Die profetiese rede. Die begin van die smarte.

(Mark. 13; Luk. 21:5-36.)

EN ^aJesus het uitgegaan en van die tempel vertrek, en sy dissipels het nader gekom om Hom ¹die geboue van die tempel te ²wys.

En Jesus sê vir hulle: Sien julle al hierdie dinge? Voorwaar Ek sê vir julle, ^bdaar sal hier sekerlik nie een ³klip op die ander gelaat word, wat nie ⁴afgebreek sal word nie.

^cEn toe Hy op die Olyfberg gaan sit het, kom die dissipels alleen na Hom en sê: ^dVertel ons, wanneer sal ⁵hierdie dinge wees, en wat is die teken van u koms en van die voleinding van die wêreld?

En Jesus antwoord en sê vir hulle: ^ePas op dat niemand julle mislei nie.

^fWant baie sal ⁶onder my Naam kom en sê: Ek is die Christus! en hulle sal baie mense mislei.

En julle sal hoor van oorloë en gerugte van oorloë. Pas op, moenie verskrik word nie, want alles moet plaasvind, maar dit is ⁷nog nie die einde nie.

^gWant ⁸die een nasie sal teen die ander opstaan en ⁹die een koninkryk teen die ander; en daar sal hongersnode wees en pessiektes en aardbewings op verskillende plekke.

Maar al hierdie dinge is ’n begin van die ¹⁰smarte.

^hDan sal hulle jul aan verdrukking oorgee en julle doodmaak; en julle sal deur al die nasies gehaat word ter wille van my Naam.

En dan sal baie tot ¹¹struikel gebring word en mekaar verraai en mekaar haat.

ⁱEn baie valse profete sal opstaan en baie mense mislei.

En ^komdat die ¹²ongeregtigheid vermeerder word, sal die ¹³liefde van die meeste verkoel.

^lMaar wie volhard tot die einde toe, hy sal ¹⁴gered word.

En hierdie evangelie van die koninkryk sal verkondig word in die hele ¹⁵wêreld tot ’n getuienis vir al die nasies; en dan sal ¹⁶die einde kom.

Die profetiese rede (vervolg). Die groot verdrukking.

^mWANNEER julle dan die ¹⁷gruwel van die verwoesting, waarvan gespreek is deur die profeet ⁿDaniël, sien staan in die ¹⁸heiligdom — laat hy wat lees, oplet —

dan moet die wat in Judéa is, ¹⁹na die berge vlug;

wie op die ²⁰dak is, moet nie afkom om iets uit sy huis weg te neem nie;

en wie op die land is, moet nie ²¹omdraai om sy klere weg te neem nie.

Maar ²²wee die vroue wat swanger is en die wat nog soog, in daardie dae.

En bid dat julle vlug nie ²³in die winter of ^oop die sabbat mag plaasvind nie.

^pWant dan sal daar groot verdrukking wees ²⁴soos daar van die begin van die wêreld af tot nou toe nie gewees het en ook nooit sal wees nie.

En as ²⁵daardie dae nie verkort was nie, sou geen vlees gered word nie; maar ter wille van ²⁶die uitverkorenes sal daardie dae verkort word.

²⁷As iemand dán vir julle sê: Kyk, ^qhier is die Christus! of: ²⁸Daar! — moet dit nie glo nie.

^rWant daar sal valse christusse en valse profete opstaan, en hulle sal groot ²⁹tekens en wonders doen om, ³⁰as dit moontlik was, ook die uitverkorenes te mislei.

Kyk, Ek het dit vir julle vooruit gesê.

^sAs hulle dan vir julle sê: Kyk, Hy is in die woestyn — moenie uitgaan nie; kyk, Hy is in die binnekamer — moet dit nie glo nie.

Want soos die weerlig ³¹uit die ooste uitslaan en tot in die ³²weste skyn, ³³so sal ook die koms van die Seun van die mens wees.

^tWant ³⁴oral waar die dooie liggaam lê, daar sal die aasvoëls saamkom.

Die profetiese rede (vervolg). Die koms van die Seun van die mens.

EN ^vdadelik ná ³⁵die verdrukking van daardie dae sal die son verduister word, en die maan sal sy glans nie gee nie, en die sterre sal van die hemel val, en ³⁶die kragte van die hemele sal ³⁷geskud word.

^xEn dan sal ³⁸die teken van die Seun van die mens in die hemel verskyn, en dan sal al die stamme van die aarde ^y39rou bedryf en die Seun van die mens sien kom op die wolke van die hemel met groot krag en heerlikheid.

En Hy sal sy engele uitstuur met ^z40harde trompetgeluid, en hulle sal sy uitverkorenes ⁴¹versamel uit die vier windstreke, van die een einde van die hemele af tot die ander einde daarvan.

^aEn leer van die vyeboom hierdie gelykenis: Wanneer sy tak al ⁴²sag word en sy blare uitbot, weet julle dat die somer naby is.

So weet julle ook, wanneer julle ál hierdie dinge sien, dat ⁴³dit naby is, voor die deur.

Voorwaar Ek sê vir julle, ⁴⁴hierdie geslag sal sekerlik nie ⁴⁵verbygaan voordat al hierdie dinge gebeur het nie.

^bDie hemel en die aarde sal ⁴⁶verbygaan, maar my woorde sal nooit verbygaan nie.

Die profetiese rede (vervolg). Vermaning om waaksaam te wees.

^cMAAR van dié dag en dié uur weet niemand nie, ook die engele van die hemele nie, maar net my Vader alleen.

^dEn net soos die dae van Noag was, so sal ook die koms van die Seun van die mens wees.

Want net soos hulle was in die dae voor die sondvloed toe hulle ⁴⁷geëet en gedrink het, getrou en in die huwelik uitgegee het, ^etot op die dag dat Noag in die ark gegaan het,

en dit nie verstaan het voordat die sondvloed gekom en almal weggevoer het nie, so sal ook die koms van die Seun van die mens wees.

^fDan sal daar twee op die land wees; die een word ⁴⁸aangeneem en die ⁴⁹ander word ⁵⁰verlaat.

Twee vroue sal by die meul ⁵¹maal; die een word ⁴⁸aangeneem en die ander word verlaat.

^gWaak dan, omdat julle nie weet watter uur julle Here kom nie.

^hMaar weet dit: as die ⁵²huisheer geweet het ⁵³in watter nagwaak die dief sou kom, sou hy gewaak en nie toegelaat het dat in sy huis ⁵⁴ingebreek word nie.

Daarom moet julle ook gereed wees, want die Seun van die mens kom op ’n uur dat julle dit nie verwag nie.

Die profetiese rede (vervolg). Gelykenis van die twee diensknegte.

(Luk. 12:42-48.)

ⁱWIE is dan die getroue en verstandige ⁵⁵dienskneg vir wie sy heer oor sy diensvolk aangestel het om hulle hul voedsel op tyd te gee?

Gelukkig is daardie dienskneg vir wie sy heer, as hy kom, op ⁵⁶hierdie manier besig sal vind.

Voorwaar Ek sê vir julle, hy sal hom ⁵⁷oor al sy besittings aanstel.

Maar as daardie slegte dienskneg in sy hart sê: My heer talm om te kom —

en hy sy medediensknegte begin ⁵⁸slaan en saam met die dronkaards begin eet en drink,

dan sal die heer van dié dienskneg kom op ’n dag dat hy dit nie verwag nie en op ’n uur dat hy dit nie weet nie;

en sal hom ⁵⁹pynig en hom ’n deelgenoot van die ⁶⁰geveinsdes maak. ^kDaar sal geween wees en gekners van die tande.