Die vroue wat Jesus met hulle goed gedien het.

EN daarna het Hy die een stad en dorp ná die ander deurgereis en gepreek en ¹die evangelie van die koninkryk van God verkondig; en ²die twaalf was saam met Hom,

^aook sekere vroue wat genees was van bose geeste en siektes: ³Maria wat Magdaléna genoem word, ^buit wie sewe duiwels uitgegaan het,

en Johanna, die vrou van Gusa, ’n ⁴bestuurder van Herodes, en Susanna en baie ander wat Hom almal ⁵met hulle besittings gedien het.

Gelykenis van die saaier.

(Matt. 13:1-23 en ooreenk. pl.)

^cEN toe daar ’n groot menigte vergader, en die wat uit die verskillende stede by Hom aangesluit het, sê Hy aan hulle ⁶deur ’n gelykenis:

⁷’n Saaier het uitgegaan om sy saad te saai; en toe hy saai, val ’n deel langs die pad en is vertrap, en die voëls van die hemel het dit opgeëet.

En ’n ander deel het op die rots geval; en nadat dit opgeskiet het, het dit verdroog, omdat dit geen vogtigheid gehad het nie.

En ’n ander deel het tussen die dorings in geval; en die dorings het daarmee saamgegroei en dit verstik.

En ’n ander deel het in die goeie grond geval en gegroei en ⁸honderdvoudige vrug opgelewer. Toe Hy dit gesê het, roep Hy uit: Wie ore het om te hoor, laat hom hoor!

^dEn sy dissipels het Hom gevra en gesê: Wat ⁹beteken hierdie gelykenis tog?

En Hy antwoord: ¹⁰Aan julle is ^edit gegee om die verborgenhede van die koninkryk van God te ken; ^fmaar aan die ander deur gelykenisse, ^gsodat hulle, terwyl hulle sien, nie sien nie, en terwyl hulle hoor, nie verstaan nie.

^hDit is dan die gelykenis: Die saad ¹¹is die woord van God.

Dié langs die pad is die hoorders. Daarna kom die duiwel en neem die woord uit hul harte weg, sodat hulle nie sou glo en gered word nie.

ⁱEn dié op die rots is hulle wat die woord met blydskap ontvang wanneer hulle dit hoor; en hulle het geen wortel nie, aangesien hulle net vir ’n tyd glo, en in die tyd van versoeking val hulle af.

En wat in die dorings geval het — dit is die wat gehoor het, en hulle gaan weg en word ^kverstik deur die sorge en rykdom en genietinge van die lewe en dra geen ryp vrug nie.

En wat in die goeie grond val — dit is die wat, nadat hulle gehoor het, die woord in ’n ¹²edele en goeie hart hou en ¹³met volharding vrug dra.

Gelykenis van die lamp.

(Mark. 4:21-25.)

^lEN niemand steek ’n lamp op en maak dit met iets toe of sit dit onder ’n bed nie; maar hy sit dit op ’n staander, sodat die wat inkom, die lig kan sien.

^mWant daar is ¹⁴niks verborge wat nie openbaar sal word nie, of weggesteek wat nie bekend sal word en in die lig sal kom nie.

Pas dan op ¹⁵hoe julle hoor; ⁿwant elkeen wat het, aan hom sal gegee word; en elkeen wat nie het nie, van hom sal weggeneem word ook wat hy ¹⁶dink dat hy het.

Die familie van Jesus.

(Matt. 12:46-50 en ooreenk. pl.)

^oEN sy moeder en ¹⁷broers het na Hom gekom, en weens die skare kon hulle Hom nie bereik nie.

Toe bring hulle Hom die boodskap en sê: U moeder en u broers staan buite en wil U ¹⁸sien.

Maar Hy antwoord en sê vir hulle: ^pMy moeder en my broers is die wat die woord van God hoor en dit doen.

Jesus maak die storm stil.

(Matt. 8:23-27 en ooreenk. pl.)

^qEN ¹⁹op een van daardie dae het Hy en sy dissipels in ’n skuit gegaan; en Hy het vir hulle gesê: Laat ons oorvaar na die oorkant van die see. En hulle het weggevaar.

En terwyl hulle seil, raak Hy aan die slaap. Toe ²⁰kom daar ’n ²¹stormwind op die see af en ²²die skuit het begin vol word, en hulle was in gevaar.

En hulle het na Hom gegaan en Hom wakker gemaak en gesê: Meester, Meester, ons vergaan! Hy staan toe op en bestraf die wind en die watergolwe, en ²³hulle het bedaar en daar het ’n stilte gekom.

En Hy sê vir hulle: Waar is julle geloof? Maar hulle was bang en verwonderd en het vir mekaar gesê: ^rWie is Hy tog, dat Hy selfs die winde en die water gebied en hulle Hom gehoorsaam is!

Die besetene van Gádara.

(Matt. 8:28-34 en ooreenk. pl.)

^sEN hulle het geseil na die land van die ²⁴Gadaréners, wat reg anderkant Galiléa is.

En toe Hy aan wal uitklim, kom ’n sekere man uit die stad Hom tegemoet, wat vir ’n geruime tyd ²⁵van duiwels besete was en geen klere gedra het nie; hy het ook nie in ’n huis ²⁶gewoon nie, maar in die grafte.

