Instelling van die paasfees.

EN die HERE ¹het met Moses en Aäron in Egipteland gespreek en gesê:

²Hierdie maand moet vir julle ³die begin van die maande wees; dit moet vir julle ⁴die eerste van die maande van die jaar wees.

Spreek tot die hele vergadering van Israel en sê: Op die tiende van hierdie maand moet hulle elkeen ⁵’n lam neem ⁶volgens die families, ’n lam vir ’n huisgesin.

Maar as ’n huisgesin te ⁷klein is vir ’n lam, dan moet ⁸hy en sy buurman wat die naaste aan sy huis is, dit neem volgens die ⁹sieletal; na wat ¹⁰elkeen gewoond is om te eet, moet julle die getal ¹¹op die lam bereken.

^aJulle moet ’n lam hê ¹²sonder gebrek, ’n ¹³jaaroud rammetjie. Van die skape of van die bokke kan julle dit neem.

¹⁴En julle moet dit in bewaring hou tot die veertiende dag van hierdie maand; en die hele vergadering van die gemeente van Israel moet dit slag ¹⁵teen die aand.

En hulle moet van ¹⁶die bloed neem en dit ¹⁷stryk aan die twee deurposte en aan die bo-drumpel, aan die huise waarin hulle dit eet.

^bEn hulle moet die vleis in dieselfde nag eet, oor die vuur gebraai; ¹⁸saam met ongesuurde brode moet hulle dit ¹⁹met bitter kruie eet.

Julle moet daarvan nie eet as dit ²⁰rou is en as dit ²¹in water gaar gekook is nie, maar oor die vuur gebraai, die kop en pootjies saam met die binnegoed.

Julle mag daar ook niks van laat oorbly tot die môre toe nie; maar wat daarvan tot die môre oorbly, ²²moet julle met vuur verbrand.

²³En só moet julle dit eet: ²⁴Julle heupe moet omgord wees, julle skoene aan jul voete en julle staf in jul hand; baie haastig moet julle dit eet. ’n ²⁵Pasga van die HERE is dit.

Want ²⁶Ek sal in hierdie nag deur Egipteland trek en ²⁷al die eersgeborenes in Egipteland tref, van mense sowel as van diere. En Ek sal strafgerigte oefen aan ²⁸al die gode van Egipte, Ek, die HERE.

Maar ²⁹die bloed sal vir julle ³⁰’n teken wees aan die huise waarin julle is: as Ek die bloed sien, sal Ek by julle verbygaan. En daar sal geen verderflike plaag onder julle wees wanneer Ek ³¹Egipteland tref nie.

^cEn hierdie dag moet vir julle ³²’n gedenkdag wees, en julle moet dit as ’n fees tot eer van die HERE vier. Julle moet dit in julle geslagte ³³as ’n ewige insetting vier.

³⁴Sewe dae lank moet julle ongesuurde brode eet; alreeds op die eerste dag moet julle die suurdeeg uit julle huise ³⁵verwyder. Want elkeen wat gesuurde brood eet, van die eerste dag af tot die sewende toe, ³⁶dié siel ³⁷moet uit Israel uitgeroei word.

En op die eerste dag moet daar ³⁸’n heilige samekoms wees; ook op die sewende dag moet daar vir julle ’n heilige samekoms wees. Daar mag géén werk op dié dae gedoen word nie; ³⁹net wat deur elkeen geëet moet word, dit alleen mag deur julle berei word.

Onderhou dan die ongesuurde ⁴⁰brode, want op daardie selfde dag het Ek julle leërs uit Egipteland uitgelei. Daarom moet julle hierdie dag in julle geslagte as ’n ewige insetting hou.

^dIn die eerste maand, op die veertiende dag van die maand, in die aand, moet julle ongesuurde brode eet, tot op die een-en-twintigste dag van die maand, in die aand.

⁴¹Sewe dae lank mag daar geen suurdeeg in julle huise gevind word nie. Want elkeen wat iets eet met suurdeeg in, dié siel moet uit die vergadering van Israel uitgeroei word, ⁴²of hy al ’n vreemdeling is of ’n kind van die land.

Julle mag ⁴³niks eet met suurdeeg in nie. ^eIn al julle woonplekke moet julle ongesuurde brode eet.

Moses het toe al die oudstes van Israel laat roep en aan hulle gesê: ⁴⁴Gaan haal vir julle ⁴⁵kleinvee vir julle families ^fen slag ⁴⁶die pasga.

En ⁴⁷neem ’n bossie ⁴⁸hisop en steek dit in die bloed wat in die skottel is, en ⁴⁹stryk aan die bo-drumpel en aan die twee deurposte van die bloed wat in die skottel is. Maar niemand van julle mag uit die deur van sy huis uitgaan tot die môre toe nie.

Want die HERE sal deurtrek om ⁵⁰die Egiptenaars swaar te tref. Maar wanneer Hy die bloed sien aan die bo-drumpel en aan die twee deurposte, sal die HERE by die deur ⁵¹verbygaan ^gen die ⁵²verderwer nie toelaat om in julle huise in te gaan om te slaan nie.

