Levítikus 12
Wette oor die reiniging van ’n vrou.
VERDER het die HERE met Moses gespreek en gesê:
Spreek met die kinders van Israel en sê: As ’n vrou 1swanger word en ’n seun baar, sal sy sewe dae lank onrein wees; 2soos in die dae van die 3onreinheid as sy onwel is, sal sy onrein wees.
aEn 4op die agtste dag moet hy aan die vlees van sy voorhuid besny word.
Dan moet sy 5drie-en-dertig dae 6in die reinigingsbloed bly. 7Aan niks wat heilig is, moet sy raak nie en in die heiligdom mag sy nie kom nie totdat die dae van haar reiniging verby is.
Maar as sy ’n dogter baar, sal sy twee 8weke onrein wees 9soos by haar maandelikse onreinheid. Dan moet sy ses-en-sestig dae in die reinigingsbloed bly.
En as die dae van haar reiniging in die geval van ’n seun of ’n dogter verby is, moet sy ’n jaaroud lam as brandoffer en ’n jong duif of tortelduif as sondoffer bring na die ingang van die tent van samekoms, na die priester toe;
dié moet dit offer voor die aangesig van die HERE en vir haar versoening doen; dan sal sy rein wees van haar bloedvloeiing. Dit is die wet van haar wat baar, in die geval van ’n seun of ’n dogter.
Maar 10as sy 11’n lam nie kan bekostig nie, moet sy twee tortelduiwe of twee jong duiwe neem, een as brandoffer en een as 12sondoffer; en die priester moet vir haar versoening doen; dan sal sy rein wees.
| 1 Verstaan hier die ontvangenis van ’n mens in die liggaam van die moeder, wat nie net uit die man nie, maar ook uit die vrou voortkom. Want die woord beteken saad gee en voortbring, Gén. 1:11, 12. Vgl. Hebr. 11:11.
2 Dit is, net soos sy sewe dae onrein is in haar maandstonde, Lev. 15:19, so sal sy ook sewe dae onrein wees, wanneer sy gebaar het. 3 Of: volgens die dae van afsondering van haar krankheid. So genoem omdat sy in die tyd van haar maandstonde afgesonder moes wees van die geselskap van mense, om deur niemand aangeraak te word nie; maar met die voorwaarde dat die mense wat haar, of die dinge waaraan haar liggaam geraak het, asook hulle wat dit aangeraak het, ’n sekere tyd as onrein beskou moes word. Sien Lev. 15:19-21, ens. |
| a Gén. 17:12. Luk. 1:59; 2:21. Joh. 7:22. | 4 Waarop die moeder vry was van haar voorgaande onreinheid (sien vers 2), sodat die besnydenis om hierdie rede nie voor hierdie dag mog plaasvind nie, omdat die moeder en kind beide onrein was. |
| 5 Naamlik, voordat sy weer as heeltemal rein beskou sal word, terwyl sy afgesonder bly, nie geheel en al van die geselskap van die mense, soos in die eerste sewe dae nie, maar slegs van die heiligdom en van die dinge wat tot die godsdiens behoort het.
6 Hebr. in die bloede (in die meervoud), dit is, in die bloed van haar maandstonde, waarvan sy eers heeltemal gereinig moes wees, voordat sy in die heiligdom van die HERE ingaan. 7 Dit is, aan niks wat oorgebly het van dit wat aan die HERE geoffer of geheilig is nie. |
| 8 Dit is, dubbel so lank as wanneer sy ’n seuntjie gebaar het; soos sy ook dubbel so lank uit die heiligdom moes bly, dit is, ses-en-sestig dae.
9 Dit is, soos wanneer sy van die mense afgesonder word as gevolg van haar maandstonde. Sien vers 2 se kanttekening. |
| 10 Dit is, indien sy nie die vermoë of middele het om soveel te bekostig nie. Sien ’n soortgelyke manier van spreek in Lev. 25:26. Die moeder van die Here was ook so arm dat sy nie die middele gehad het om ’n lammetjie te offer nie, Luk. 2:24.
11 Hebr. genoegsaamheid van ’n lam. 12 Hierdie offer het eintlik gesien op die erfsonde, waarin beide, die moeder en haar vrug, ontvang en gebore was. Niemand is van erfsonde uitgesluit nie, behalwe onse Here Jesus Christus. |
Wette oor die reiniging van ’n vrou.
