Die profetiese rede (vervolg). Gelykenis van die vyf verstandige en die vyf onverstandige maagde.

DAN¹ sal die koninkryk van die hemele wees ²soos tien maagde wat hulle lampe geneem en uitgegaan het om die bruidegom te ontmoet.

En vyf van hulle was verstandig en vyf dwaas.

En toe die wat dwaas was, hul lampe neem, het hulle geen olie met hulle saamgeneem nie.

Maar die verstandiges het olie in hulle kanne saam met hul lampe geneem.

En terwyl die bruidegom talm om te kom, het hulle ³almal vaak geword en aan die slaap geraak

En middernag was daar ’n geroep: Daar kom die bruidegom; gaan uit hom tegemoet!

Toe staan al daardie maagde op en ⁴maak hulle lampe gereed.

En die wat dwaas was, sê aan die verstandiges: Gee vir ons van julle olie, want ons lampe gaan uit.

Maar die verstandiges antwoord en sê: Miskien sal daar nie genoeg wees vir ons en vir julle nie. Maar gaan liewer na die verkopers en koop vir julleself.

En onderwyl hulle gaan om te koop, het die bruidegom gekom. En die wat gereed was, het saam met hom ingegaan na die bruilof, en die deur is gesluit.

Later kom toe die ander maagde ook en sê: ⁵Meneer, meneer, maak vir ons oop!

Maar hy antwoord en sê: Voorwaar ek sê vir julle, ⁶ek ^aken julle nie.

^bWaak dan, omdat julle die dag en die uur nie weet waarop die Seun van die mens kom nie.

Die profetiese rede (vervolg). Gelykenis van die talente.

(Vgl. Luk. 19:11-27.)

^cWANT dit is ⁷soos ’n man wat op reis wou gaan en sy diensknegte roep en aan hulle sy besittings toevertrou.

En aan die een gee hy vyf talente en aan die ander twee en aan die ander een, aan elkeen na sy ⁸vermoë; en hy het dadelik op reis gegaan.

En die een wat die vyf talente ontvang het, het daarmee gaan werk en vyf ander talente ⁹gewin.

Net so het die een wat die twee ontvang het, self ook twee ander verdien.

Maar hy wat die een ontvang het, het in die grond gaan grawe en die geld van sy heer weggesteek.

En ¹⁰ná ’n lang tyd het die heer van daardie diensknegte gekom en met hulle afgereken.

En die een wat die vyf talente ontvang het, kom en bring vyf ander talente en sê: Meneer, vyf talente het u aan my toevertrou; hier het ek vyf ander talente ¹¹daarby verdien.

En sy heer sê vir hom: ¹²Mooi so, goeie en getroue dienskneg, ^door weinig was jy getrou, oor veel sal ek jou aanstel. ¹³Gaan in in die vreugde van jou heer.

En die een wat die twee talente ontvang het, kom ook en sê: Meneer, twee talente het u aan my toevertrou; hier het ek twee ander talente daarby verdien.

Sy heer sê vir hom: Mooi so, goeie en getroue dienskneg, oor weinig was jy getrou, oor veel sal ek jou aanstel. Gaan in in die vreugde van jou heer.

En die een wat die een talent ontvang het, kom ook en sê: Meneer, ek het u geken, dat u ’n ¹⁴harde man is wat ¹⁵maai waar u nie gesaai het nie, en bymekaarmaak waar u nie uitgestrooi het nie;

omdat ek bang was, het ek gegaan en u talent in die grond weggesteek. Hier het u wat aan u behoort.

Maar sy heer antwoord en sê vir hom: ¹⁶Jou slegte en luie dienskneg, jy het geweet dat ek maai waar ek nie gesaai het nie, en bymekaarmaak waar ek nie uitgestrooi het nie.

Daarom moes jy my geld by die wisselaars ¹⁷gestort het, en ek sou by my koms wat aan my behoort, met ¹⁸rente ontvang het.

Neem dan die talent van hom weg en gee dit aan die een wat die tien talente het;

^ewant aan ¹⁹elkeen ²⁰wat het, sal gegee word, en hy sal oorvloed hê; maar van hom ²¹wat nie het nie, van hom sal weggeneem word ook wat hy het.

En werp die nuttelose dienskneg uit in die ²²buitenste duisternis; ^fdaar sal geween wees en gekners van die tande.

Die profetiese rede (slot). Die ewige lewe en die ewige straf.

^gEN wanneer die Seun van die mens in sy heerlikheid kom en al die heilige engele saam met Hom, dan sal Hy ²³op sy heerlike ^htroon sit;

en voor Hom sal al die nasies ²⁴versamel word, ⁱen Hy sal hulle van mekaar afskei soos die herder die skape van die bokke afskei;

en Hy sal die skape aan sy ²⁵regterhand en die bokke aan sy linkerhand sit.

Dan sal ²⁶die Koning vir die wat aan sy regterhand is, sê: Kom, julle ²⁷geseëndes van my Vader, beërf die koninkryk ^kwat ²⁸vir julle berei is van die grondlegging van die wêreld af.

^lWant Ek het honger gehad, en julle het My te ete gegee; Ek het dors gehad, en julle het My te drinke gegee; ^mEk was ’n vreemdeling, en julle het My ²⁹herberg gegee;

Ek was ⁿnaak, en julle het My geklee; Ek was siek, en julle het My ³⁰besoek; ^o31in die gevangenis was Ek, en julle het na My gekom.

Dan sal die regverdiges Hom antwoord en sê: Here, wanneer het ons U honger gesien en gevoed; of dors, en te drinke gegee?

En wanneer het ons U ’n vreemdeling gesien, en herberg gegee; of naak, en geklee?

En wanneer het ons U siek gesien of in die gevangenis, en na U gekom?

En die Koning sal antwoord en vir hulle sê: Voorwaar Ek sê vir julle, ^pvir sover julle dit gedoen het aan een van die geringstes van hierdie broeders van My, ³²het julle dit aan My gedoen.

Dan sal Hy ook vir dié aan sy linkerhand sê: ^qGaan weg van My, ³³julle vervloektes, in die ^rewige vuur wat berei is vir die ³⁴duiwel en ³⁵sy engele.

Want Ek het honger gehad, en julle het My nie te ete gegee nie; Ek het dors gehad, en julle het My nie te drinke gegee nie.

Ek was ’n vreemdeling, en julle het vir My nie herberg gegee nie; naak, en julle het My nie geklee nie; siek en in die gevangenis, en julle het My nie besoek nie.

Dan sal hulle Hom ook antwoord en sê: Here, wanneer het ons U honger gesien of dors of ’n vreemdeling of naak of siek of in die gevangenis, en U nie gedien nie?

Dan sal Hy hulle antwoord en sê: Voorwaar Ek sê vir julle, ^svir sover julle dit nie gedoen het aan een van ³⁶hierdie geringstes nie, het julle dit aan My ook nie gedoen nie.

^tEn hulle sal weggaan in die ewige ³⁷straf, maar die regverdiges in die ewige lewe.