Jesus voor Pilatus en voor Herodes.

(Matt. 27:1, 2, 11-31 en ooreenk. pl.)

EN^{a 1}die hele menigte van hulle het opgestaan en Hom na ²Pilatus gelei.

En hulle het Hom begin beskuldig en sê: Ons het gevind dat hierdie man ³die volk verlei en ^bverbied om aan die keiser belasting te betaal, terwyl ^cHy sê dat Hy self Christus, die ⁴Koning, is.

^dToe vra Pilatus Hom en sê: Is U die Koning van die Jode? En Hy antwoord hom en sê: ⁵U sê dit.

En Pilatus sê vir die owerpriesters en die skare: Ek vind geen ⁶skuld in hierdie man nie.

Maar hulle ⁷het aangehou en gesê: Hy maak die volk oproerig met sy leer die hele Judéa deur, vandat Hy in Galiléa begin het tot hiertoe.

En toe Pilatus van Galiléa hoor, vra hy of die man ’n Galiléër is.

^eEn nadat hy verneem het dat Hy uit die magsgebied van ⁸Herodes was, stuur hy Hom na Herodes wat self ook in daardie dae ⁹in Jerusalem was.

^fEn toe Herodes Jesus sien, was hy baie bly, want hy was al geruime tyd begerig om Hom te sien, omdat hy veel van Hom gehoor het; en hy het gehoop om een of ander ¹⁰teken te sien wat deur Hom gedoen sou word.

En hy het Hom met baie woorde uitgevra, maar Hy het hom niks geantwoord nie.

En die ¹¹owerpriesters en die skrifgeleerdes het Hom heftig staan en beskuldig.

En nadat Herodes saam met sy ¹²soldate Hom ¹³met veragting behandel en bespot het, werp hy Hom ’n ¹⁴blink kleed om en stuur Hom terug na Pilatus.

^gEn Pilatus en Herodes het op daardie dag goeie vriende geword, want hulle was vantevore in vyandskap teenoor mekaar.

^h15Toe roep Pilatus die owerpriesters en die owerstes en die volk bymekaar en sê vir hulle:

Julle het hierdie man na my gebring as een wat die volk afvallig maak. En nou het ek in julle teenwoordigheid ¹⁶ondersoek ingestel en in hierdie man geen skuld gevind aan die dinge waarvan julle Hom beskuldig nie;

ja, ook Herodes nie, want ek het julle na hom gestuur; en daar ¹⁷is deur Hom niks gedoen wat die dood verdien nie.

Nadat ek Hom dan ¹⁸gekasty het, sal ek Hom loslaat.

ⁱEn hy ¹⁹was verplig om vir hulle op ²⁰die fees een los te laat.

Maar die hele menigte skreeu en sê: ^k21Weg met Hom, en laat vir ons Barábbas los!

Dié was oor ’n sekere opstand wat in die stad plaasgevind het, en oor ’n moord in die gevangenis gewerp.

Daarop spreek Pilatus hulle weer toe, omdat hy Jesus wou loslaat;

maar hulle het aangehou roep en sê: Kruisig, kruisig Hom!

En vir die derde keer sê hy vir hulle: Watter kwaad het Hy dan gedoen? Ek het in Hom niks gevind wat die dood verdien nie. Ek sal Hom dan ²²kasty en loslaat.

Maar hulle het aangehou met ’n ²³harde geroep en geëis dat Hy gekruisig moes word; en hulle geroep en dié van die owerpriesters ²⁴het die oorhand gekry.

^lToe ²⁵gee Pilatus uitspraak dat aan hulle eis voldoen moet word.

En hy het die een vir hulle losgelaat wat oor opstand en moord in die gevangenis gewerp was, die een wat hulle geëis het. Maar Jesus het hy ²⁶aan hulle wil oorgelewer.

Jesus op weg na Gólgota.

^mEN toe hulle Hom weglei, neem hulle ’n sekere Simon van Ciréne wat van die veld af gekom het, en ²⁷sit die kruis op hom om dit agter Jesus aan te dra.

En ’n groot menigte van die volk het Hom gevolg, en vroue wat ²⁸rou bedryf en Hom beklaag het.