En toe hy Jesus sien, ²⁷skreeu hy uit en val voor Hom neer en sê met ’n groot stem: ²⁸Wat het ons met U te doen, Jesus, Seun van die allerhoogste God? Ek bid U, moet my nie ²⁹pynig nie —

want Hy het aan die onreine gees bevel gegee om uit die man uit te gaan. Want baiekeer het hy hom ³⁰saamgesleep; en hulle het hom gebind met kettings en voetboeie ³¹om oor hom wag te hou; maar hy het die boeie uitmekaar geruk, en die duiwel het hom ³²in die woestyne gedrywe.

Daarop vra Jesus hom en sê: Wat is jou naam? En hy antwoord: ³³Legio — want baie duiwels het in hom ingevaar.

En ³⁴hulle het Hom gesmeek dat Hy hulle nie sou beveel om in die ³⁵onderwêreld af te vaar nie.

En daar het ’n groot trop ³⁶varke op die berg gewei. Toe smeek hulle Hom dat Hy hulle sou toelaat om in dié varke in te vaar. En Hy het hulle toegelaat.

Daarop gaan die duiwels uit die man uit en vaar in die varke in, en die trop het van die krans af in die see gestorm en verdrink.

En toe die wagters sien wat gebeur het, het hulle gevlug en dit in die stad en in die buitewyke gaan vertel.

Daarop het hulle uitgegaan om te sien wat gebeur het; en hulle het by Jesus gekom en die man gevind uit wie die duiwels uitgevaar het, ³⁷terwyl hy aan die voete van Jesus sit, gekleed en by sy verstand. En hulle het gevrees.

En die wat ooggetuies was, het ook aan hulle vertel hoe die besetene genees is.

En die hele menigte van die omtrek van die Gadaréners het Hom ³⁸gevra ^tom van hulle weg te gaan, omdat hulle deur ’n groot vrees bevang was. Toe het Hy in die skuit geklim en teruggegaan.

^vEn die man uit wie die duiwels uitgevaar het, het Hom gebid ³⁹om by Hom te kan bly. Maar Jesus het hom laat gaan en gesê:

Gaan terug na jou huis en vertel watter groot dinge God aan jou gedoen het. En hy het gegaan en deur die hele ⁴⁰stad verkondig watter groot dinge Jesus aan hom gedoen het.

Die dogtertjie van Jaïrus. Die vrou wat aan bloedvloeiing gely het.

(Matt. 9:18-26; Mark. 5:21-43.)

EN toe Jesus terugkom, het die skare Hom verwelkom; want almal was Hom te wagte.

^xEn daar kom ’n man wie se naam Jaïrus was, en hy was ’n ⁴¹owerste van die sinagoge; en hy val voor die voete van Jesus neer en smeek Hom om na sy huis te kom;

want sy ⁴²enigste dogter van omtrent twaalf jaar het op sterwe gelê. En terwyl Hy gaan, het die skare ⁴³Hom verdring.

^yEn ’n vrou wat twaalf jaar lank aan ^zbloedvloeiing gely het, en wat ⁴⁴haar hele vermoë aan geneeshere uitgegee het en deur niemand gesond gemaak kon word nie,

het van agter af gekom en die soom van sy kleed aangeraak, en haar bloedvloeiing het onmiddellik ⁴⁵opgehou.

Daarop sê Jesus: Wie is dit wat My aangeraak het? En toe almal dit ontken, sê Petrus en die wat by hom was: Meester, die skare druk en verdring U, en U sê: Wie is dit wat My aangeraak het?

Maar Jesus antwoord: Iemand het My aangeraak, want Ek het ⁴⁶gemerk dat ⁴⁷krag van My uitgegaan het.

En toe die vrou sien dat sy nie verborge gebly het nie, kom sy bewende en val voor Hom neer en vertel Hom voor die hele volk om watter rede sy Hom aangeraak het en hoe sy onmiddellik gesond geword het.

En Hy sê vir haar: Hou goeie moed, dogter, jou geloof het jou gered. Gaan in vrede.

^aTerwyl Hy nog spreek, kom daar iemand van die owerste van die sinagoge se huis en sê vir hom: U dogter is dood, moenie die Meester lastig val nie.

Maar toe Jesus dit hoor, antwoord Hy hom en sê: Moenie vrees nie. Glo net, en sy sal ⁴⁸gered word.

En toe Hy in die huis kom, het Hy niemand toegelaat om in te gaan nie, behalwe Petrus en Jakobus en Johannes en die vader en die moeder van die meisie.

En almal het gehuil en ⁴⁹oor haar rou bedryf. Maar Hy sê: Moenie huil nie; ⁵⁰sy is nie dood nie, ^bmaar ⁵¹slaap.

En hulle het Hom uitgelag, want hulle het geweet dat sy dood was.

En toe Hy almal na buite uitgejaag het, gryp Hy haar hand en roep uit en sê: Dogtertjie, staan op!

En haar gees het teruggekom, en sy het onmiddellik opgestaan; en Hy het beveel dat hulle haar iets te ete moes gee.

En haar ouers was verbaas, maar Hy het hulle ⁵²bevel gegee om aan niemand te sê wat gebeur het nie.