet wees.

En Hy het vir hulle gesê: ⁱDie konings ³⁰van die nasies ³¹heers oor hulle, en die wat gesag voer oor hulle, word ³²weldoeners genoem.

^kMaar so moet julle nie wees nie; ^lmaar ³³die oudste onder julle moet word soos ³⁴die jongste, en wie ’n ³⁵leier is, soos een wat dien.

Want wie is groter: die een wat aan tafel is, of die een wat dien? Is dit nie hy wat aan tafel is nie? ^mMaar Ek is onder julle soos een wat dien.

En dit is julle wat altyddeur by My gebly het in my versoekinge.

ⁿEn ³⁶Ek beskik vir julle ’n koninkryk soos my Vader dit vir My beskik het,

sodat julle kan ³⁷eet en drink aan my tafel in my koninkryk en ^oop trone sit ³⁸om die twaalf stamme van Israel te oordeel.

Petrus word gewaarsku.

(Matt. 26:33-35 en ooreenk. pl.)

EN die Here sê: Simon, Simon, kyk, ^pdie Satan het ³⁹vurig begeer om julle ⁴⁰soos koring te sif.

Maar Ek het vir jou gebid, dat jou geloof nie ⁴¹ophou nie; en as jy eendag bekeerd is, moet jy jou broeders versterk.

En hy het vir Hom gesê: Here, ek is gereed om saam met U selfs in die gevangenis en in die dood te gaan.

Maar Hy antwoord: ^qEk sê vir jou, Petrus, ⁴²die haan sal vannag nie kraai voordat jy drie maal geloën het dat jy My ken nie.

Die twee swaarde.

EN Hy sê vir hulle: ^rToe Ek julle uitgestuur het sonder beurs en reissak en skoene, het julle iets kortgekom? En hulle antwoord: Niks nie.

Toe sê Hy vir hulle: ⁴³Maar nou, wie ’n beurs het, laat hom dit neem en so ook die reissak; en ⁴⁴wie dit nie het nie, moet sy kleed verkoop en ’n swaard koop.

Want Ek sê vir julle dat dit wat geskrywe is, nog aan My vervul moet word: ^sEn Hy is saam met ⁴⁵misdadigers gereken. Want ook aan die dinge wat betrekking het op My, ⁴⁶kom daar ’n einde.

Hulle sê vir Hom: Here, kyk hier is twee swaarde. En Hy antwoord hulle: ⁴⁷Dit is genoeg.

Jesus in Getsémané.

(Matt. 26:36-46 en ooreenk. pl.)

^tEN Hy het vertrek en volgens gewoonte na die Olyfberg gegaan. En ook sy dissipels het Hom gevolg.

En toe Hy op die plek kom, sê Hy vir hulle: Bid dat julle nie in versoeking kom nie.

^vEn ⁴⁸Hy het Hom van hulle afgesonder omtrent so ver as ’n mens met ’n klip kan gooi, en neergekniel en gebid

en gesê: Vader, ⁴⁹as U tog maar hierdie beker van My wil wegneem! Laat nogtans nie my wil nie, ^xmaar u wil geskied!

En ’n engel uit die hemel het aan Hom verskyn en Hom versterk.

^yEn toe Hy in ’n ⁵⁰sware stryd kom, het Hy met groter inspanning gebid, en sy sweet het geword soos ⁵¹bloeddruppels wat op die grond val.

Toe staan Hy van die gebed op en kom by sy dissipels en vind hulle aan die slaap van droefheid.

En Hy sê vir hulle: Wat slaap julle? Staan op en bid, dat julle nie in versoeking kom nie.

Jesus word gevange geneem.

(Matt. 26:47-56 en ooreenk. pl.)

^zEN terwyl Hy nog spreek, kom daar ’n skare; en hy wat Judas genoem word, een van die twaalf, het voor hulle uit geloop en nader gekom na Jesus ⁵²om Hom te soen.

En Jesus sê vir hom: Judas, verraai jy die Seun van die mens met ’n kus?

En toe die wat rondom Hom was, sien wat gaan gebeur, sê hulle vir Hom: Here, moet ons met die swaard slaan?

^aEn ⁵³een van hulle het ⁵⁴die dienskneg van die hoëpriester getref en sy regteroor afgekap.

Maar Jesus het geantwoord en gesê: ⁵⁵Hou op, dit is genoeg! En Hy het sy oor aangeraak en hom gesond gemaak.

^bToe sê Jesus ⁵⁶vir die owerpriesters en hoofde van die tempel en ouderlinge wat teen Hom gekom het: Het julle uitgetrek soos teen ’n rower met swaarde en ⁵⁷stokke?

Dag vir dag was Ek saam met julle in die tempel, en julle het nie die hande teen My uitgesteek nie. Maar dit is julle uur en ⁵⁸die mag van die duisternis.

Petrus verloën Jesus.

(Matt. 26:69-75 en ooreenk. pl.)

^cEN hulle het Hom gevange geneem en weggelei en Hom gebring in ⁵⁹die huis van die hoëpriester. En Petrus het van ver af gevolg.

^dEn toe hulle ’n vuur in die middel van die binneplaas van die paleis gemaak en bymekaar gaan sit het, het Petrus onder hulle gesit.

En ’n diensmeisie het hom daar by die ⁶⁰vuur sien sit; en nadat sy hom vas aangekyk het, sê sy: Hierdie man was ook saam met Hom.

Maar hy het Hom verloën en gesê: Vrou, ek ken Hom nie.

En kort daarna sien iemand anders hom en sê: Jy is ook een van ⁶¹hulle. Maar Petrus sê: Man, ek is nie.

En ná verloop van omtrent een uur het ’n ander een dit verseker en gesê: Sowaar, hierdie man was ook saam met Hom, want hy is ook ⁶²’n Galiléër.

Maar Petrus antwoord: Man, ek weet nie wat jy sê nie. En onmiddellik, terwyl hy nog praat, ⁶³het die haan gekraai.

En die Here het Hom omgedraai en Petrus aangekyk, en Petrus het die woord van die Here onthou wat Hy vir hom gesê het: ^eVoordat die haan ⁶⁴kraai, sal jy My drie maal verloën.

En Petrus het buitentoe gegaan en bitterlik geween.

Jesus voor die Sánhedrin.

(Matt. 26:57-68 en ooreenk. pl.)

^fEN die manne wat Jesus gevange gehou het, het Hom bespot en ^ggeslaan.

En hulle het Hom geblinddoek en Hom in die aangesig geslaan en Hom gevra en gesê: Profeteer wie dit is wat U geslaan het.

En baie ander dinge het hulle ⁶⁵lasterlik teen Hom gespreek.

^hEn toe dit dag word, het ⁶⁶die oudstes van die volk — die owerpriesters en skrifgeleerdes — ⁶⁷vergader en Hom voor hulle ⁶⁸Raad gebring

en gesê: ⁶⁹As U die Christus is, sê vir ons. En Hy antwoord hulle: As Ek vir u sê, sal u tog nie glo nie.

En as Ek vra, sal u My tog nie antwoord of loslaat nie.

ⁱ⁷⁰Van nou af sal die Seun van die mens sit aan die regterhand van die krag van God.

En hulle sê almal: Is U dan die Seun van God? En Hy antwoord hulle: ⁷¹U sê dat Ek dit is.

Daarop sê hulle: Wat het ons nog getuienis nodig! Want ons het dit self uit sy mond gehoor.