Oor die struikelblokke. Oor die vergifnis van belediginge en die krag van die wet. Die nuttelose dienskneg.

EN^a Hy het vir sy dissipels gesê: Dit is onvermydelik dat die struikelblokke kom, maar wee hom deur wie hulle kom.

Dit is ¹beter vir hom as ’n meulsteen aan sy nek gehang en hy in die see gegooi word, as dat hy een van hierdie ²kleintjies sou laat struikel.

Pas op vir julleself. ^bEn as jou broeder teen jou sondig, bestraf hom; en ³as hy berou kry, vergewe hom.

^cEn as hy ⁴sewe maal op ’n dag teen jou sondig en sewe maal op ’n dag na jou terugkom en sê: Ek het berou — moet jy hom vergewe.

Toe het die apostels aan die Here gesê: Gee ons meer geloof.

En die Here sê: ^dAs julle geloof gehad het ⁵soos ’n mosterdsaad, sou julle vir hierdie ⁶moerbeiboom sê: Word ⁷ontwortel en in die see geplant — en hy sou julle gehoorsaam wees.

En wie is daar van julle wat ’n ⁸dienskneg het wat ploeg of vee oppas, en as hy inkom van die veld vir hom sal sê: Kom dadelik hier aan tafel?

Sal hy nie eerder vir hom sê nie: Maak vir my die aandete klaar en ⁹omgord jou en bedien my totdat ek geëet en gedrink het; en daarna kan jy eet en drink?

¹⁰Bedank hy daardie dienskneg, omdat hy gedoen het wat hom beveel is? Ek glo nie.

So ook julle, wanneer julle alles gedoen het wat julle beveel is, sê dan: Ons is ¹¹onverdienstelike diensknegte, want ons het gedoen wat ons verplig was om te doen.

Genesing van tien melaatses.

EN op sy reis na Jerusalem het Hy deur ¹²Samaría en Galiléa gegaan.

En toe Hy in ’n sekere dorp ingaan, kom tien melaatse manne Hom tegemoet, wat ¹³op ’n afstand bly staan het.

En hulle het hul stem verhef en gesê: Jesus, ¹⁴Meester, wees ons barmhartig!

En toe Hy hulle sien, sê Hy vir hulle: Gaan ¹⁵vertoon julle ^eaan die priesters. En onderwyl hulle weggaan, het hulle rein geword.

En een van hulle, toe hy sien dat hy gesond was, het omgedraai en God met ’n groot stem verheerlik.

En hy het op sy aangesig neergeval by sy voete en Hom gedank. En hy was ’n Samaritaan.

Toe antwoord Jesus en sê: Het tien nie rein geword nie? En waar is die nege?

Was daar niemand onder hulle te vinde wat omgedraai het om God te verheerlik behalwe hierdie ¹⁶vreemdeling nie?

En Hy sê vir hom: Staan op en gaan; jou geloof het jou gered.

Oor die skielike koms van die koninkryk van God.

EN toe Hy deur die Fariseërs gevra is wanneer die koninkryk van God sal kom, het Hy hulle geantwoord en gesê: Die koninkryk van God kom nie ¹⁷met sigbare tekens nie.

En hulle sal nie sê: ^fKyk hier! of: Kyk daar! nie; want die koninkryk van God is ¹⁸binne-in julle.

En Hy sê vir sy dissipels: Daar sal dae kom wanneer julle sal begeer om ¹⁹een van die dae van die Seun van die mens te sien, en julle sal dit nie sien nie.

^gEn hulle sal vir julle sê: Kyk hier! of: Kyk daar! Moenie gaan nie en moenie agterna loop nie.

Want soos die weerlig wat van die een kant onder die hemel blits en tot by die ander kant onder die hemel skyn, so sal die Seun van die mens ook ²⁰in sy dag wees.

^hMaar eers moet Hy baie ly en deur ²¹hierdie geslag ²²verwerp word.

ⁱEn soos dit gebeur het in die dae van Noag, so sal dit ook wees in die dae van die Seun van die mens:

²³hulle het geëet en gedrink, ²⁴hulle het getrou en ²⁵is in die huwelik gegee tot op die dag dat Noag in die ark ingegaan het, en die sondvloed gekom en almal vernietig het.

Net soos dit ook gebeur het in die dae van Lot: hulle het geëet en gedrink, gekoop en verkoop, hulle het geplant en gebou.

^kMaar op die dag toe Lot van Sodom uitgaan, het vuur en swawel van die hemel af gereën en almal vernietig.

Net so sal dit wees ²⁶in die dag wanneer die Seun van die mens geopenbaar word.

In daardie dag moet hy wat op die dak sal wees, terwyl ²⁷sy huisraad in die huis is, nie afkom om dit weg te neem nie; en so ook moet hy wat op die land sal wees, nie omdraai na wat agter is nie.

^l28Dink aan die vrou van Lot!

^mElkeen wat probeer om sy ²⁹lewe te red, sal dít verloor; en elkeen wat dit verloor, sal dit ³⁰behou.

ⁿEk sê vir julle: In daardie ³¹nag sal daar twee op een bed wees; die een sal ³²aangeneem en die ander ³³verlaat word.

Twee vroue sal saam ³⁴maal; die een sal aangeneem en die ander verlaat word.

Twee sal op die land wees; die een sal aangeneem en die ander verlaat word.

En hulle antwoord en sê vir Hom: Waar, Here? En Hy sê vir hulle: ^o35Waar die liggaam lê, daar sal die aasvoëls saamkom.