Wette oor die eiendom van die naaste.

AS ^aiemand ’n bees of ’n stuk kleinvee steel en dit slag of verkoop, moet hy vyf beeste vir ’n bees vergoed en vier stuks kleinvee vir ’n stuk kleinvee.

As ’n dief betrap word ¹terwyl hy inbreek, en hy word geslaan, sodat hy sterwe, ²sal daardeur geen bloedskuld ontstaan nie;

³as die son ⁴oor hom opgegaan het, ⁵ontstaan daardeur bloedskuld. Hy moet ⁶ten volle vergoeding gee; as hy niks het nie, moet hy vir sy diefstal verkoop word.

As die gesteelde goed — ⁷of dit ’n bees, ’n esel of ’n stuk kleinvee is — nog lewendig ⁸in sy besit ⁹gevind word, moet hy dubbel vergoeding gee.

As iemand ’n stuk veld of ’n ¹⁰wingerd laat afwei en sy vee vry laat loop, sodat dit in die veld van ’n ander wei, moet hy van die beste van sy veld en die beste van sy wingerd as vergoeding gee.

As ’n vuur uitbreek ¹¹en die dorings ¹²vat, sodat ’n mied of die ongesnyde graan of die veld verteer word, moet hy wat die vuur aan die brand gesteek het, ten volle vergoeding gee.

As iemand aan sy naaste geld of ¹³goed in bewaring gee, en dit word uit die man se huis gesteel, moet die dief, as hy uitgevind word, dubbel vergoeding gee.

As die dief nie uitgevind word nie, moet die eienaar van die huis na die ¹⁴owerhede gaan om te beslis of hy nie sy hand na sy naaste se goed uitgesteek het nie.

By alle sake van ontvreemding, of dit gaan oor ’n bees, oor ’n esel, oor kleinvee, oor klere of oor enigiets wat verloor is, ¹⁵waarvan iemand sê: Dit is myne! — moet die saak van ¹⁶altwee voor die owerhede kom; die een wat die owerhede skuldig verklaar, moet aan sy naaste dubbel vergoeding gee.

As iemand aan sy naaste ’n esel of bees of stuk kleinvee of enige dier gee om ¹⁷op te pas, en dit gaan dood of kry ’n ongeluk of word weggevoer sonder dat ¹⁸iemand dit sien,

dan moet die ¹⁹eed by die HERE tussen hulle twee beslis, of hy nie sy hand na sy naaste se goed uitgesteek het nie; en die eienaar moet ²⁰daarmee tevrede wees, en ²¹die ander hoef geen vergoeding te gee nie.

Maar as dit van hom ²²weggesteel is, moet hy aan die eienaar vergoeding gee.

As dit verskeur is, moet hy ²³dit as bewys bring; wat verskeur is, hoef hy nie te vergoed nie.

En as iemand van sy naaste iets te leen vra, en dit kry ’n ongeluk of gaan dood terwyl die eienaar daar nie by is nie, ²⁴moet hy ten volle vergoeding gee.

As die eienaar daarby gewees het, hoef hy geen vergoeding te gee nie. ²⁵As dit gehuur was, kom die huurgeld daarvoor.

As iemand ’n jongmeisie ²⁶wat nie verloof is nie, verlei en met haar gemeenskap het, moet hy haar vir die volle huweliksprys as sy vrou koop.

As haar vader ²⁷beslis weier om haar aan hom te gee, moet hy geld ²⁸gee ²⁹volgens die huweliksprys vir jongmeisies.

^bDie ³⁰towerheks mag jy nie laat lewe nie.

^cElkeen wat met ’n dier gemeenskap het, ³¹moet sekerlik gedood word.

^dHy wat aan die gode ³²offer, behalwe aan die HERE alleen, ³³moet met die banvloek getref word.

^eJy mag ook die vreemdeling nie kwel of hom verdruk nie, want julle was vreemdelinge in Egipteland.

^fJulle mag geen weduwee of wees verdruk nie.

As jy hulle op ³⁴enige manier verdruk, waarlik, dan sal Ek, as hulle na My ³⁵roep, hulle geroep ³⁶sekerlik hoor,

en my toorn sal ontvlam, en Ek sal julle met die swaard ombring, sodat julle vroue weduwees en julle kinders wese word.

^gAs jy aan my volk, aan die arme by jou, geld leen, mag jy vir hom nie soos ’n skuldeiser wees nie: julle mag hom geen ³⁷rente oplê nie.

^hAs jy ³⁸ooit ³⁹jou naaste se ⁴⁰gewaad as pand neem, moet jy hom dit teruggee ⁴¹voor die son ⁴²ondergaan;

want dit is sy enigste bedekking, dit is die bekleding vir sy vel. Waarin moet hy anders slaap? En as hy na My roep, sal Ek hoor, want Ek is genadig.

Jy mag ⁴³God nie vloek nie, en ’n ⁱowerste onder jou volk mag jy nie verwens nie.

Die offer uit jou ⁴⁴volle opbrings en ⁴⁵jou parskuip mag jy ⁴⁶nie terughou nie. ^kDie eersgeborene van jou seuns ⁴⁷moet jy aan My gee.

Jy moet ^ldieselfde doen met jou beeste en jou kleinvee: sewe dae moet dit by sy moeder wees; op die agtste dag moet jy dit aan My gee.

En julle moet vir My ⁴⁸heilige mense wees. ^mDaarom mag julle nie vleis eet ⁴⁹wat in die veld verskeur is nie. Julle moet dit vir die honde gooi.