VERDER het die HERE met Moses gespreek en gesê:
Spreek met die kinders van Israel en sê: As ’n vrou 1swanger word en ’n seun baar, sal sy sewe dae lank onrein wees; 2soos in die dae van die 3onreinheid as sy onwel is, sal sy onrein wees.
| 1 Verstaan hier die ontvangenis van ’n mens in die liggaam van die moeder, wat nie net uit die man nie, maar ook uit die vrou voortkom. Want die woord beteken saad gee en voortbring, Gén. 1:11, 12. Vgl. Hebr. 11:11.
2 Dit is, net soos sy sewe dae onrein is in haar maandstonde, Lev. 15:19, so sal sy ook sewe dae onrein wees, wanneer sy gebaar het. 3 Of: volgens die dae van afsondering van haar krankheid. So genoem omdat sy in die tyd van haar maandstonde afgesonder moes wees van die geselskap van mense, om deur niemand aangeraak te word nie; maar met die voorwaarde dat die mense wat haar, of die dinge waaraan haar liggaam geraak het, asook hulle wat dit aangeraak het, ’n sekere tyd as onrein beskou moes word. Sien Lev. 15:19-21, ens. |
aEn 4op die agtste dag moet hy aan die vlees van sy voorhuid besny word.
| a Gén. 17:12. Luk. 1:59; 2:21. Joh. 7:22. | 4 Waarop die moeder vry was van haar voorgaande onreinheid (sien vers 2), sodat die besnydenis om hierdie rede nie voor hierdie dag mog plaasvind nie, omdat die moeder en kind beide onrein was. |
Dan moet sy 5drie-en-dertig dae 6in die reinigingsbloed bly. 7Aan niks wat heilig is, moet sy raak nie en in die heiligdom mag sy nie kom nie totdat die dae van haar reiniging verby is.
| 5 Naamlik, voordat sy weer as heeltemal rein beskou sal word, terwyl sy afgesonder bly, nie geheel en al van die geselskap van die mense, soos in die eerste sewe dae nie, maar slegs van die heiligdom en van die dinge wat tot die godsdiens behoort het.
6 Hebr. in die bloede (in die meervoud), dit is, in die bloed van haar maandstonde, waarvan sy eers heeltemal gereinig moes wees, voordat sy in die heiligdom van die HERE ingaan. 7 Dit is, aan niks wat oorgebly het van dit wat aan die HERE geoffer of geheilig is nie. |
Maar as sy ’n dogter baar, sal sy twee 8weke onrein wees 9soos by haar maandelikse onreinheid. Dan moet sy ses-en-sestig dae in die reinigingsbloed bly.
| 8 Dit is, dubbel so lank as wanneer sy ’n seuntjie gebaar het; soos sy ook dubbel so lank uit die heiligdom moes bly, dit is, ses-en-sestig dae.
9 Dit is, soos wanneer sy van die mense afgesonder word as gevolg van haar maandstonde. Sien vers 2 se kanttekening. |
En as die dae van haar reiniging in die geval van ’n seun of ’n dogter verby is, moet sy ’n jaaroud lam as brandoffer en ’n jong duif of tortelduif as sondoffer bring na die ingang van die tent van samekoms, na die priester toe;
dié moet dit offer voor die aangesig van die HERE en vir haar versoening doen; dan sal sy rein wees van haar bloedvloeiing. Dit is die wet van haar wat baar, in die geval van ’n seun of ’n dogter.
Maar 10as sy 11’n lam nie kan bekostig nie, moet sy twee tortelduiwe of twee jong duiwe neem, een as brandoffer en een as 12sondoffer; en die priester moet vir haar versoening doen; dan sal sy rein wees.
| 10 Dit is, indien sy nie die vermoë of middele het om soveel te bekostig nie. Sien ’n soortgelyke manier van spreek in Lev. 25:26. Die moeder van die Here was ook so arm dat sy nie die middele gehad het om ’n lammetjie te offer nie, Luk. 2:24.
11 Hebr. genoegsaamheid van ’n lam. 12 Hierdie offer het eintlik gesien op die erfsonde, waarin beide, die moeder en haar vrug, ontvang en gebore was. Niemand is van erfsonde uitgesluit nie, behalwe onse Here Jesus Christus. |