Wette oor die vryheid en die lewe van die naaste.

EN dit is ¹die verordeninge wat jy ²hulle moet voorhou:

As jy ^3a’n Hebreeuse ⁴slaaf koop, moet hy ses jaar lank dien, maar in die sewende moet hy as vryman verniet weggaan.

As hy ⁵alleen kom, moet hy alleen vrygelaat word; as hy ⁶getroud is, moet sy vrou saam met hom vrygelaat word.

As sy heer aan hom ⁷’n vrou gee en sy vir hom seuns of dogters baar, moet die vrou met haar kinders haar heer se eiendom wees, terwyl hy ⁸alleen vrygelaat word.

^bMaar as die slaaf ⁹reguit sê: Ek het my heer, my vrou en my kinders lief; ek ¹⁰wil nie as vryman weggaan nie —

dan moet sy heer hom na ¹¹die owerhede bring en hom ¹²by die deur of die deurpos bring; en sy heer moet ¹³sy oor met ’n els deurboor; daarna moet hy hom ¹⁴vir altyd dien.

En as ¹⁵iemand sy dogter as slavin verkoop, mag sy nie soos ¹⁶die slawe weggaan nie.

As sy haar heer ¹⁷nie beval nie wat haar ¹⁸vir homself bestem het, moet hy haar laat loskoop. Hy is nie geregtig om haar aan ’n vreemde volk te verkoop nie, omdat hy troueloos met haar gehandel het.

Maar as hy haar vir sy seun bestem, ¹⁹moet hy met haar handel volgens die reg van die dogters;

as hy vir hom ’n ander een neem, mag hy ²⁰haar voedsel, haar klere en ²¹haar huweliksgemeenskap nie verminder nie.

En as hy ²²hierdie drie dinge nie vir haar doen nie, kan sy verniet weggaan, sonder geld.

^cHy wat ’n mens slaan, dat hy sterwe, ²³moet sekerlik gedood word.

Maar as hy dit daar nie op ²⁴toegelê het nie, maar God dit sy hand laat ontmoet het, dan sal Ek jou ²⁵’n plek aanwys waarheen hy kan vlug.

Maar as iemand moedswillig teen sy naaste handel, om hom met lis dood te maak, moet jy hom ²⁶van my altaar af wegneem, ²⁷om te sterwe.

^dEn hy wat sy vader of moeder slaan, moet sekerlik gedood word.

En hy wat ²⁸’n mens steel en hom verkoop — of as hy in sy besit gevind word — dié moet sekerlik gedood word.

^eEn hy wat sy vader of moeder vloek, moet sekerlik gedood word.

En as manne twis en ²⁹die een die ander slaan met ’n klip of met die vuis, sodat hy nie sterwe nie, maar bedlêend word —

as hy weer opstaan en buite met sy stok rondloop, moet hy wat geslaan het, ³⁰ongestraf bly; net sy ³¹tydverlies ³²moet hy vergoed en sorg dat hy ³³heeltemal gesond word.

En as iemand ³⁴sy slaaf of slavin met ’n stok slaan, dat dié ³⁵onder sy hand sterwe, moet dit sekerlik ³⁶gewreek word.

Maar as hy ná een of twee dae nog ³⁷lewe, moet dit nie gewreek word nie, want ³⁸hy is sy eiendom.

En as manne met mekaar veg en ’n swanger vrou so ³⁹stamp dat haar ⁴⁰vrug afgaan, maar daar ⁴¹geen ander letsel is nie, ⁴²moet ⁴³hy sekerlik boete betaal soos die man van die vrou hom dit oplê, en hy moet dit deur ⁴⁴skeidsregters gee.

Maar is daar ⁴⁵’n letsel, dan moet jy ⁴⁶gee ⁴⁷lewe vir lewe,

^foog vir oog, tand vir tand, hand vir hand, voet vir voet,

brandplek vir brandplek, wond vir wond, kwesplek vir kwesplek.

En as iemand sy slaaf of slavin op die oog slaan en hy dit beskadig, moet hy hom ⁴⁸vry laat weggaan vir sy oog.

En as hy die tand van sy slaaf of die tand van sy slavin uitslaan, moet hy hom vry laat weggaan vir sy ⁴⁹tand.

^gEn as ⁵⁰’n bees ’n man of ’n vrou stoot, sodat hy sterwe, moet die bees ⁵¹sekerlik gestenig word; en sy vleis mag nie geëet word nie, maar die baas van die bees ⁵²sal ongestraf bly.

Maar as die bees ⁵³tevore al stoterig gewees het en sy baas gewaarsku was, maar dit nie opgepas het nie, en dit ’n man of ’n vrou doodmaak, moet die bees gestenig word, en sy baas ⁵⁴moet ook gedood word.

As aan hom losgeld ⁵⁵opgelê word, moet hy vir die lossing van sy lewe alles gee wat hom opgelê word.

Of dit ’n seun gestoot het of ’n dogter, volgens hierdie reg moet met hom gehandel word.

As die bees ’n slaaf of slavin stoot, moet ⁵⁶hy aan ⁵⁷hulle heer dertig ⁵⁸sikkels silwer gee, en die bees moet gestenig word.

En as iemand ’n put oopmaak, of as iemand ’n put grawe en dit nie toemaak nie, en ’n ⁵⁹bees of esel val daarin,

moet die eienaar van die put vergoeding gee: hy moet aan die eienaar van die dier ⁶⁰geld gee, maar die dooie dier moet ⁶¹syne wees.

En as iemand se bees die bees van ’n ander stoot, sodat dit sterwe, moet hulle die lewendige bees verkoop en die geld daarvan verdeel; en die dooie een moet hulle ook verdeel.

Of as dit bekend was dat die bees tevore al stoterig gewees het, en sy baas dit nie opgepas het nie, moet hy ⁶²ten volle bees vir bees vergoed; maar die dooie een moet ⁶³syne wees.