Onderhou dan ⁵³hierdie saak as ’n insetting vir jou en jou kinders ⁵⁴tot in ewigheid.

En as julle ⁵⁵in die land kom wat die HERE aan julle sal gee soos Hy beloof het, moet julle hierdie ⁵⁶diens onderhou.

^hEn as julle kinders julle vra: ⁵⁷Wat beteken die diens daar?

dan moet julle sê: ⁵⁸Dit is ’n paasoffer aan die HERE, wat by die huise van die kinders van Israel in Egipte verbygegaan het, toe Hy die Egiptenaars getref maar ons huise gered het. Toe het die volk in aanbidding neergebuig.

ⁱEn die kinders van Israel het gegaan en dit gedoen. Soos die HERE Moses en Aäron beveel het, so het hulle gedoen.

^kEn middernag het die HERE ⁵⁹al die eersgeborenes in Egipteland getref, van die eersgeborene van Farao af wat op sy troon gesit het, ⁶⁰tot die eersgeborene van die gevangene toe ⁶¹wat in die gevangenis was, en al die eersgeborenes van die diere.

^lToe staan Farao in die nag op, hy en al sy dienaars en al die Egiptenaars, en daar was ’n groot gejammer in Egipte, want daar was geen huis waar geen dooie in was nie.

⁶²Daarop het hy Moses en Aäron in die nag laat roep en gesê: Maak julle klaar, trek weg onder my volk uit, julle sowel as die kinders van Israel, en gaan dien die HERE ⁶³soos julle gespreek het.

Neem ook julle kleinvee en ⁶⁴julle beeste saam soos julle gespreek het, en gaan weg en ⁶⁵seën my ook.

En die Egiptenaars het by die volk sterk aangehou — om hulle gou uit die land uit te stuur. Want hulle het gesê: Ons ⁶⁶is almal dood!

Toe neem die volk hulle deeg voordat dit ingesuur was, met hulle bakskottels, in hulle mantels toegebind, op die skouers.

^mEn die kinders van Israel het gehandel volgens die woord van Moses: hulle het van die Egiptenaars silwergoed en goue goed en klere geëis;

en die HERE het aan die volk guns verleen in die oë van die Egiptenaars, en dié het hulle versoek ingewillig. So het hulle dan die Egiptenaars ⁶⁷berowe.

En die kinders van Israel het van ⁶⁸Raämses na ⁶⁹Sukkot weggetrek, omtrent ⁷⁰seshonderdduisend te voet, die manne buiten die ⁷¹kinders.

En ⁷²’n menigte mense van gemengde bloed het ook saam met hulle opgetrek, en kleinvee en beeste — ’n ⁷³groot hoeveelheid vee.

En hulle ⁷⁴het van die deeg wat hulle uit Egipte gebring het, ongesuurde koeke gebak; want dit was nie ingesuur nie, omdat hulle uit Egipte ⁷⁵uitgedryf is, sodat hulle nie kon vertoef nie en ook geen padkos vir hulle klaargemaak het nie.

ⁿEn die tyd wat die kinders van Israel in Egipte gewoon het, ⁷⁶was vierhonderd-en-dertig jaar.

En ná verloop van vierhonderd-en-dertig jaar, op daardie selfde dag, het al die leërskare van die HERE uit Egipteland uitgetrek.

⁷⁷Dit is ’n nag om plegtig onderhou te word tot eer van die HERE, omdat Hy hulle uit Egipteland uitgelei het. Dit is dié nag van die HERE om plegtig onderhou te word by al die kinders van Israel in hulle geslagte.

Die insetting van die pasga.

VERDER het die HERE aan Moses en Aäron gesê: Dit is die insetting van die pasga: Géén uitlander ⁷⁸mag daarvan eet nie.

Maar elke slaaf wat ’n man met geld gekoop het, ⁷⁹dié moet hy besny; dan kan hy daarvan eet.

Geen ⁸⁰vreemde inwoner of huurling ⁸¹mag daarvan eet nie.

⁸²In een huis moet dit geëet word; jy mag niks van die vleis uit die huis buitentoe bring nie; ^oen julle ⁸³mag geen been daarvan breek nie.

Die hele vergadering van Israel moet ⁸⁴dit hou.

En as ’n vreemdeling by jou vertoef en tot eer van die HERE die pasga ⁸⁵wil vier, moet by hom almal wat manlik is, besny word; en dan mag hy nader kom om dit te vier, en ⁸⁶hy sal soos ’n kind van die land wees. Maar géén onbesnedene mag daarvan eet nie.

Een wet moet geld vir die kind van die land en vir die vreemdeling wat onder julle vertoef.

En al die kinders van Israel het dit gedoen. Soos die HERE Moses en Aäron beveel het, so het hulle gedoen.

En op daardie selfde dag het die HERE die kinders van Israel, volgens hulle leërafdelings, uit Egipteland uitgelei.