Jesus voor Pilatus.

(Matt. 27:1, 2, 11-31 en ooreenk. pl.)

EN ^adadelik, vroeg in die môre, het die owerpriesters saam met die ouderlinge en skrifgeleerdes en die hele Raad ’n besluit geneem; en nadat hulle Jesus geboei het, het hulle Hom weggelei en ^baan Pilatus ¹oorgelewer.

^cEn Pilatus het Hom gevra: Is U die Koning van die Jode? En Hy het geantwoord en vir hom gesê: ²U sê dit.

En die owerpriesters het baie beskuldiginge teen Hom ingebring.³

^dEn Pilatus het Hom weer gevra en gesê: Antwoord U niks nie? Kyk hoe baie getuienisse hulle teen U inbring.

Maar Jesus het ⁴niks meer geantwoord nie, sodat Pilatus hom verwonder het.

^eEn ⁵op die fees was hy gewoond om een gevangene, die een wat hulle gevra het, vir hulle los te laat.

^fEn daar was ’n sekere Barábbas wat met mede-oproermakers in die gevangenis was; en hulle het in die opstand ’n moord begaan.

En die skare het geskreeu en begin vra dat hy vir hulle sou doen ⁶soos altyd.

Toe antwoord Pilatus en sê vir hulle: Wil julle hê dat ek vir julle die Koning van die Jode moet loslaat?

Want hy het geweet dat die owerpriesters Hom uit nydigheid oorgelewer het.

^gMaar die owerpriesters het die skare aangehits dat hy liewer Barábbas vir hulle moes loslaat.

Toe antwoord Pilatus weer en sê vir hulle: Wat wil julle dan hê moet ek doen met Hom wat julle Koning van die Jode noem?

En hulle skreeu weer: Kruisig Hom!

Maar Pilatus sê vir hulle: Watter kwaad het Hy dan gedoen? Hulle skreeu toe nog harder: Kruisig Hom!

^hEn omdat Pilatus aan die skare hulle sin wou gee, het hy Barábbas vir hulle losgelaat; en nadat hy Jesus laat gésel het, het hy Hom ⁷oorgelewer om gekruisig te word.

ⁱToe lei die soldate Hom weg in die binneplaas, dit is ⁸die goewerneur se paleis, en hulle roep die hele leërafdeling bymekaar

en ⁹trek Hom ’n purperkleed aan en vleg ’n kroon van dorings en sit dit vir Hom op;

en hulle begin Hom begroet: Wees gegroet, Koning van die Jode!

En hulle slaan Hom met ’n riet op die hoof en spuug op Hom en val op die knieë en ¹⁰bring Hom hulde.

En toe hulle Hom bespot het, trek hulle Hom die purperkleed uit en trek Hom sy eie klere aan; en hulle lei Hom weg om Hom te kruisig.

Die kruisiging.

(Matt. 27:32-56 en ooreenk. pl.)

^kEN hulle het ’n sekere Simon van Ciréne wat van die veld af gekom het, die vader van ¹¹Alexander en Rufus, gedwing om ¹²sy kruis te dra.

^lEn hulle het Hom gebring op die plek Gólgota, dit is, as dit vertaal word: ¹³Plek van die Hoofskedel.

Toe gee hulle Hom ¹⁴wyn met mirre gemeng om te drink, maar Hy het dit nie geneem nie.

^mEn nadat hulle Hom gekruisig het, ⁿhet hulle sy klere verdeel deur die lot te werp oor wat elkeen ¹⁵moes kry.

En dit was ¹⁶die derde uur toe hulle Hom gekruisig het.

^oEn die opskrif van sy beskuldiging was bokant Hom geskrywe: DIE KONING VAN DIE JODE.

Hulle het ook twee rowers saam met Hom gekruisig, een aan sy regter- en een aan sy linkerkant.

^pEn die Skrif is vervul wat sê: En Hy is by die misdadigers gereken.

^qEn die verbygangers het Hom gesmaad, terwyl hulle hul hoof skud en sê: Ha, ^rU wat die tempel afbreek en in drie dae opbou,

verlos Uself en kom af van die kruis!

En so het ook die owerpriesters saam met die skrifgeleerdes gespot en vir mekaar gesê: Ander het Hy verlos, ¹⁷Homself kan Hy nie verlos nie.

Laat die Christus, die Koning van Israel, nou van die kruis afkom, sodat ons kan sien en glo! Ook ¹⁸die wat saam met Hom gekruisig is, het Hom beledig.

^sEn toe dit die sesde uur was, kom daar ¹⁹duisternis oor die hele aarde tot die negende uur toe.

En die negende uur het Jesus met ’n groot stem uitgeroep en gesê: ^tEloï, Eloï, lamma sabagtáni? wat, as dit vertaal word, beteken: My God, my God, waarom het U My verlaat?

En sommige van die wat daar staan, hoor dit en sê: Kyk, Hy roep na Elía.

^vToe hardloop een en maak ’n spons vol asyn en ²⁰sit dit op ’n riet en laat Hom drink; en hy sê: Wag, laat ons sien of Elía kom om Hom af te haal.

Maar Jesus het met ’n groot stem geroep en die laaste asem uitgeblaas.

^xEn ²¹die voorhangsel van die tempel het in twee geskeur van bo tot onder.

^yEn toe die hoofman oor honderd wat daar reg voor Hom staan, ²²sien dat Hy so uitgeroep en die laaste asem uitgeblaas het, sê hy: Waarlik, Hy was die Seun van God.

^zEn daar was ook vroue wat ^avan ver af dit aanskou het. Onder hulle was Maria Magdaléna ook, en ²³Maria, die moeder van Jakobus, ²⁴die kleine, en van Joses, en ²⁵Salóme —

hulle wat Hom gevolg en ^bHom gedien het toe Hy in Galiléa was — en baie ander vroue wat saam met Hom opgegaan het na Jerusalem.

Die begrafnis.

(Matt. 27:57-66 en ooreenk. pl.)

^cEN toe dit ²⁶aand geword het, omdat dit ²⁷die voorbereiding was, dit is die voorsabbat,

kom daar ’n vername raadslid, Josef van Arimathéa, wat self ook ²⁸die koninkryk van God verwag het; en hy waag dit om na Pilatus in te gaan en die liggaam van Jesus te vra.

En Pilatus was verwonderd ²⁹dat Hy al dood was, en hy het die hoofman oor honderd geroep en hom gevra of Hy al lank dood was.

En toe hy dit van die hoofman oor honderd verneem het, het hy die liggaam aan Josef geskenk.

En hy het linne gekoop, en Hom afgehaal en in die linne toegedraai, en Hom ^dneergelê in ’n graf wat in ’n rots uitgekap was. En hy het ’n steen teen die opening van die graf gerol.

En ³⁰Maria Magdaléna en Maria, die moeder van Joses, het gesien waar Hy neergelê word.