Die versoeking.

(Matt. 4:1-11 en ooreenk. pl.)

EN ^aJesus het vol van die Heilige Gees teruggekeer van die Jordaan af, en is ¹deur die Gees in die woestyn gelei,

waar Hy ²veertig dae lank deur die duiwel versoek is; ^ben Hy het ³niks geëet in dié dae nie; en toe hulle verby was, het Hy naderhand honger geword.

Toe sê die duiwel vir Hom: As U die Seun van God is, sê vir hierdie klip dat dit brood moet word.

Maar Jesus antwoord en sê vir hom: ^cDaar is geskrywe: Die mens sal nie van brood alleen lewe nie, maar van elke woord van God.

⁴Toe bring die duiwel Hom op ’n hoë berg en wys Hom al die koninkryke van die wêreld in ’n ⁵oomblik se tyd.

En die duiwel sê vir Hom: Ek sal U al hierdie mag gee en hulle heerlikheid, ⁶want dit is aan my oorgegee, en ek gee dit aan wie ek wil.

As U my dan ⁷aanbid, sal alles aan U behoort.

En Jesus antwoord en sê vir hom: Gaan weg agter My, Satan, want daar is geskrywe: ^dDie Here jou God moet jy aanbid en Hom alleen dien.

Toe bring hy Hom na Jerusalem en stel Hom op die dak van die tempel en sê vir Hom: As U die Seun van God is, werp Uself hiervandaan neer.

Want daar is geskrywe: ^eHy sal sy engele bevel gee aangaande U om U te bewaar,

en hulle sal U op die hande dra, sodat U nie miskien u voet teen ’n klip stamp nie.

En Jesus antwoord en sê vir hom: Daar is gesê: ^fJy mag die Here jou God nie versoek nie.

En toe die duiwel elke versoeking geëindig het, het hy ⁸’n tyd lank van Hom gewyk.

Jesus word uit Násaret verdrywe.

^gEN Jesus het in die krag van die Gees na Galiléa teruggekeer, en daar het ’n gerug aangaande Hom deur die hele omtrek uitgegaan;

en Hy het in hulle sinagoges geleer en is deur almal ⁹geprys.

^hToe kom Hy in Násaret waar Hy opgevoed was; en soos Hy gewoond was, gaan Hy op ¹⁰die sabbatdag in die sinagoge en ⁱstaan op om te lees.

En die boek van die profeet Jesaja is aan Hom ¹¹oorhandig; en toe Hy die boek ¹²oopmaak, kry Hy ¹³die plek waar geskrywe is:

^kDie Gees van die Here is op My, omdat Hy My gesalf het ^lom die evangelie aan die armes te bring. Hy het My gestuur om die wat verbryseld van hart is, te genees;

^mom aan gevangenes vrylating te verkondig en aan blindes ¹⁴herstel van gesig; om die ¹⁵wat gebroke is, ¹⁶in vryheid weg te stuur; om die ¹⁷aangename jaar van die Here ¹⁸aan te kondig.

En nadat Hy die boek toegemaak en aan ¹⁹die dienaar teruggegee het, gaan Hy sit, en die oë van almal in die sinagoge was op Hom gevestig.

Toe begin Hy vir hulle te sê: ²⁰Vandag is hierdie Skrif in julle ore vervul.

En almal het vir Hom ²¹getuienis gegee ⁿen was verwonderd ²²oor die aangename woorde wat uit sy mond kom; en hulle sê: ^oIs Hy nie die seun van Josef nie?

En Hy antwoord hulle: Julle sal My ongetwyfeld ²³hierdie spreekwoord toevoeg: Geneesheer, genees uself! Alles wat ons hoor ^pwat in ²⁴Kapérnaüm gebeur het, doen dit hier in u vaderstad ook.

En Hy sê: Voorwaar Ek sê vir julle, ^qgeen ²⁵profeet is aangenaam in sy vaderland nie.

Maar Ek sê vir julle met waarheid, daar was ^rbaie weduwees in Israel in die dae van Elía toe die hemel ²⁶toegesluit was drie jaar en ses maande lank, toe daar ’n groot hongersnood gekom het in die hele land,

en na nie een van hulle is Elía gestuur nie, behalwe na Sarfat in ²⁷Sidon, na ’n weduwee.

En daar was ^sbaie melaatses in Israel ²⁸in die tyd van Elísa, die profeet, en nie een van hulle is gereinig nie, behalwe Naäman, die Síriër.

En almal in die sinagoge is met woede vervul toe hulle dit hoor;

en hulle het opgestaan en Hom uit die stad uitgedryf en Hom gebring tot op die rand van die berg waarop hulle stad gebou was, om Hom van die krans af te gooi.

Maar Hy het tussen hulle ²⁹deur geloop en weggegaan.

^tEn Hy het afgekom na Kapérnaüm, ’n stad van Galiléa, en hulle op die sabbat geleer.

^vEn hulle was verslae oor sy leer, want sy woord was ³⁰met gesag.

Genesing van die besetene in Kapérnaüm.

(Mark. 1:23-28.)

^xEN in die sinagoge was daar ’n man met die gees van ’n onreine duiwel, en hy het met ’n groot stem uitgeskreeu

en gesê: Ha! wat het ons met U te doen, Jesus, Nasaréner? Het U gekom om ons te verdelg? Ek ken U, wie U is: ³¹die Heilige van God!

En Jesus het hom bestraf en gesê: ³²Bly stil, en gaan uit hom uit! En die duiwel het hom tussen hulle neergegooi en uit hom uitgegaan sonder om hom seer te maak.

Toe kom daar verbaasdheid oor almal, en hulle praat met mekaar en sê: Wat vir ’n woord is dit, dat Hy met gesag en mag die onreine geeste gebied, en hulle gaan uit!

En daar het ’n gerug aangaande Hom uitgegaan na elke plek van die omgewing.

Genesing van Simon se skoonmoeder.

(Matt. 8:14-17 en ooreenk. pl.)

^yEN Hy het opgestaan uit die sinagoge en in die huis van ³³Simon gekom. En Simon se skoonmoeder was aangetas deur ’n hewige koors, en hulle het Hom ³⁴geraadpleeg oor haar.

Toe gaan Hy ³⁵oor haar staan en bestraf die koors, en dit het haar verlaat, en sy het onmiddellik opgestaan en hulle bedien.

^zEn ³⁶toe die son ondergaan, het almal hulle siekes, mense met allerhande kwale, na Hom gebring, en Hy het een vir een van hulle ^adie hande opgelê en hulle gesond gemaak.

^bEn duiwels het ook uit baie uitgegaan en geskreeu en gesê: U is die Christus, die Seun van God! En Hy het hulle bestraf en nie toegelaat ³⁷om te praat nie, omdat hulle geweet het dat Hy die Christus was.

^cEn toe dit dag geword het, het Hy uitgegaan en na ³⁸’n verlate plek vertrek; en die skare het Hom gesoek en by Hom gekom en Hom teëgehou, dat Hy nie van hulle sou weggaan nie.

Maar Hy het vir hulle gesê: Ek moet aan die ander stede ook ³⁹die evangelie van die koninkryk van God bring, want daarvoor is Ek ⁴⁰gestuur.

En Hy het verder in die sinagoges van Galiléa gepreek.