Intog van Jesus in Jerusalem.

(Mark. 11:1-10; Luk. 19:29-38; Joh. 12:12-15.)

EN ^atoe hulle naby Jerusalem gekom en ¹Bétfagé aan die ²Olyfberg bereik het, stuur Jesus twee dissipels uit en sê vir hulle:

Gaan na daardie dorp reg voor julle, en dadelik sal julle ’n eselin vind wat vasgemaak is, en ’n vul by haar. Maak haar los en ³bring hulle vir My.

En as iemand vir julle iets sê, moet julle antwoord: Die Here het hulle nodig; en dadelik ⁴sal hy hulle stuur.

En dit het alles gebeur, sodat vervul sou word die woord wat deur die profeet gespreek is:

^bSê vir ⁵die dogter van Sion: Kyk, jou Koning kom na jou toe, sagmoedig, en Hy sit op ’n ⁶esel, ja, ’n jong esel, die ⁷vul van ’n pakdier.

En die dissipels het gegaan en gedoen soos Jesus hulle beveel het;

hulle het die esel en die vul gebring ^cen hulle klere daarop gelê, en Hy het ⁸daarop ^dgaan sit.

En die grootste deel van die skare het hulle klere op die pad ⁹oopgegooi, en ander het takke van die bome afgekap en op die pad gestrooi.

En die skare wat voor geloop en die wat gevolg het, het uitgeroep en gesê: ¹⁰Hosanna vir die Seun van Dawid! ^eGeseënd ¹¹is Hy wat kom in die ¹²Naam van die Here! Hosanna in die hoogste hemele!

En toe Hy in Jerusalem inkom, het die hele stad in opskudding geraak en gesê: Wie is hierdie man?

En die skare sê: Dit is Jesus, die profeet, van Násaret in Galiléa.

Reiniging van die tempel.

(Mark. 11:15-18; Luk. 19:45-48; Joh. 2:13-17.)

^fEN Jesus het in die tempel van God ingegaan en almal wat in die tempel verkoop en koop, ¹³uitgejaag en die tafels van die ¹⁴geldwisselaars en die stoele van die duiweverkopers omgegooi.

En Hy sê vir hulle: Daar is geskrywe: ^gMy huis moet ’n huis van gebed genoem word. Maar julle het dit ’n ¹⁵rowerspelonk gemaak.

En daar het blindes en kreupeles na Hom gekom in die tempel, en Hy het hulle gesond gemaak.

^hEn toe die owerpriesters en skrifgeleerdes die ¹⁶wonderwerke sien wat Hy gedoen het, en die kinders wat in die tempel uitroep en sê: Hosanna vir die Seun van Dawid! was hulle verontwaardig

en sê vir Hom: ¹⁷Hoor U wat hulle daar sê? En Jesus antwoord hulle: Ja, het julle nooit gelees: ⁱUit die mond van kinders en suigelinge het U vir U lof ¹⁸berei nie?

En Hy het hulle verlaat en uit die stad uitgegaan na ¹⁹Betánië en daar ²⁰vernag.

Die verdroogde vyeboom.

(Mark. 11:12-14; 19-24.)

^kEN vroeg in die môre toe Hy teruggaan na die stad, het Hy honger gehad;

en Hy sien ’n vyeboom langs die pad en gaan daarnatoe; maar Hy het niks daaraan gevind nie as net blare alleen; en Hy sê vir hom: Laat daar uit jou tot in ewigheid nooit weer ’n vrug kom nie! En onmiddellik het die vyeboom verdroog.

En toe die dissipels dit sien, was hulle verwonderd en sê: Hoe het die vyeboom so onmiddellik verdroog?

Maar Jesus antwoord en sê vir hulle: Voorwaar Ek sê vir julle, ^las julle ²¹geloof het en nie twyfel nie, sal julle nie alleen doen wat met die vyeboom gebeur het nie; maar al sê julle ook vir hierdie berg: ²²Hef jou op en werp jou in die see — sal dit gebeur.

^mEn alles wat julle in die gebed vra, sal julle ontvang as julle glo.

Die doop van Johannes.

(Mark. 11:27-33; Luk. 20:1-8.)

ⁿEN toe Hy in die tempel gegaan het, kom die owerpriesters en die ouderlinge van die volk na Hom terwyl Hy besig was om te leer, en hulle sê: ^o23Deur watter ²⁴gesag doen U ²⁵hierdie dinge, en wie het U hierdie gesag gegee?

