Moses klim weer op die berg.

TOE ^ahet die HERE aan Moses gesê: Kap vir jou twee kliptafels soos die eerstes; dan sal Ek op die tafels die woorde skrywe wat op die eerste tafels was, wat jy verbrysel het.

En hou jou gereed ¹teen die môre, en klim in die môre op die berg Sinai en gaan daar staan by My op die ²top van die berg.

^bMaar ³niemand mag saam met jou opklim nie; laat daar ook niemand op die hele berg gesien word nie, ^claat ook geen kleinvee of beeste teen hierdie berg wei nie.

Toe het hy twee kliptafels gekap soos die eerstes, en Moses het die môre vroeg klaargemaak en op die berg Sinai geklim, soos die HERE hom beveel het, en die twee kliptafels in sy hand geneem.

En die HERE het neergedaal in die ⁴wolk en daar by hom gestaan. En ⁵Hy het die Naam van die HERE uitgeroep.

^dEn toe die HERE by hom verbygaan, het ⁶Hy geroep: HERE, HERE, barmhartige en genadige God, ⁷lankmoedig en groot van goedertierenheid en ⁸trou;

^ewat die goedertierenheid bewaar vir duisende, wat ongeregtigheid en oortreding en sonde vergewe, ⁹maar nooit ongestraf laat bly nie; wat ^fdie ongeregtigheid ¹⁰van die vaders besoek ¹¹aan die kinders en aan die kindskinders, ¹²aan die derde en aan die vierde geslag.

Toe het Moses hom gou na die aarde toe gebuig en neergeval

en gesê: Here, as ek genade in u oë gevind het, ¹³laat dan tog die HERE in ons midde trek; want dit is ’n hardnekkige volk; maar vergewe ons ongeregtigheid en ons sonde, en neem ons aan as ^g’n erfdeel.

Toe antwoord Hy: Kyk, ^hEk sluit ’n verbond; ⁱvoor jou hele volk sal Ek wonders doen soos daar op die hele aarde en onder al die nasies nie geskape is nie, sodat die hele volk onder wie jy is, die werk van die HERE kan sien. Want verskriklik is dit wat Ek ¹⁴aan jou gaan doen.

¹⁵Onderhou wat Ek jou vandag beveel. Kyk, Ek verdrywe voor jou uit die Amoriete, Kanaäniete, Hetiete, Feresiete, Hewiete en Jebusiete¹⁶.

^kNeem jou in ag dat jy geen verbond sluit met die inwoner van die land waarin jy kom nie; sodat hy nie miskien ’n strik by jou word nie.

Maar hulle altare moet julle omgooi en hulle klippilare verbrysel en hulle ¹⁷heilige boomstamme afkap.

^lWant jy mag jou nie neerbuig voor ’n ander god nie; want die HERE se Naam is Jaloers — ’n jaloerse God is Hy.

Sluit tog nie ’n verbond met die inwoner van die land nie! As hulle agter hulle gode aan ¹⁸hoereer en aan hulle gode offer, sal hy jou uitnooi, en jy sal van sy offer eet;

en jy sal van sy dogters neem vir jou seuns, ^men sy dogters sal agter hulle gode aan hoereer en jou seuns agter hulle gode aan laat hoereer.

Jy mag vir jou geen ¹⁹gegote gode maak nie.

²⁰Die fees van die ongesuurde brode moet jy hou; sewe dae lank moet jy ongesuurde brode eet soos Ek jou beveel het, ⁿop die bepaalde tyd in die maand Abib; want in die maand Abib het jy uit Egipte uitgetrek.

^21oAlles wat die moederskoot open, is myne; ook al jou vee wat manlik is, ²²die eerstelinge van beeste en kleinvee.

^pMaar die eersteling van ’n ²³esel moet jy met ’n lam loskoop; en as jy dit nie loskoop nie, moet jy sy ²⁴nek breek. Al jou eersgebore seuns moet jy loskoop, ^qen niemand mag ²⁵met leë hande voor my aangesig verskyn nie.

^rSes dae moet jy arbei, maar op die sewende dag moet jy rus. In die ploegtyd en in die oestyd ²⁶moet jy rus.

^s27Die fees van die weke moet jy ook ²⁸hou, die fees van die eerstelinge van die koringoes; en die ²⁹fees van die insameling ³⁰by die wisseling van die jaar.

^tAl jou manspersone moet drie maal in die jaar voor die aangesig van die Here HERE, die God van Israel, verskyn.

Want Ek sal nasies voor jou uitdrywe en jou grondgebied uitbrei, sodat niemand jou land sal begeer nie terwyl jy opgaan om te verskyn voor die aangesig van die HERE jou God, drie maal in die jaar.

^vJy mag die bloed van my offer nie saam met ³¹gesuurde brood slag nie, en die offer van die paasfees mag nie tot die môre toe oorbly nie.

³²Die ^xbeste van die eerstelinge van jou grond moet jy in die huis van die HERE jou God bring. ^yJy mag die bokkie nie kook in sy moeder se melk nie.

Verder het die HERE vir Moses gesê: Skrywe vir jou hierdie woorde op, want ³³volgens hierdie woorde het Ek ’n verbond gesluit met jou en met Israel.

^zEn hy was daar by die HERE veertig dae en veertig nagte; hy het geen ³⁴brood geëet en ³⁴geen water gedrink nie. ^aEn ³⁵Hy het op die tafels die ³⁶woorde van die verbond, die tien ³⁶woorde, geskrywe.

En toe Moses van die berg Sinai afdaal — die twee tafels van die Getuienis was in die hand van Moses toe hy van die berg afdaal — het Moses nie geweet dat die vel van sy gesig ^b37blink ³⁸omdat hy met Hom gespreek het nie.

En toe Aäron en al die kinders van Israel Moses sien, het die vel van sy gesig geblink! Daarom was hulle ³⁹bevrees om naby hom te kom.

Maar Moses het hulle geroep, en Aäron en al die ⁴⁰owerstes in die vergadering het na hom ⁴¹teruggekom; en Moses het met hulle gespreek.

En ⁴²daarna het al die kinders van Israel nader gekom, en hy het hulle alles beveel wat die HERE met hom gespreek het op die berg Sinai.

Toe Moses klaar met hulle gespreek het, ^chet hy ’n sluier oor sy gesig getrek.

Maar as Moses voor die aangesig van die HERE kom om met Hom te spreek, neem hy die sluier weg, totdat hy uitgaan. As hy dan uitgaan en aan die kinders van Israel meedeel wat hom beveel is,

⁴³sien die kinders van Israel die gesig van Moses, dat die vel van Moses se gesig blink; daarop trek Moses dan weer die sluier oor sy gesig, totdat hy ingaan om met Hom te spreek.