Oorwinningslied van die Israeliete.

TOE het Moses en die kinders van Israel hierdie lied tot eer van die HERE gesing; en dit is wat hulle gesê het: ^aEk wil sing tot eer van die HERE, want Hy is ¹hoog verhewe. Die perd en sy ruiter het Hy in die see gewerp.

^bDie HERE is my krag en my ²psalm, en Hy het my tot ³heil geword. Hy is my God, Hom sal ek ⁴roem; die God van my vader, Hom sal ek verhef.

Die HERE is ’n krygsman; ⁵HERE is sy naam.

Hy het Farao se strydwaens en sy leërmag in die see gewerp. En sy beste vegsmanne het in die ⁶Skelfsee gesink.

^cDie ⁷watervloede het hulle oordek. Hulle het in die kolke gesink soos ’n klip.

^do HERE, u regterhand is verheerlik deur krag. U regterhand, o HERE, verpletter die vyand.

En ⁸in u grote hoogheid werp U ⁹diegene neer wat teen U opstaan. U stuur u toorngloed uit: ¹⁰dit verteer hulle soos ’n stoppel.

^eEn ¹¹deur die geblaas van u neus het die waters hulle opgestapel, die strome het bly staan soos ’n wal, die watervloede het ¹²styf geword ¹³in die hart van die see.

Die vyand het gesê: Ek sal agtervolg, inhaal, ¹⁴buit verdeel, ¹⁵my begeerte sal versadig word van hulle; ¹⁶ek sal my swaard trek, my hand sal hulle ¹⁷uitroei.

^fU het met u asem geblaas: die see het hulle oordek; soos lood het hulle gesink in die geweldige waters.

o HERE, wie is soos U onder die gode? Wie is soos U, ¹⁸verheerlik in heiligheid, ¹⁹gedug in roemryke dade, een wat wonders doen?

U het u regterhand uitgestrek, ²⁰die aarde het hulle verslind.

U het deur u guns die volk gelei wat U verlos het; U ^ghet hulle deur u krag na u ²¹heilige woning gevoer.

Die volke het dit gehoor, ²²hulle het gesidder; weë het die inwoners van Filistéa aangegryp.

^hToe is die stamhoofde van Edom verskrik, bewing het die magtiges van Moab aangegryp. Al die inwoners van Kanaän het gebewe.

ⁱVerskrikking en vrees het op hulle geval; deur die grootheid van u arm was hulle stom soos ’n klip, terwyl u volk deurtrek, HERE, terwyl die volk deurtrek wat U verwerf het.

U bring hulle in en plant hulle ²³op die bergland van u erfenis, die plek, o HERE, wat U as vaste woonplek vir U berei het, die heiligdom wat u hande gestig het, o Here!

Die HERE sal regeer ²⁴vir ewig en altoos.

Want Farao se perd, met sy strydwaens en sy ruiters, het in die see ingegaan, en die HERE het ²⁵die waters van die see oor hulle laat terugkom. Maar die kinders van Israel het binne-in die see op droë grond getrek.

En Mirjam, die profetes, ²⁶die suster van Aäron, het ’n tamboeryn in haar hand ^kgeneem; en al die vroue het uitgegaan agter haar aan, met tamboeryne en in koordanse.

En ²⁷Mirjam het ²⁸hulle al singende ²⁹geantwoord: Sing tot eer van die HERE, want ³⁰Hy is hoog verhewe. Hy het die perd met sy ruiter in die see gewerp.

Die water van Mara.

DAAROP het Moses die Israeliete laat wegtrek van die Skelfsee af, en hulle het uitgetrek na die woestyn ³¹Sur. Hulle het toe drie dae lank in die woestyn getrek en geen water gekry nie.

^lEn hulle het in ³²Mara gekom, maar kon die water van Mara nie drink nie, want dit was bitter. Daarom heet die plek Mara.

Toe ³³murmureer die volk teen Moses en sê: Wat moet ons drink?

En hy het die HERE aangeroep, en die HERE het hom ’n stuk hout gewys; dit het hy in die water gegooi, ³⁴en die water het soet geword. Daar het ³⁵Hy vir ³⁶hulle ’n insetting en verordening vasgestel en hulle daar beproef

en gesê: As jy ³⁷getrou na die stem van die HERE jou God luister en doen wat reg is in sy oë, en luister na sy gebooie en al sy insettinge hou, dan sal Ek geeneen van die siektes op jou lê wat Ek op Egipteland gelê het nie; want ³⁸Ek is die HERE wat jou gesond maak.

Daarop het hulle by Elim gekom, waar twaalf waterfonteine en sewentig palmbome was. En hulle het daar by die water laer opgeslaan.