Gelykenis van die saaier.

(Mark. 4:1-20; Luk. 8:4-15.)

EN^a op daardie dag het Jesus uit die huis uitgegaan en by die ¹see gaan sit.

En groot menigtes het by Hom vergader, sodat Hy ^bin ’n skuit geklim en gaan sit het. En die hele skare het op die strand gestaan.

En Hy het baie dinge deur ²gelykenisse tot hulle gespreek en gesê: ’n Saaier het uitgegaan om te saai;

en terwyl hy saai, val ’n deel langs die pad, en die voëls het gekom en dit opgeëet.

En ’n ander deel het op rotsagtige plekke geval waar daar nie baie grond was nie; en dadelik het dit ³opgekom, omdat daar geen diepte van grond was nie;

maar toe die son opgaan, is dit verskroei, en omdat dit geen wortel gehad het nie, het dit verdroog.

En ’n ander deel het in die dorings geval, en die dorings het ⁴opgekom en dit verstik.

En ’n ander deel het in die goeie grond geval en vrug opgelewer: die een honderd-, die ander sestig-, die ander dertigvoudig.

⁵Wie ore het om te hoor, laat hom hoor!

^cEn die dissipels het gekom en vir Hom gesê: Waarom spreek U tot hulle deur gelykenisse?

Toe antwoord Hy en sê vir hulle: ^dOmdat dit aan julle ⁶gegee is om die verborgenhede van die koninkryk van die hemele te ken, maar ^eaan hulle is dit ⁷nie gegee nie.

^fWant hy wat ⁸het, aan hom sal gegee word, en hy sal oorvloed hê; maar hy wat nie het nie, van hom sal weggeneem word ook ⁹wat hy het.

Daarom spreek Ek tot hulle deur gelykenisse, omdat hulle, terwyl hulle sien, nie sien nie, en terwyl hulle hoor, nie hoor of verstaan nie.

En aan hulle word die profesie van Jesaja ¹⁰vervul wat sê: ^11gMet die gehoor sal julle hoor en glad nie verstaan nie, en julle sal kyk en kyk, en glad nie sien nie.

Want die hart van hierdie volk het ¹²stomp geword, en met die ore het hulle beswaarlik gehoor; en hul oë het hulle toegesluit, sodat hulle nie miskien met die oë sou sien en met die ore hoor en met die hart verstaan en hulle bekeer en Ek hulle genees nie.

^hMaar julle oë is ¹³gelukkig, omdat hulle sien; en julle ore, omdat hulle hoor.

Want, voorwaar Ek sê vir julle, ⁱbaie profete en regverdiges het begeer om te sien ¹⁴wat julle sien, en het dit nie gesien nie, en om te hoor wat julle hoor, en het dit nie gehoor nie.

^kLuister julle dan na die gelykenis van die saaier.

As iemand ¹⁵die woord van die ^lkoninkryk hoor en nie verstaan nie, kom ¹⁶die Bose en roof wat in sy hart gesaai is — dit ¹⁷is hy by wie langs die pad ¹⁸gesaai is.

En by wie op rotsagtige plekke gesaai is — dit is hy wat die woord hoor en dit dadelik met ¹⁹blydskap aanneem;

maar hy het ²⁰geen wortel in homself nie, hy is net vir ’n tyd, en as daar verdrukking en vervolging kom ter wille van die woord, ²¹struikel hy dadelik.

^mEn by wie in die dorings gesaai is — dit is hy wat die woord hoor, maar die sorg van hierdie wêreld en die verleiding van die rykdom ²²verstik die woord, en hy ²³word onvrugbaar.

En by wie op die ²⁴goeie grond gesaai is — dit is hy wat die woord hoor en verstaan, wat dan ook ²⁵vrug dra en oplewer: die een honderd-, die ander sestig-, die ander dertigvoudig.

Gelykenis van die onkruid.

’N ANDER gelykenis het Hy hulle voorgehou en gesê: Die koninkryk van die hemele is soos ’n man wat goeie saad in sy land gesaai het;

maar terwyl die mense slaap, het sy vyand gekom en ²⁶onkruid onder die koring gesaai en weggegaan.

En toe die spruitjies opgeskiet en vrug gevorm het, toe verskyn die onkruid ook.

En die diensknegte van die huisheer het gekom en vir hom gesê: Meneer, het u dan nie goeie saad in u land gesaai nie? Waar kry dit dan die onkruid vandaan?

En hy antwoord hulle: ’n Vyandige mens het dit gedoen. Toe sê die diensknegte vir hom: Wil u dan hê dat ons dit moet gaan bymekaarmaak?

Maar hy antwoord: Nee, dat julle nie miskien, as julle die onkruid bymekaarmaak, die koring daarmee saam ²⁷uittrek nie.

