Die bergpredikasie. Die saligsprekinge.

(Luk. 6:17-49.)

EN toe Hy die skare sien, het Hy op die berg geklim; en nadat Hy gaan sit het, het sy dissipels na Hom gekom;

en Hy het sy mond ¹geopen en hulle geleer en gesê:

^aSalig is die wat ²arm van gees is, want aan hulle behoort die koninkryk van die hemele.

^bSalig is die wat ³treur, want hulle sal vertroos word.

^cSalig is die sagmoediges, want hulle sal die aarde ⁴beërwe.

^dSalig is die wat ⁵honger en dors na die geregtigheid, want hulle sal versadig word.

Salig is die barmhartiges, want aan hulle sal barmhartigheid bewys word.

^eSalig is die wat ⁶rein van hart is, want hulle sal ⁷God sien.

Salig is die ⁸vredemakers, want hulle sal kinders van God ⁹genoem word.

^fSalig is die wat vervolg word ¹⁰ter wille van die geregtigheid, want aan hulle behoort die koninkryk van die hemele.

Salig is julle wanneer die mense julle beledig en vervolg en valslik ¹¹allerhande ¹²kwaad ¹³teen julle spreek ^gom My ontwil.

^hVerbly en verheug julle omdat julle ¹⁴loon ¹⁵groot is in die hemele; want so het hulle die profete vervolg wat ¹⁶voor julle gewees het.

Bergpredikasie (vervolg). Die sout van die aarde en die lig van die wêreld.

ⁱJULLE is die ¹⁷sout van die aarde, maar as die sout ¹⁸laf geword het, waarmee sal dit gesout word? Dit deug nêrens meer voor as om buite gegooi en deur die mense vertrap te word nie.

Julle is die ¹⁹lig van die wêreld. ’n Stad wat bo-op ’n berg lê, kan nie weggesteek word nie;

^ken ’n mens steek ook nie ’n lamp op en sit dit onder die maatemmer nie, maar op die staander, en dit skyn vir almal wat in die huis is.

^lLaat julle lig só skyn voor die mense, dat hulle julle goeie werke kan sien en julle Vader wat in die hemele is, ²⁰verheerlik.

Die bergpredikasie (vervolg). Die vervulling van die wet en die profete.

MOENIE dink dat Ek gekom het om ²¹die wet of die profete te ontbind nie. Ek het nie gekom om te ontbind nie, maar om te ²²vervul.

Want voorwaar Ek sê vir julle, ^mvoordat die hemel en die aarde ²³verbygaan, sal nie een ²⁴jota of een ²⁵titteltjie van die wet ooit verbygaan totdat alles gebeur het nie.

ⁿElkeen dus wat een van die minste van hierdie gebooie breek en die mense só leer, ²⁶sal die minste genoem word in die koninkryk van die hemele; maar elkeen wat dit doen en leer, hy sal groot genoem word in die koninkryk van die hemele.

Want Ek sê vir julle dat, as julle geregtigheid nie oorvloediger is as dié van die skrifgeleerdes en Fariseërs nie, julle nooit in die koninkryk van die hemele sal ingaan nie.

Julle het gehoor dat ²⁷aan die mense van die ou tyd gesê is: ^oJy mag nie doodslaan nie, maar elkeen wat doodslaan, moet ²⁸verantwoording doen voor die ²⁹gereg.

Maar Ek sê vir julle dat elkeen wat vir sy broeder ³⁰sonder rede kwaad is, verantwoording moet doen voor die gereg; en elkeen wat vir sy broeder sê: ³¹Raka! moet verantwoording doen voor die ³²Groot Raad; en elkeen wat sê: Jou dwaas! moet verantwoording doen ³³in die helse vuur.

As jy dan jou gawe na die ³⁴altaar bring en dit jou daar byval dat jou broeder iets teen jou het,

laat jou gawe daar voor die altaar bly en gaan versoen jou eers met jou broeder, en kom dan en bring jou gawe.

^pWees gou ³⁵goedgesind teenoor jou teëparty so lank as jy nog saam met hom op die pad is, sodat die teëparty jou nie miskien oorgee aan die regter en die regter jou oorgee aan die geregsdienaar en jy in die gevangenis gewerp word nie.

Voorwaar Ek sê vir jou, jy sal daar sekerlik nie uitkom voordat jy die laaste ³⁶oortjie betaal het nie.

Julle het gehoor dat aan die mense van die ou tyd gesê is: ^qJy mag nie egbreek nie.

Maar Ek sê vir julle dat elkeen wat ^rna ’n vrou kyk om haar ³⁷te begeer, reeds in sy hart met haar egbreuk gepleeg het.

^sAs jou ³⁸regteroog jou dan ³⁹laat struikel, ⁴⁰ruk dit uit en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.

En as jou regterhand jou laat struikel, kap dit af en gooi dit weg van jou af; want dit is vir jou beter dat een van jou lede vergaan en nie jou hele liggaam in die hel gewerp word nie.

Daar is ook gesê: ^tElkeen wat van sy vrou skei, moet haar ’n ⁴¹skeibrief gee.

^vMaar Ek sê vir julle dat elkeen wat van sy vrou skei, behalwe omrede van hoerery, maak dat sy egbreuk pleeg, en elkeen wat die geskeie vrou trou, pleeg egbreuk.

Verder het julle gehoor dat aan die mense van die ou tyd gesê is: ^xJy mag nie ⁴²vals sweer nie, maar jy moet ⁴³jou ede aan die Here hou.

Maar Ek sê vir julle: ^ySweer ⁴⁴hoegenaamd nie — nie by die hemel nie, omdat dit die troon van God is;

ook nie by die aarde nie, ^zomdat dit die voetbank van sy voete is; ook nie by Jerusalem nie, ^aomdat dit die stad is van die groot Koning;

ook by jou hoof mag jy nie sweer nie, omdat jy nie een haar wit of swart kan maak nie.

Maar laat julle woord wees: ⁴⁵Ja ja, nee nee. Wat ⁴⁶meer as dit is, is uit die Bose.

Julle het gehoor dat daar ^bgesê is: ⁴⁷Oog vir oog en tand vir tand.

Maar Ek sê vir julle ^cdat julle ’n slegte mens nie moet weerstaan nie; maar as iemand jou op jou regterwang slaan, ⁴⁸draai ook die ander een na hom toe.

En hy wat met jou na die gereg wil gaan en jou onderkleed wil neem, laat hom ook die bo-kleed kry.

En elkeen wat van jou een myl ⁴⁹afdwing, loop met hom twee myl saam.

^dGee aan hom wat jou iets ⁵⁰vra, en wys hom nie af wat van jou wil leen nie.

Julle het gehoor dat daar gesê is: ^eJy moet jou naaste liefhê en ⁵¹jou vyand moet jy haat.

Maar Ek sê vir julle: ^fJulle moet jul vyande liefhê; seën die wat vir julle vervloek, doen goed aan die wat vir julle haat, en ^gbid vir die wat julle ⁵²beledig en julle vervolg;

sodat julle kinders kan ⁵³word van julle Vader wat in die hemele is; want Hy laat sy son opgaan oor slegtes en goeies, en Hy laat reën op regverdiges en onregverdiges.

^hWant as julle ⁵⁴liefhet die wat vir julle liefhet, watter loon het julle? Doen die tollenaars nie ook dieselfde nie?

En as julle net jul broeders ⁵⁵groet, wat besonders doen julle dan? Doen die tollenaars nie ook so nie?

Wees julle dan volmaak soos julle Vader in die hemele volmaak is.