Voorskrifte omtrent die skuld- en dankoffers.

EN dit is die wet ¹van die skuldoffer: dit is ²hoogheilig.

³Op die plek waar ⁴hulle die ⁵brandoffer slag, moet hulle die skuldoffer slag, en ⁶hy moet die bloed rondom teen die altaar uitgooi.

En hy moet al die vet daarvan offer: die vetstert en die vet wat oor die binnegoed lê,

en die twee niere en die vet daarop wat aan die lendene is, en die lap aan die lewer — ⁷by die niere moet hy dit wegneem.

En die priester moet dit op die altaar aan die brand steek as vuuroffer aan die HERE; dit is ’n skuldoffer.

Almal wat manlik is onder die priesters, mag dit eet. ⁸Op ’n heilige plek moet dit geëet word; dit is hoogheilig.

Soos die sondoffer, so die skuldoffer; een wet geld vir hulle — die priester ⁹wat daardeur versoening doen, aan hom kom ¹⁰dit toe.

En die priester wat die brandoffer van iemand bring — die vel van die brandoffer wat hy gebring het, aan die priester, aan hom kom dit toe.

En elke spysoffer wat in die oond gebak word, en alles wat in die pan of op die bakplaat berei is, aan die priester wat dit offer, aan hom kom dit toe.

En elke spysoffer, met olie gemeng of ¹¹droog, aan al die seuns van Aäron kom dit toe, ¹²aan die een so goed as aan die ander.

En dit is die wet ¹³van die dankoffer wat hulle aan die HERE bring:

Ingeval hy dit as ^a14lofoffer bring, moet hy by die lofoffer bring: ongesuurde koeke met olie gemeng en ongesuurde platkoeke met olie bestryk en fynmeel wat as koeke ¹⁵deurmekaargeroer is, met olie gemeng;

saam met koeke van gesuurde brood moet hy sy offergawe by sy lofdankoffer bring.

En hy moet daarvan, ¹⁶een koek van elke gawe, as ¹⁷offergawe aan die HERE bring; aan die priester wat die bloed van die dankoffer uitgooi, aan hom kom ¹⁸dit toe.

Maar die vleis van sy lofdankoffer moet geëet word op die dag ¹⁹as hy dit bring; daarvan mag hy niks tot die môre laat lê nie.

En as die offer wat hy bring, ’n ²⁰gelofte of ²¹vrywillige offer is, moet dit geëet word ^bop die dag as hy sy offer bring; en op die volgende dag, dan kan geëet word wat daarvan oorbly.

Maar wat van die offervleis oorgebly het, moet op die derde dag met vuur verbrand word.

En as daar van die vleis van sy dankoffer op die derde dag ²²iets geëet word, sal dit vir hom wat dit bring, nie ²³met welgevalle aangeneem word nie; dit sal hom nie ²⁴toegereken word nie; ²⁵’n onrein iets sal dit wees, en ²⁶diegene wat daarvan eet, moet sy ²⁷ongeregtigheid dra.

En ²⁸die vleis wat aan iets onreins raak, mag nie geëet word nie; met vuur moet dit verbrand word. Maar wat verder ²⁹die vleis betref — ³⁰elkeen wat rein is, mag vleis eet.

Maar die een wat vleis ^ceet van die dankoffer wat die HERE toekom, terwyl sy ³¹onreinheid aan hom is, dié siel moet ³²uit sy volksgenote uitgeroei word.

En as iemand aan iets onreins raak, aan die onreinheid van ’n mens of aan ’n onrein dier of aan enige onrein ³³verfoeisel, en dan eet van die vleis van die dankoffer wat die HERE toekom, dié siel moet uit sy volksgenote uitgeroei word.

Die verbod om vet of bloed te eet.

VERDER het die HERE met Moses gespreek en gesê:

Spreek met die kinders van Israel en sê: ³⁴Géén vet van ’n bees of skaap of bok mag julle eet nie.

Maar die vet van aas en die vet van wat verskeur is, kan vir ³⁵allerhande werk ³⁶gebruik word, maar jy mag ³⁷niks daarvan eet nie.

Want elkeen wat vet eet van die vee waarvan hulle aan die HERE ’n vuuroffer bring, diegene wat dit eet, moet uit sy volksgenote uitgeroei word.

^dOok mag julle géén bloed van voëls of van vee in enigeen van julle woonplekke eet nie.

Elkeen wat maar enigsins bloed eet, dié siel moet uit sy volksgenote uitgeroei word.

Verder het die HERE met Moses gespreek en gesê:

Spreek met die kinders van Israel en sê: Hy wat aan die HERE sy dankoffer bring, ³⁸moet self aan die HERE die gawe ³⁹uit sy dankoffer bring;

sy hande moet die vuuroffers van die HERE bring: die vet met die bors moet hy bring; die bors, ^eom dit as ⁴⁰beweegoffer voor die aangesig van die HERE te beweeg.

En die priester moet die vet op die altaar aan die brand steek, maar die bors kom Aäron en sy seuns toe.

Julle moet ook die regterboud aan die priester as hefoffer gee uit julle dankoffers.

Hy wat uit die seuns van Aäron die bloed van die dankoffers en die vet offer, aan hom kom die ⁴¹regterboud as deel toe.

Want ^fdie ⁴²beweegbors en die ⁴³hefboud het Ek van die kinders van Israel uit hulle dankoffers geneem en dit aan Aäron, die priester, en aan sy seuns gegee as ’n deel wat hulle ⁴⁴vir ewig toekom van die kant van die kinders van Israel.

Dit is ⁴⁵die aandeel van Aäron en die aandeel van sy seuns uit die vuuroffers van die HERE, ⁴⁶op die dag toe ⁴⁷Hy hulle laat nader kom het om die priesteramp vir die HERE te bedien —

⁴⁸wat die HERE beveel het om hulle te gee van die kant van die kinders van Israel, op die dag toe Hy hulle gesalf het. Dit is ’n ewige insetting vir hulle geslagte.

Dit is die wet vir die brandoffer, die spysoffer en die sondoffer en die skuldoffer en die ⁴⁹wydingsoffer en die dankoffer

wat die HERE Moses by die berg Sinai beveel het, op die dag toe hy die kinders van Israel in die woestyn Sinai beveel het om hulle offers aan die HERE te bring.