²⁸Laat altwee saam groei tot die oes toe, en in die oestyd sal ek vir die maaiers sê: Maak eers die onkruid bymekaar en bind dit in bondels om dit te verbrand, ⁿmaar bring die koring bymekaar in my skuur.

Gelykenisse van die mosterdsaad en van die suurdeeg.

(Mark. 4:30-34; Luk. 13:18-21.)

²⁹’N ANDER gelykenis het Hy hulle voorgehou en gesê: ^oDie koninkryk van die hemele is soos ’n mosterdsaad wat ’n man neem en in sy land saai;

wat wel die kleinste is van al die soorte saad, maar as dit gegroei het, groter is as die groentesoorte en ’n boom word, sodat die voëls van die hemel kom en nes maak in sy takke.

’n Ander gelykenis het Hy hulle vertel: ^pDie koninkryk van die hemele is soos suurdeeg wat ’n vrou neem en in drie ³⁰mate meel inwerk totdat dit heeltemal ingesuur is.

^qAl hierdie dinge het Jesus deur gelykenisse vir die skare gesê, en ³¹sonder gelykenis het Hy vir hulle niks gesê nie;

sodat vervul sou word die woord wat gespreek is deur die profeet: ^rEk sal my mond open deur gelykenisse; Ek sal ³²uitspreek dinge wat ³³verborge was van die grondlegging van die wêreld af.

Verklaring van die gelykenis van die onkruid.

NADAT Hy die skare weggestuur het, het Jesus huis toe gegaan; en sy dissipels het na Hom gekom en gesê: Verklaar vir ons die gelykenis van die onkruid in die saailand.

En Hy het geantwoord en vir hulle gesê: Hy wat die goeie saad saai, is ³⁴die Seun van die mens,

en die saailand is die wêreld. Die goeie saad — dit is ³⁵die kinders van die koninkryk, en die onkruid is die kinders van die Bose,

en die vyand wat dit gesaai het, is die duiwel. ^sDie oes is die voleinding van die wêreld, en die maaiers is die engele.

Net soos die onkruid dan bymekaargemaak en met vuur verbrand word, so sal dit wees in die voleinding van hierdie wêreld:

die Seun van die mens sal sy engele uitstuur, en hulle sal uit sy koninkryk bymekaarmaak al ³⁶die struikelblokke en die wat die ongeregtigheid doen,

en sal hulle in die ³⁷vuuroond gooi. ^tDaar sal geween wees en gekners van die tande.

^vDan sal die regverdiges skyn soos die son in die koninkryk van hulle Vader. Wie ore het om te hoor, laat hom hoor.

Gelykenis van die verborge skat, van die pêrel en van die visnet.

³⁸VERDER is die koninkryk van die hemele soos ’n skat wat verborge is in die saailand, wat ’n man kry en wegsteek; en uit blydskap daaroor ^xgaan hy en verkoop alles wat hy het, en koop daardie saailand.

Verder is die koninkryk van die hemele soos ’n koopman wat mooi pêrels soek;

en toe hy een baie kosbare pêrel kry, gaan hy weg en verkoop alles wat hy het, en koop dit.

Verder is die koninkryk van die hemele soos ’n net wat in die see gegooi word en van elke soort bymekaarbring;

en as dit vol geword het, trek hulle dit op die strand uit en gaan sit en maak die goeies in bakke bymekaar, maar gooi die slegtes weg.

So sal dit wees in die voleinding van die wêreld: die engele sal ³⁹uitgaan en die slegte mense onder die regverdiges uit afskei

en hulle in die vuuroond gooi. ^yDaar sal geween wees en gekners van die tande.

Jesus sê vir hulle: Het julle ál hierdie dinge verstaan? Hulle antwoord Hom: Ja, Here!

Toe sê Hy vir hulle: Daarom is elke skrifgeleerde wat ’n ⁴⁰leerling geword het in die koninkryk van die hemele, soos ’n huisheer wat uit sy ⁴¹skat nuwe en ou dinge te voorskyn bring.

Jesus word in Násaret verag.

(Mark. 6:1-6.)

^zEN toe Jesus hierdie gelykenisse geëindig het, het Hy daarvandaan weggegaan.

En Hy het in sy ⁴²vaderstad gekom en hulle geleer in hul sinagoge, sodat hulle verslae was en gesê het: ^aWaar kry Hy hierdie wysheid en kragte vandaan?

^bIs Hy nie die seun van die ⁴³timmerman nie? Is die naam van sy moeder nie Maria en dié van sy ⁴⁴broers Jakobus en Joses en Simon en Judas nie?

En sy susters, is hulle nie almal by ons nie? Waar kry Hy dan al hierdie dinge vandaan?

En hulle het aanstoot aan Hom geneem. Maar Jesus sê vir hulle: ^c’n Profeet is nie ongeëerd nie, behalwe in sy vaderland en in sy huis.

En Hy het daar ⁴⁵vanweë hulle ongeloof nie baie kragtige dade gedoen nie.