Verskillende ander wette.

JY mag geen ¹valse gerug ²rondstrooi nie. ³Verbind jou nie met die skuldige om ’n ⁴kwaadwillige getuie te wees nie.

Jy mag die ⁵meerderheid nie volg in verkeerde dinge nie. En jy mag in ’n regsaak geen getuienis aflê agter die meerderheid aan om die reg te verdraai nie.

^aOok mag jy die geringe nie ⁶voortrek in sy regsaak nie.

^bAs jy jou vyand se bees of esel teëkom wat ronddwaal, moet jy dit ⁷sekerlik vir hom terugbring.

^cAs jy jou vyand se esel onder sy pak sien lê, ⁸moet jy dit nie onverskillig aan hom oorlaat nie: ⁹jy moet dit sekerlik saam met hom aflaai.

^d10Jy mag die reg van jou arm mense in hulle regsaak nie verdraai nie.

Hou jou ver van valse ¹¹sake af. En moenie die onskuldige en die wat reg het, ¹²ombring nie, want Ek sal ¹³die skuldige nie regverdig verklaar nie.

^eOok mag jy ¹⁴geen omkoopgeskenk aanneem nie; want die geskenk maak die siendes blind en verdraai die ¹⁵sake van die regverdiges.

^fJy mag die vreemdeling ook nie verdruk nie; want julle ¹⁶ken self die gemoed van ’n vreemdeling, omdat julle vreemdelinge in Egipteland gewees het.

En ses jaar lank moet jy jou land besaai en die opbrings daarvan insamel;

^gmaar in die sewende moet jy dit ¹⁷ongebruik en braak laat lê, ¹⁸dat die arm mense van jou volk kan ¹⁹eet; en wat hulle laat oorbly, kan die diere van die veld opeet. So moet jy doen met jou wingerd en jou olyfbome.

^hSes dae moet jy jou werk verrig, maar op die sewende dag moet jy rus, dat jou os en jou esel kan uitrus en ²⁰die seun van jou slavin en die vreemdeling kan asem skep.

En in alles wat Ek julle gesê het, moet julle jul in ag neem. ⁱEn die naam van ander gode mag julle nie vermeld nie; dit mag uit jou mond ²¹nie gehoor word nie.

Drie maal in die jaar moet jy vir My ’n fees hou.

^k22Die fees van die ongesuurde brode moet jy hou: sewe dae lank moet jy ongesuurde brode eet soos Ek jou beveel het, op die bepaalde tyd in die ²³maand Abib, want daarin het jy uit Egipte uitgetrek — ^lmaar ²⁴hulle ²⁵mag nie met leë hande voor my aangesig verskyn nie;

verder ²⁶die fees ²⁷van die oes, van die eerstelinge ²⁸van jou werk, van wat jy op die land saai; en ook ²⁹die fees van die insameling aan die einde van die jaar as jy jou werk uit die land insamel.

³⁰Drie maal in die jaar moet ³¹al jou manspersone ³²voor die aangesig van die Here HERE verskyn.

Jy mag die bloed van my offer ³³nie saam met gesuurde brood offer nie. Ook mag die vet ³⁴van my feesoffer nie tot die môre toe oorbly nie.

^m35Die beste van die eerstelinge van jou grond moet jy ³⁶in die huis van die HERE jou God bring. Jy ⁿmag die bokkie nie kook in sy moeder se melk nie.

^oKyk, Ek stuur ³⁷’n Engel voor jou uit om jou op die pad te bewaar en om jou na ³⁸die plek te bring wat Ek gereedgemaak het.

Neem jou in ag ³⁹vir Hom en luister na sy stem; wees nie wederstrewig teen Hom nie; want Hy sal julle oortreding nie vergewe nie, want ⁴⁰my Naam is in Hom.

Maar as jy terdeë na sy stem ⁴¹luister en alles doen wat Ek sal sê, ^psal Ek die vyand van jou vyande en die teëstander van jou teëstanders wees.

Want my Engel sal voor jou uit gaan en jou bring ⁴²na die Amoriete en Hetiete en Feresiete en Kanaäniete, Hewiete en Jebusiete; en Ek sal hulle vernietig.

Jy mag jou voor hulle gode nie neerbuig en hulle nie dien nie, ook mag jy nie ^qdoen na hulle werke nie; maar jy moet hulle heeltemal afbreek en hulle klippilare ⁴³kort en klein slaan.

En julle moet die HERE julle God dien; ^rdan sal Hy jou brood en jou water seën, en Ek sal siektes uit jou midde verwyder.

^sDaar sal geen misdragtige of onvrugbare in jou land wees nie. Ek sal die ⁴⁴getal van jou dae vol maak.

^tEk sal ⁴⁵my skrik voor jou uit stuur en elke volk waarby jy kom, in verwarring bring. En ⁴⁶Ek sal al jou vyande vir jou ⁴⁷laat vlug.

^vOok sal Ek perdebye voor jou uit stuur; dié sal die ⁴⁸Hewiete, Kanaäniete en Hetiete voor jou uit verdrywe.

Ek sal hulle nie in een jaar voor jou uit verdrywe nie, dat die land nie ⁴⁹woes word en die ongediertes nie teen jou te veel word nie.

Ek sal hulle so langsamerhand voor jou uit verdrywe, totdat jy vrugbaar word en die land beërwe.

^xEn Ek sal jou grense vasstel van die Skelfsee af tot by die See van die Filistyne, en van ⁵⁰die woestyn af tot by die Eufraat. Want Ek sal die inwoners van die land in julle hand gee, en jy sal hulle voor jou uit verdrywe.

^yJy mag met hulle of met hulle gode geen verbond maak nie.

^zHulle mag in jou land nie woon nie, dat hulle jou nie verlei om teen My te sondig nie. Want jy sal hulle gode dien, ja, dit sal vir jou ’n strik wees.