Die verlamde man in Kapérnaüm.

(Mark. 2:3-12; Luk. 5:18-26.)

EN nadat Hy in die skuit geklim het, het Hy oorgevaar en in ¹sy eie stad gekom.

^aEn hulle het ’n verlamde man wat op ’n bed lê, na Hom gebring. En toe Jesus ²hulle geloof sien, sê Hy aan die verlamde: Seun, ³hou goeie moed, jou sondes is jou vergewe.

En sommige van die skrifgeleerdes het by hulleself gesê: ^bHierdie man praat ⁴godslasterlik.

En toe Jesus ⁵merk wat hulle gedagtes was, sê Hy: Waarom bedink julle slegte dinge in julle harte?

Want wat is ⁶makliker, om te sê: Die sondes is jou vergewe! of om te sê: Staan op en loop?

Maar dat julle kan weet dat die ⁷Seun van die mens ⁸mag het om op aarde sondes te vergewe — toe sê Hy vir die verlamde man: Staan op, neem jou bed op en gaan na jou huis toe.

En hy het opgestaan en ⁹huis toe gegaan.

En toe die skare dit sien, was hulle verwonderd en het God verheerlik wat so ’n mag aan die mense gegee het.

Roeping van Matthéüs.

(Mark. 2:14-17; Luk. 5:27-32.)

^cEN toe Jesus daarvandaan verder gaan, sien Hy ’n man met die naam van ¹⁰Matthéüs by ¹¹die tolhuis sit; en Hy sê vir hom: Volg My. En hy het opgestaan en Hom gevolg.

En terwyl Hy in die huis ¹²aan tafel was, het daar baie tollenaars en ¹³sondaars saam met Jesus en sy dissipels aan tafel gegaan.

En toe die Fariseërs dit sien, sê hulle vir sy dissipels: Waarom eet julle Meester saam met tollenaars en sondaars?

Maar toe Jesus dit hoor, sê Hy vir hulle: Die wat ¹⁴gesond is, het die geneesheer nie nodig nie, maar die wat ¹⁵ongesteld is.

Maar gaan leer wat dit beteken: ^dEk wil barmhartigheid hê en ¹⁶nie offerande nie; ^ewant Ek het nie gekom om ¹⁷regverdiges te roep nie, maar sondaars tot bekering.

Die wat vas, en die wat nie vas nie.

(Mark. 2:18-22; Luk. 5:33-38.)

^fDAARNA kom die dissipels van Johannes na Hom en sê: Waarom vas ons en die Fariseërs dikwels, maar u dissipels vas nie?

En Jesus sê vir hulle: Kan ^gdie ¹⁸bruilofsgaste dan treur so lank as die bruidegom by hulle is? Maar daar sal dae kom wanneer die bruidegom van hulle weggeneem word, en dan sal hulle vas.

¹⁹En niemand sit ’n ²⁰nuwe stuk lap op ’n ou kleed nie; want die ²¹aangelapte stuk ²²skeur van die kleed af en daar kom ’n erger skeur.

^h’n Mens gooi ook nie nuwe wyn in ou leersakke nie; anders ²³bars die sakke en die wyn loop uit en die sakke vergaan. Maar ’n mens gooi nuwe wyn in nuwe sakke en altwee bly behoue.

Die vrou wat aan bloedvloeiing gely het. Die dogtertjie van Jaïrus.

(Mark. 5:22-43 en ooreenk. pl.)

TERWYL Hy vir hulle dit sê, ⁱkom daar ’n sekere ²⁴owerste en ²⁵val voor Hom neer en sê: My dogter het nou net gesterwe, maar kom en lê u hand op haar, en sy sal ²⁶lewe.

En Jesus het opgestaan en hom gevolg, en ook sy dissipels.

^kEn daar het ’n vrou wat twaalf jaar lank aan bloedvloeiing gely het, ²⁷van agter gekom en die soom van sy kleed aangeraak.

Want sy het by haarself gesê: As ek maar net ²⁸sy kleed kan aanraak, sal ek ²⁹gesond word.

En Jesus het omgedraai en haar gesien en gesê: ^lHou goeie moed, dogter, jou geloof het jou gered. En die vrou het gesond geword van daardie uur af.

^mEn toe Jesus in die huis van die owerste kom en ³⁰die fluitspelers sien, en die skare wat te kere gaan,

sê Hy vir hulle: Gaan weg, want die dogtertjie is ³¹nie dood nie, maar sy ⁿslaap. En hulle het Hom uitgelag.

En nadat die skare uitgedryf was, het Hy ingegaan en haar hand gegryp; en die dogtertjie ³²het opgestaan.

En die gerug hiervan het deur daardie hele land versprei.

Twee blindes en ’n stomme gesond gemaak.

EN toe Jesus daarvandaan verder gaan, het twee blindes Hom gevolg, terwyl hulle uitroep en sê: Wees ons barmhartig, ³³Seun van Dawid!

En nadat Hy in die huis gegaan het, kom die blindes na Hom toe. En Jesus sê vir hulle: Glo julle dat Ek dit kan doen? Hulle antwoord Hom: Ja, Here.

Toe raak Hy hulle oë aan en sê: Laat dit vir julle wees volgens julle geloof.

En hulle oë het ³⁴oopgegaan. ^oEn Jesus het hulle ³⁵skerp aangespreek en gesê: Pas op, laat niemand dit te wete kom nie.

^pMaar hulle het heengegaan en Hom in daardie hele land bekend gemaak.

^qEn terwyl hulle weggaan, bring die mense ’n ³⁶stom man wat van die duiwel besete was, na Hom toe.

En nadat die duiwel uitgedryf was, het die stomme gepraat. En die skare het hulle verwonder en gesê: So iets is nog nooit in Israel gesien nie!

Maar die Fariseërs het gesê: ^rDeur die ³⁷owerste van die duiwels dryf Hy die duiwels uit.

Die oes en die arbeiders.

^sEN Jesus het by al die stede en dorpe rondgegaan en in hulle sinagoges geleer en die evangelie van die koninkryk verkondig en ³⁸elke siekte en elke kwaal onder die volk genees.

^tEn toe Hy die skare sien, het Hy ³⁹innig jammer gevoel vir hulle, omdat hulle ⁴⁰moeg en ⁴¹uitgeput was, ^vsoos skape wat geen herder het nie.

Toe sê Hy vir sy dissipels: ^xDie oes is wel ⁴²groot, maar die arbeiders min.

^yBid dan die Here van die oes, dat Hy arbeiders in sy oes mag ⁴³uitstuur.