Die suurdeeg van die Fariseërs.

(Mark. 8:11-21.)

EN^a die Fariseërs en Sadduseërs het nader gekom om Hom te ¹versoek en het Hom gevra om hulle ’n teken ²uit die hemel te laat sien.

Maar Hy antwoord en sê vir hulle: ^bIn die aand sê julle: Mooi weer, want die lug is ³rooi.

En in die môre: Stormweer vandag, want die lug is donkerrooi. Geveinsdes, julle weet wel om die ⁴voorkoms van die lug te onderskei, en kan julle nie ⁵die tekens van die tye onderskei nie?

^c’n Slegte en owerspelige geslag soek na ’n teken, en ⁶geen teken sal aan hom gegee word nie, behalwe die teken van ^dJona, die profeet. En Hy het hulle verlaat en ⁷weggegaan.

En toe sy dissipels na die oorkant gegaan het, het hulle vergeet om brode saam te neem.

^eDaarop sê Jesus vir hulle: Pas op en wees op julle hoede vir die suurdeeg van die Fariseërs en Sadduseërs.

En hulle het ⁸onder mekaar geredeneer en gesê: Dit is omdat ons geen brode saamgeneem het nie.

Maar Jesus het dit ⁹opgemerk en vir hulle gesê: Wat redeneer julle onder mekaar, kleingelowiges, dat julle geen brode saamgeneem het nie?

^fBegryp julle nog nie, en onthou julle nie die vyf brode van die vyfduisend, en hoeveel mandjiesvol julle opgetel het nie?

^gOf die sewe brode van die vierduisend, en hoeveel mandjiesvol julle opgetel het nie?

Hoe is dit dat julle nie begryp dat Ek nie in verband met brood vir julle gesê het om op te pas vir die suurdeeg van die Fariseërs en Sadduseërs nie?

Toe het hulle begryp dat Hy nie gesê het dat hulle moes oppas vir die suurdeeg van die brood nie, maar vir die ¹⁰leer van die Fariseërs en Sadduseërs.

Die belydenis van Petrus.

(Mark. 8:27-33; Luk. 9:18-22; Joh. 6:66-69.)

^hEN toe Jesus in die streke van ¹¹Cesaréa-Filíppi kom, vra Hy sy dissipels en sê: Wie sê die mense dat Ek, die Seun van die mens, is?

En hulle antwoord: ⁱSommige Johannes die Doper, en sommige Elía, en ander Jeremia of een van die profete.

Hy sê vir hulle: Maar julle, wie sê julle is Ek?

^kEn Simon Petrus ¹²antwoord en sê: U is ¹³die Christus, die Seun van die lewende God.

Toe antwoord Jesus en sê vir hom: Salig is jy, Simon ¹⁴Bar-Jona, want ¹⁵vlees en bloed het dit nie aan jou geopenbaar nie, ^lmaar my Vader wat in die hemele is.

^mEn Ek sê ook vir jou: Jy is Petrus, en op ⁿhierdie ¹⁶rots sal Ek my gemeente bou, en ^odie ¹⁷poorte van die doderyk sal dit nie oorweldig nie.

^pEn Ek sal jou die ¹⁸sleutels van die koninkryk van die hemele gee; en ¹⁹wat jy ook op die aarde mag bind, ²⁰sal in die hemel gebonde wees, en wat jy ook op die aarde mag ontbind, sal in die hemel ontbonde wees.

Daarop het Hy sy dissipels bevel gegee dat hulle vir niemand moes sê dat Hy Jesus die Christus is nie.

^qVan toe af het Jesus begin om sy dissipels te toon dat Hy na Jerusalem ²¹moes gaan en veel van die ²²ouderlinge en owerpriesters en skrifgeleerdes moes ly, en gedood en op die derde dag opgewek word.

Toe neem Petrus Hom opsy en begin Hom bestraf en sê: ²³Mag God dit verhoed, Here, dit sal U nooit oorkom nie!

Maar Hy het omgedraai en vir Petrus gesê: Gaan weg agter My, ²⁴Satan! ^rJy is ²⁵vir My ’n struikelblok, omdat jy nie die dinge van God bedink nie, maar die dinge van die mense.

Die opneem van die kruis.

(Mark. 8:34; 9:1; Luk. 9:23-27.)

TOE sê Jesus vir sy dissipels: ^sAs iemand ²⁶agter My aan wil kom, moet hy homself ²⁷verloën en sy kruis opneem en My volg.

^tWant elkeen wat sy ²⁸lewe wil red, sal dit verloor; maar elkeen wat sy lewe om My ontwil verloor, sal dit vind.

^vWant wat baat dit ’n mens as hy die hele wêreld win, maar aan sy siel skade ly? Of ^xwat sal ’n mens gee as ²⁹losprys vir sy siel?

^yWant die Seun van die mens staan gereed om met sy engele in die ^zheerlikheid van sy Vader te kom, en ^adan sal Hy elkeen vergeld ³⁰volgens sy dade.

^bVoorwaar Ek sê vir julle, daar is sommige van die wat ³¹hier staan, wat die dood sekerlik nie sal smaak voordat hulle die Seun van die mens ³²in sy koninkryk sien kom het nie.