Prediking van Johannes die Doper.

(Matt. 3:1-12 en ooreenk. pl.)

EN in die vyftiende jaar van die regering van keiser ¹Tibérius, toe ²Pontius Pilatus goewerneur was van Judéa en Herodes ³viervors van Galiléa, en Filippus, sy broer, viervors van Ituréa en die land Trachonítus, en Lisánias viervors van Abiléne,

tydens die ^ahoëpriesterskap van ⁴Annas en Kájafas, het die woord van God gekom tot Johannes, die seun van Sagaría, ⁵in die woestyn.

^bEn hy het gekom in die hele omtrek van die Jordaan en die doop van bekering tot vergifnis van sondes verkondig;

soos geskrywe is in die boek van die woorde van ^cJesaja, die profeet, waar hy sê: ⁶Die stem van een wat roep in die woestyn: Berei die weg van die Here, maak sy paaie reguit.

Elke dal moet opgevul word en elke berg en heuwel wegsak; en die krom draaie sal ’n reguit pad word en die skurwe plekke gelyk weë.

^dEn ⁷alle vlees sal ⁸die heil van God sien.

Toe sê hy vir die skare wat uitgegaan het om deur hom gedoop te word: ^e9Addergeslag, wie het julle aangewys om te vlug vir die toorn wat aan kom is?

Dra dan vrugte wat ¹⁰by die bekering ^fpas, en moenie ¹¹by julleself begin sê: Ons het Abraham as vader nie; want ek sê vir julle dat God mag het om uit hierdie klippe kinders vir Abraham te verwek.

^gMaar ¹²die byl lê ook al teen die wortel van die bome. Elke boom dan wat geen goeie vrugte dra nie, word uitgekap en in die vuur gegooi.

En die skare het hom gevra en ^hgesê: ¹³Wat moet ons dan doen?

En hy antwoord en sê vir hulle: ⁱWie twee kledingstukke het, ¹⁴moet meedeel aan hom wat nie het nie; en wie voedsel het, moet dieselfde doen.

En tollenaars het ook gekom om gedoop te word, en vir hom gesê: Meester, wat moet ons doen?

En hy antwoord hulle: Moenie meer invorder as wat julle ¹⁵voorgeskrywe is nie.

En die soldate het hom ook gevra en gesê: En ons, wat moet ons doen? En hy sê vir hulle: Julle moet niemand ¹⁶geweld aandoen of iets ¹⁷afpers nie; en wees tevrede met julle soldy.

En terwyl die volk in ¹⁸verwagting was, en almal in hulle hart oorweeg het aangaande Johannes of hy nie miskien die Christus was nie,

antwoord Johannes almal en sê: ^kEk doop julle wel met water, maar Hy kom wat sterker is as ek, wie se skoenriem ek nie waardig is om los te maak nie — ^lHy sal julle doop ¹⁹met die Heilige Gees en met ²⁰vuur.

^mSy ²¹skop is in sy hand, en Hy sal sy dorsvloer deur en deur skoonmaak en sy koring saambring in sy skuur, maar die kaf met onuitbluslike vuur verbrand.

Hy het dan ook met baie ander vermaninge die evangelie aan die volk verkondig.

ⁿMaar toe ²²Herodes, die viervors, deur hom bestraf is oor Heródias, die vrou van Filippus, sy broer, en oor al die slegte dinge wat Herodes gedoen het,

het hy by alles nog dít gevoeg, dat hy Johannes in die gevangenis opgesluit het.

Jesus gedoop.

(Matt. 3:13-17 en ooreenk. pl.)

^oEN toe die hele volk gedoop en Jesus ook gedoop is, en Hy besig was om te bid, het die hemel oopgegaan;

en die ²³Heilige Gees het in liggaamlike gedaante soos ’n duif op Hom neergedaal; en ’n stem het uit die hemel gekom wat sê: ^pU is my geliefde Seun; in U het Ek ’n welbehae.

Die geslagsregister van Jesus.

(Matt. 1:1-17.)

EN Hy, Jesus, was omtrent ²⁴dertig jaar oud toe Hy begin leer het; en Hy was, soos hulle gemeen het, ^qdie seun van Josef, ²⁵die seun van Eli,

die seun van Mattat, die seun van Levi, die seun van Melgi, die seun van Janna, die seun van Josef,

die seun van Mattatías, die seun van Amos, die seun van Nahum, die seun van Esli, die seun van Nággai,

die seun van Maät, die seun van Mattatías, die seun van Sémeï, die seun van Josef, die seun van Juda,

die seun van Jóhanan, die seun van Resa, die seun van ²⁶Serubbábel, die seun van Seáltiël, die seun van Neríja,

die seun van Melgi, die seun van Addi, die seun van Kosam, die seun van Elmódam, die seun van Er,

die seun van Joses, die seun van Eliëser, die seun van Jorim, die seun van Mattat, die seun van Levi,

die seun van Símeon, die seun van Juda, die seun van Josef, die seun van Jonan, die seun van Éljakim,

die seun van Meléas, die seun van Mainan, die seun van Máttata, die seun van ²⁷Natan, die seun van Dawid,

die seun van Ísai, die seun van Obed, die seun van Boas, die seun van Salmon, die seun van Nagson,

die seun van Ammínadab, die seun van Ram, die seun van Hesron, die seun van Peres, die seun van Juda,

die seun van Jakob, die seun van Isak, die seun van Abraham, die seun van ^rTera, die seun van Nahor,

die seun van Serug, die seun van Rehu, die seun van Peleg, die seun van Heber, die seun van Sela,

die seun van ²⁸Kainan, die seun van Arpágsad, die seun van Sem, die seun van ²⁹Noag, die seun van Lameg,

die seun van Metúsala, die seun van Henog, die seun van Jered, die seun van Mehaláleël, die seun van Kenan,

die seun van Enos, die seun van Set, die seun van ^sAdam, ³⁰die seun van God.