Jesus is Here van die sabbat.

(Matt. 12:1-8 en ooreenk. pl.)

EN^a op die ¹tweede eerste sabbat het Hy deur die gesaaides geloop, en sy dissipels het die are gepluk en met hulle hande uitgevrywe en geëet.

Toe sê sommige van die Fariseërs vir hulle: Waarom doen julle ^bwat nie geoorloof is om op die sabbat te doen nie?

En Jesus antwoord en sê vir hulle: Het julle dan nie gelees wat ^cDawid gedoen het nie — toe hy honger gehad het, hy en die wat by hom was —

hoe hy in die ²huis van God gegaan en die toonbrode geneem en geëet het, en ook aan die wat by hom was, gegee het, wat hulle nie geoorloof was om te eet nie, ^dmaar net vir die priesters alleen?

Toe sê Hy vir hulle: ^eDie Seun van die mens is ³Here óók van die sabbat.

Genesing van die man met die verdorde hand.

(Matt. 12:9-14 en ooreenk. pl.)

^fEN op ’n ander sabbat het Hy in die sinagoge gegaan en geleer. En daar was ’n man, en sy regterhand was uitgedor.

En die skrifgeleerdes en die Fariseërs het Hom in die oog gehou, of Hy op die sabbat gesond maak, sodat hulle ⁴’n aanklag teen Hom kon vind.

Maar Hy het hulle ⁵gedagtes geken en vir die man met die verdorde hand gesê: Staan op hier in hul midde. En hy het ⁶opgestaan.

Toe sê Jesus vir hulle: Ek sal aan julle ’n vraag stel: wat is geoorloof op die sabbat — om goed te doen of kwaad te doen; om ⁷’n lewe te red of óm te bring?

En nadat Hy almal rondom ⁸aangekyk het, sê Hy vir die man: Steek jou hand uit! En hy het dit gedoen; ^gen sy hand is herstel, gesond soos die ander een.

En hulle is met ⁹uitsinnigheid vervul en het met mekaar gepraat wat hulle aan Jesus sou doen.

Kiesing van die twaalf.

(Matt. 10:1-4 en ooreenk. pl.)

^hEN Hy het in daardie dae uitgegaan na die berg om te bid en die nag ¹⁰in die gebed tot God deurgebring.

ⁱEn toe dit dag geword het, het Hy sy dissipels na Hom geroep en twaalf van hulle uitgekies, wat Hy ¹¹apostels genoem het:

Simon wat Hy ¹²Petrus genoem het, en Andréas, sy broer; Jakobus en Johannes; Filippus en Bartholoméüs;

Matthéüs en Thomas; Jakobus, die seun van Alféüs, en Simon wat ¹³Yweraar genoem word;

Judas, die ¹⁴seun van Jakobus, en Judas Iskáriot, wat die verraaier geword het.

Die bergrede.

(Matt. 5, 6, 7 en ooreenk. pl.)

^kEN Hy het met hulle afgeklim en op ’n gelyk plek gaan staan, en daar was ’n skare van sy dissipels en ’n groot menigte van die volk van die hele Judéa en Jerusalem en die kusstreek van Tirus en Sidon af,

wat gekom het om Hom te hoor en van hulle kwale genees te word; en die wat gekwel was deur onreine geeste, is ook genees.

En die hele skare het probeer om Hom aan te raak, ^lomdat ¹⁵krag van Hom uitgegaan het, en Hy het almal gesond gemaak.

^mToe slaan Hy sy oë op oor sy dissipels en sê: Salig is julle, ¹⁶armes, want aan julle behoort die koninkryk van God.

ⁿSalig is julle wat nou ¹⁷honger het, want julle sal versadig word. ^oSalig is julle wat nou ¹⁸ween, want julle sal lag.

^pSalig is julle wanneer die mense julle haat, en wanneer hulle julle ¹⁹verstoot en ²⁰beledig en jul naam weggooi soos iets wat sleg is, ter wille van die Seun van die mens.

^qWees bly in daardie dag en ²¹spring op, want kyk, julle ²²loon is ²³groot in die hemel, ^rwant hulle vaders het net so aan die profete gedoen.

^sMaar wee julle, ²⁴rykes, want julle het jul troos weg.

^tWee julle wat ²⁵vol is, want julle sal honger ly. Wee julle wat nou ²⁶lag, ^vwant julle sal ²⁷treur en ween.