En Jesus antwoord en sê vir hulle: Ek sal julle ook een ²⁶ding vra, en as julle dit vir My sê, sal Ek julle ook vertel deur watter gesag Ek hierdie dinge doen.

Die ²⁷doop van Johannes, waar was dit vandaan, ²⁸uit die hemel of uit mense? En hulle het ²⁹by hulleself geredeneer en gesê: As ons sê: Uit die hemel — dan sal Hy ons vra: Waarom het julle hom dan nie geglo nie?

En as ons sê: Uit mense — dan moet ons oppas vir die menigte, ^pwant almal hou Johannes vir ’n profeet.

Toe antwoord hulle Jesus en sê: Ons weet nie. Hy sê toe ook vir hulle: Dan vertel Ek julle ook nie deur watter gesag Ek hierdie dinge doen nie.

Gelykenis van die twee seuns.

MAAR wat dink julle? ’n Man het twee kinders gehad, en hy gaan na die ³⁰eerste en sê: Kind, gaan werk vandag in my wingerd.

En hy antwoord en sê: Ek wil nie; maar later het hy berou gekry en gegaan.

Toe het hy na die ³¹tweede gegaan en vir hom net so gesê; en hy antwoord en sê: ^qJa, heer. En hy het nie gegaan nie.

Wie van die twee het die wil van die vader gedoen? Hulle antwoord Hom: Die eerste. Jesus sê vir hulle: Voorwaar Ek sê vir julle, die ³²tollenaars en die hoere ³³gaan julle voor in die koninkryk van God.

^rWant Johannes het na julle gekom in die ³⁴weg van geregtigheid, en julle het hom nie geglo nie; maar die tollenaars en die hoere het hom geglo. En julle het dit gesien en tog nie later berou gekry om hom te glo nie.

Gelykenis van die landbouers.

(Mark. 12:1-12; Luk. 20:9-18.)

LUISTER na ’n ander gelykenis: ^sDaar was ’n sekere ³⁵huisheer wat ’n wingerd geplant het; en hy het ’n heining daarom gesit en ’n ³⁶parskuip daarin gegrawe en ’n ³⁷wagtoring gebou, en hy het dit aan landbouers ³⁸verhuur en op reis gegaan.

En toe die vrugtetyd nader kom, ³⁹stuur hy sy diensknegte na die landbouers om sy vrugte te ontvang.

Maar die landbouers het sy diensknegte geneem en ⁴⁰een geslaan en ’n ander een doodgemaak en ’n ander een ^tgestenig.

Weer het hy ander diensknegte gestuur, meer as die eerstes, en hulle het met dié net so gemaak.

Oplaas het hy sy seun na hulle gestuur en gesê: Hulle sal my seun ontsien.

Maar toe die landbouers die seun sien, het hulle onder mekaar gesê: ^vDit is die erfgenaam; ^xkom laat ons hom doodmaak en sy erfdeel in besit neem.

En hulle het hom geneem en buitekant die wingerd uitgewerp en doodgemaak.

Wanneer die eienaar van die wingerd dan kom, wat sal hy met daardie landbouers doen?

Hulle antwoord Hom: Die slegte mense — hy sal hulle ’n slegte dood laat sterwe en die wingerd verhuur aan ander landbouers wat hom die vrugte op die regte tyd sal gee.

Jesus sê vir hulle: Het julle nooit in die Skrifte gelees nie: ^y41Die steen wat die bouers ⁴²verwerp het, dit het ’n ⁴³hoeksteen geword. Hy het van die Here gekom en is wonderbaar in ons oë?

Daarom sê Ek vir julle: ^zDie koninkryk van God sal van julle weggeneem ^aen aan ’n volk gegee word wat die ⁴⁴vrugte daarvan sal dra.

^bEn hy wat op hierdie steen ⁴⁵val, sal verpletter word; maar elkeen ^cop wie hy ⁴⁶val, dié sal hy ⁴⁷vermorsel.

^dEn toe die owerpriesters en die Fariseërs sy gelykenisse hoor, het hulle begryp dat Hy van hulle spreek.

En hulle het probeer om Hom in hulle mag te kry, maar hulle was bang vir die skare, omdat dié Hom ^evir ’n profeet gehou het.