Die twaalf apostels en hulle sending.

(Mark. 6:7-13; Luk. 6:12-16; 9:1-6.)

EN^a Hy het sy twaalf dissipels na Hom geroep en aan hulle ¹mag gegee ²oor onreine geeste, om hulle uit te dryf en om elke siekte en elke kwaal te genees.

En dit is die name van die twaalf apostels: die ³eerste Simon wat Petrus genoem word, en Andréas, sy broer; Jakobus, die seun van Sebedéüs, en Johannes, sy broer;

Filippus en Bartholoméüs; Thomas en Matthéüs, die ⁴tollenaar; Jakobus, die seun van Alféüs, en Lebbéüs wat genoem word ⁵Thaddéüs;

Simon ⁶Kananítes en Judas ⁷Iskáriot, die een wat Hom ⁸verraai het.

Jesus het hierdie twaalf uitgestuur en hulle bevel gegee en gesê: Moenie gaan op pad na die heidene nie, en moenie ingaan in ’n stad van die ⁹Samaritane nie;

^bmaar gaan liewer na die verlore skape van die huis van ¹⁰Israel.

En gaan ^cpreek en sê: Die koninkryk van die hemele het naby gekom.

^dMaak ¹¹siekes gesond, reinig melaatses, wek dooies op, dryf duiwels uit. ^eJulle het dit verniet ontvang, verniet moet julle dit gee.

^f12Moenie vir julle goud of silwer of koper in julle ¹³beurse aanskaf nie;

geen reissak vir die pad of ¹⁴twee kledingstukke of skoene of ’n stok nie; ^gwant die arbeider is sy voedsel werd.

^hEn in watter stad of dorp julle ook al mag ingaan, ondersoek wie daarin ¹⁵waardig is, en bly dáár totdat julle ¹⁶vertrek.

En as julle die huis ingaan, ¹⁷groet dit;

en as die huis dit waardig is, laat julle vrede daarop kom, maar as dit nie waardig is nie, laat julle vrede na julle terugkeer.

ⁱEn as iemand julle nie ontvang nie en na julle woorde nie luister nie, gaan uit daardie huis of daardie stad uit en ^kskud die ¹⁸stof van julle voete af.

^lVoorwaar Ek sê vir julle, dit sal ¹⁹vir die land van Sodom en Gomorra verdraagliker wees in die oordeelsdag as vir daardie stad.

^mKyk, Ek stuur julle soos skape onder die wolwe in; wees dan versigtig soos die slange en ²⁰opreg soos die duiwe.

Maar pas op vir die mense; ⁿwant hulle sal jul oorlewer aan ²¹regbanke, en in hulle sinagoges sal hulle julle gésel.

^oEn ook voor ²²goewerneurs en konings sal julle gebring word om My ontwil tot ’n getuienis vir hulle en vir die heidene.

^pMaar wanneer hulle jul oorlewer, moenie julle ²³kwel oor hoe of wat julle sal spreek nie, want dit sal julle in daardie uur gegee word wat julle moet spreek;

want dit is nie julle wat spreek nie, maar die Gees van julle Vader wat in julle spreek.

^qMaar die een broer sal die ander tot die dood oorlewer en die vader sy kind, en die kinders sal teen hulle ouers opstaan en hulle ²⁴doodmaak.

En julle sal deur almal gehaat word ter wille van my Naam. ^rMaar wie volhard tot die einde toe, hy sal gered word.

^sEn wanneer hulle julle vervolg in die een stad, vlug na die ander toe. Want voorwaar Ek sê vir julle, julle sal met die stede van Israel sekerlik nie klaar kry voordat die Seun van die mens ²⁵kom nie.

^t’n Leerling is nie bo die meester nie en ’n dienskneg ook nie bo sy heer nie.

Dit is vir die leerling genoeg dat hy soos sy meester word en die dienskneg soos sy heer. ^vAs hulle die heer van die huis ²⁶Beëlsebul genoem het, hoeveel te meer sy huisgenote!

^xVrees hulle dan nie; ^ywant daar is niks bedek wat nie ontdek sal word nie, en verborge wat nie bekend sal word nie.

Wat Ek vir julle in die donker sê, vertel dit in die lig; en wat julle ²⁷in die oor hoor, verkondig dit ²⁸op die dakke.

^zEn moenie vrees vir die wat die liggaam doodmaak, maar die siel nie kan doodmaak nie; maar vrees Hom liewer wat die siel sowel as die liggaam kan verderwe in die hel.

Word twee ²⁹mossies nie vir ³⁰’n stuiwer verkoop nie? En nie een van hulle sal op die aarde val sonder julle Vader nie.

^aEn van julle is selfs die hare van die hoof almal getel.

Wees dan nie bevrees nie: julle is meer werd as baie mossies.

^bElkeen dan wat My sal bely voor die mense, hom sal Ek ook ³¹bely voor my Vader wat in die hemele is.

Maar elkeen wat My verloën voor die mense, hom sal Ek ook verloën voor my Vader wat in die hemele is.

^cMoenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die ³²swaard.

^dWant Ek het gekom om tweedrag te verwek tussen ’n man en sy vader, en tussen ’n dogter en haar moeder, en ’n ³³skoondogter en haar skoonmoeder.

^eEn ’n mens se huisgenote sal sy vyande wees.

^fWie vader of moeder bo My liefhet, is My nie waardig nie; en wie seun of dogter bo My liefhet, is My nie waardig nie.

^gEn wie sy kruis nie neem en agter My volg nie, is My nie waardig nie.

^hWie sy ³⁴lewe vind, sal dit verloor; en wie sy lewe verloor om My ontwil, sal dit vind.

ⁱWie julle ontvang, ontvang My; en wie My ontvang, ontvang Hom wat My gestuur het.

^kWie ’n profeet ontvang ³⁵omdat hy ’n profeet is, sal die loon van ’n profeet ontvang; en wie ’n regverdige ontvang omdat hy ’n regverdige is, sal die loon van ’n regverdige ontvang.

^lEn elkeen wat een van hierdie ³⁶kleintjies net ³⁷’n beker kou water laat drink, omdat hy ’n dissipel is, voorwaar Ek sê vir julle, hy sal sy loon sekerlik nie verloor nie.