Maar Jesus het Hom omgedraai en vir hulle gesê: ²⁹Dogters van Jerusalem, ³⁰moenie oor My ween nie, maar ³¹ween oor julleself en oor julle kinders;

want daar kom dae waarin hulle sal sê: Gelukkig is ³²die onvrugbares en die moederskote wat nie gebaar en die borste wat nie gesoog het nie.

Dan sal hulle vir die berge ³³begin sê: ⁿVal op ons! en vir die heuwels: Bedek ons!

^oWant as hulle dit doen aan die ³⁴groen hout, ³⁵wat sal met die droë gebeur!

^pEn daar is nog twee ander, kwaaddoeners, weggelei om saam met Hom tereggestel te word.

Die kruisiging.

(Matt. 27:33-56 en ooreenk. pl.)

^qEN toe hulle op die plek kom wat ³⁶Hoofskedel genoem word, het hulle Hom daar gekruisig, en die kwaaddoeners, een aan die regter- en een aan die linkerkant.

En Jesus sê: ^rVader, vergeef hulle, want ³⁷hulle weet nie ³⁸wat hulle doen nie. ^sEn hulle het sy klere verdeel en die lot daaroor gewerp.

En die volk het dit staan en aanskou. En ^tdie owerstes het saam met hulle ook geskimp en gesê: Ander het Hy verlos; laat Hy Homself verlos as Hy die Christus, ³⁹die uitverkorene van God, is.

En die soldate het Hom ook bespot en gekom ⁴⁰en vir Hom asyn gebring

en gesê: As U die Koning van die Jode is, verlos Uself.

^vEn daar was ook ’n ⁴¹opskrif ⁴²bokant Hom geskrywe in Griekse en Romeinse en Hebreeuse letters: HY IS DIE KONING VAN DIE JODE.

En een van die kwaaddoeners wat opgehang is, het Hom gesmaad en gesê: As U die Christus is, verlos Uself en ons.

Maar die ander een antwoord en bestraf hom en sê: Vrees jý ook God nie, terwyl jy in dieselfde oordeel is? —

ons tog regverdiglik, want ons ontvang die verdiende loon vir ons dade, maar Hy het niks verkeerds gedoen nie.

En hy sê vir Jesus: Dink aan my, Here, wanneer U in u ⁴³koninkryk kom.

En Jesus antwoord hom: Voorwaar Ek sê vir jou, vandag sal jy saam met My ⁴⁴in die Paradys wees.

^xEn dit was omtrent ⁴⁵die sesde uur, en daar het duisternis ⁴⁶oor die hele aarde gekom tot die negende uur toe;

en die ⁴⁷son is verduister; ^yen die ⁴⁸voorhangsel van die tempel het middeldeur geskeur.

En Jesus het met ’n groot stem uitgeroep en gesê: ^zVader, in u hande ⁴⁹gee Ek ⁵⁰my gees oor! En toe Hy dit gesê het, blaas Hy die laaste asem uit.

^aEn toe die hoofman oor honderd sien wat daar gebeur, het hy God ⁵¹verheerlik en gesê: Waarlik, hierdie man was regverdig.

En die hele skare wat vir hierdie skouspel bymekaar was, het ⁵²op hulle borste geslaan toe hulle sien wat gebeur het, en hulle het teruggegaan.

En al sy bekendes het ver weg gestaan; ook die vroue wat Hom van Galiléa gevolg het, het hierdie dinge gesien.

Die begrafnis.

(Matt. 27:57-66 en ooreenk. pl.)

^bEN daar was ’n man met die naam van Josef, ’n lid van die Raad, ’n goeie en regverdige man

— hy het nie met hulle raad en handelwyse saamgestem nie — van Arimathéa, ’n stad van die Jode, wat ook self die koninkryk van God ⁵³verwag het.

Hy het na Pilatus gegaan en die liggaam van Jesus gevra

en dit afgehaal en in linne toegedraai ^cen dit neergelê in ’n graf wat uit ’n rots gekap was, waar nog nooit iemand in gelê het nie.

⁵⁴En dit was die dag van voorbereiding, en die sabbat ⁵⁵wou aanbreek.

En die vroue ^dwat saam met Hom van Galiléa gekom het, het ook gevolg en die graf gesien en hoe sy liggaam neergelê was.

Daarop het hulle teruggegaan en speserye en salf berei en op die sabbat gerus ⁵⁶volgens die gebod.