Wee julle wanneer ²⁸al die mense goed van julle praat, want hulle vaders het net so aan die valse profete gedoen.

Maar Ek sê vir julle wat luister: ^xJulle moet jul vyande liefhê en goed doen aan die wat vir julle haat.

Seën die wat vir julle vervloek, en ^ybid vir die wat julle ²⁹beledig.

^zAan hom wat jou op die wang slaan, ³⁰moet jy ook die ander een aanbied; en aan hom wat jou bo-kleed neem, moet jy ook die onderkleed nie weier nie.

^aMaar gee ³¹aan elkeen wat jou iets vra, en ³²eis jou goed nie terug van hom wat dit neem nie.

^bEn soos julle wil hê dat die mense aan julle moet doen, so moet julle ook aan hulle doen.

^cEn as julle dié liefhet wat vir julle liefhet, watter ³³dank het julle? Want ³⁴die sondaars het ook dié lief wat vir hulle liefhet.

En as julle goed doen aan die wat aan julle goed doen, watter dank het julle? Want die sondaars doen ook dieselfde.

^dEn as julle leen aan dié van wie julle hoop om ³⁵terug te ontvang, watter dank het julle? Want die sondaars leen ook aan die sondaars, om net soveel terug te ontvang.

Maar julle moet jul vyande liefhê en goed doen en leen ³⁶sonder om iets terug te verwag, en julle loon sal ³⁷groot wees; en julle sal ^ekinders van die Allerhoogste ³⁸wees; want Hy self is ³⁹goedertieren oor die ondankbares en slegtes.

Wees dan barmhartig, soos julle Vader ook barmhartig is.

^fEn julle moet nie ⁴⁰oordeel nie, dan sal julle nooit geoordeel word nie. Julle moet nie veroordeel nie, dan sal julle nooit veroordeel word nie. ⁴¹Spreek vry, en julle sal vrygespreek word.

^gGee, en aan julle sal gegee word. ’n Goeie ⁴²maat wat ingedruk en geskud en oorlopend is, sal hulle in ⁴³jul skoot gee, ^hwant met dieselfde maat waarmee julle meet, sal weer vir julle gemeet word.

En Hy het vir hulle ’n gelykenis uitgespreek: ⁱ’n Blinde kan tog nie ’n blinde lei nie! Sal hulle nie altwee in die sloot val nie?

^k’n Leerling is nie bo sy ⁴⁴meester nie; maar elkeen wat ⁴⁵volleerd is, sal soos sy meester wees.

^lEn waarom sien jy die ⁴⁶splinter in die oog van jou broeder, maar die balk wat in jou eie oog is, merk jy nie op nie?

Of hoe kan jy vir jou broeder sê: Broeder, laat my toe om die splinter wat in jou oog is, ⁴⁷uit te haal, terwyl jy self die balk wat in jou oog is, nie sien nie? Geveinsde, ^mhaal eers die balk uit jou oog uit, en dan sal jy goed sien om die splinter wat in jou broeder se oog is, uit te haal.

ⁿWant dit is nie ’n goeie boom wat slegte vrugte ⁴⁸dra nie, en ook nie ’n ⁴⁹slegte boom wat goeie vrugte dra nie.

Want elke boom word geken aan sy eie vrugte. ^oVan dorings pluk ’n mens tog nie vye nie, en ’n mens sny ook nie druiwe van ’n doringbos nie.

^pDie goeie mens bring uit die goeie skat van sy hart te voorskyn wat goed is; en die slegte mens ⁵⁰bring uit die slegte skat van sy hart te voorskyn wat sleg is; ^qwant uit die oorvloed van die hart spreek sy mond.

^rEn wat noem julle My: Here, Here! en doen nie wat Ek sê nie?

^sElkeen wat na My toe kom en na my woorde luister en dit doen — Ek sal julle wys soos wie hy is.

Hy is soos ’n man wat ’n huis bou, wat gegrawe ⁵¹en diep ingegaan en die fondament op die rots gelê het; en toe ⁵²die vloedwater kom en die stroom teen daardie huis losbreek, kon hy dit nie beweeg nie, omdat sy fondament op die rots was.

Maar wie dit hoor en dit nie doen nie, is soos ’n man wat ’n huis sonder fondament op die grond bou, en die stroom het daarteen losgebreek en dit het dadelik geval, en ⁵³die instorting van daardie huis was groot.