Die Wet van die HERE.

TOE ¹het God al ²hierdie woorde gespreek en gesê:

Ek is die HERE jou God wat jou uit Egipteland, ^3auit die slawehuis, uitgelei het.

Jy mag ⁴geen ander gode voor my aangesig hê nie.

^b5Jy mag vir jou geen gesnede beeld of enige gelykenis maak van wat ⁶bo in die hemel is, of van wat onder ⁷op die aarde is, of van wat ⁸in die waters onder die aarde is nie.

Jy mag jou voor hulle nie neerbuig en ⁹hulle nie dien nie; want Ek, die HERE jou God, is ¹⁰’n jaloerse God wat die misdaad van die vaders besoek aan ¹¹die kinders, aan die derde en aan die vierde ¹²geslag van die wat My haat;

en Ek bewys barmhartigheid aan duisende van die wat My liefhet en my gebooie onderhou.

^cJy mag die Naam van die HERE jou God nie ¹³ydellik gebruik nie, want die HERE sal die een wat sy Naam ydellik gebruik, nie ¹⁴ongestraf laat bly nie.

^dGedenk die sabbatdag, ¹⁵dat jy dit heilig.

^eSes dae moet jy arbei en al jou werk doen;

maar die sewende dag is die sabbat van die HERE jou God; dan mag jy géén werk doen nie — jy of jou seun of jou dogter, of jou dienskneg of jou diensmaagd, of jou ¹⁶vee of jou vreemdeling wat in jou poorte is nie.

Want ^fin ses dae het die HERE die hemel en die aarde gemaak, die see en alles wat daarin is, en op die sewende dag het Hy gerus. Daarom het die HERE die sabbatdag geseën en dit ¹⁷geheilig.

^gEer jou vader en jou moeder, ¹⁸dat jou dae verleng mag word in die land wat die HERE jou God aan jou gee.

^hJy mag nie doodslaan nie.

ⁱJy mag nie egbreek nie.

Jy mag nie steel nie.

Jy mag geen valse getuienis teen jou ¹⁹naaste ²⁰spreek nie.

^kJy mag nie ²¹jou naaste se huis begeer nie; jy mag nie jou naaste se vrou begeer nie, of sy dienskneg of sy diensmaagd, of sy os of sy esel of iets wat van jou naaste is nie.

En toe die hele volk die donderslae en die ²²blitse en die geluid van die basuin en die rokende berg bemerk, het die volk dit gesien en ²³gebewe en op ’n afstand bly staan.

^lEn hulle het vir Moses gesê: Spreek u met ons, dat ons kan luister; maar laat God nie met ons spreek nie, anders sterwe ons.

Toe antwoord Moses die volk: Wees nie bevrees nie, want God het gekom ²⁴om julle te beproef en dat sy vrees voor julle oë mag wees, sodat julle nie sondig nie.

^mSo het die volk dan op ’n afstand bly staan. Maar Moses het nader gegaan na die wolkedonkerheid waar God was.

Toe sê die HERE vir Moses: So moet jy met die kinders van Israel spreek: Julle het self gesien ²⁵dat Ek met julle van die hemel af gespreek het.

Julle mag naas My geen silwergode maak en geen goue gode vir julle maak nie.

ⁿ’n Altaar van grond moet jy vir My maak, en daarop moet jy jou ²⁶brandoffers en ²⁷dankoffers, jou kleinvee en beeste, offer. Op elke plek waar Ek my Naam sal laat gedenk, ²⁸sal Ek na jou toe kom en jou seën.

^oMaar as jy vir My ²⁹’n klipaltaar maak, mag jy dit nie bou van gekapte klip nie; want as jy jou ystergereedskap daaroor swaai, dan ontheilig jy dit.

Jy mag ook nie ³⁰met trappe na my altaar opklim nie, ³¹dat jou skaamte nie ³²daarop ontbloot word nie.