Abraham tree op as voorbidder vir Sodom.

DAARNA het die HERE aan ¹hom verskyn by die ²terpentynbome van Mamre terwyl hy by die ingang van die tent sit op die warmste van die dag.

Toe hy sy oë opslaan en kyk, staan daar drie ³manne voor hom. En toe hy hulle sien, ^aloop hy hulle tegemoet van die ingang van die tent af en ⁴buig hom na die aarde toe.

En hy sê: ⁵My heer, ⁶as ek nou genade in ⁷u oë gevind het, gaan dan tog nie by u kneg verby nie.

Laat hulle tog ’n bietjie water ⁸bring, en ⁹was u voete, en lê en rus onder die boom.

En laat ek ’n stukkie ¹⁰brood gaan haal, en versterk u ¹¹hart — daarna kan u verder gaan — ¹²want daarom het u by u kneg aangekom. En hulle antwoord: Doen soos u gesê het.

Toe loop Abraham haastig in die tent na Sara en sê: Maak gou, knie drie ¹³mate meel, die beste, en maak ¹⁴roosterkoeke.

Daarop loop Abraham na die beeste en vang ’n jong, mooi ¹⁵kalf en gee dit aan die dienaar, wat dit gou klaargemaak het.

En hy neem dikmelk en soetmelk en die kalf wat hy klaargemaak het, en sit dit ¹⁶aan hulle voor, terwyl hy self by hulle onder die boom bly ¹⁷staan; en hulle het ¹⁸geëet.

Toe sê hulle vir hom: ¹⁹Waar is Sara, u vrou? En hy antwoord: Daar in die ²⁰tent.

En ²¹Hy sê: ^bEk sal ²²oor ’n jaar sekerlik ²³weer na jou toe kom — dan sal jou vrou Sara ’n seun hê. En Sara het geluister by die ingang van die tent wat ²⁴agter Hom was.

Maar Abraham en Sara was ^coud, ²⁵ver op hulle dae; dit het met Sara nie meer ²⁶volgens die reël van die vroue ²⁷gegaan nie.

En Sara het ²⁸by haarself ²⁹gelag en gedink: Sal ek wellus hê nadat ek oud geword het en ^dmy heer oud is?

Toe sê ³⁰die HERE vir Abraham: Waarom het Sara daar gelag en gedink: Sou ek ook werklik baar nou dat ek oud geword het?

^e31Sou iets vir die HERE te wonderbaar wees? ³²Hierdie tyd, oor ’n jaar, sal Ek na jou terugkom, en Sara sal ’n seun hê.

Maar Sara het dit ontken en gesê: Ek het nie gelag nie — want ³³sy was bang. Maar Hy sê: Nee, maar jy het gelag.

Toe staan die manne daarvandaan op, en hulle het gekyk na die kant van Sodom; en Abraham het saam met hulle gegaan ³⁴om hulle weg te bring.

Daarop sê die HERE: ^f35Sal Ek vir Abraham verberg wat Ek gaan doen,

terwyl Abraham tog sekerlik ’n groot en magtige nasie ³⁶sal word en ^gal die nasies van die aarde ³⁷in hom geseën sal word?

Want Ek het ³⁸hom verkies, ³⁹dat hy aan sy kinders en sy huis ná hom bevel sou gee dat hulle ⁴⁰die weg van die HERE moet hou ⁴¹om geregtigheid en reg te doen; sodat die HERE oor Abraham kan bring wat Hy oor hom gespreek het.

Verder het die HERE gesê: ⁴²Die geroep oor Sodom en Gomorra is waarlik groot, en hulle sonde is waarlik baie swaar.

Ek wil ⁴³neerdaal en sien ⁴⁴of hulle ⁴⁵werklik gehandel het soos ⁴⁶die geroep oor hulle is wat by My gekom het; en so nie, Ek wil dit weet.

Toe het ⁴⁷die manne daarvandaan weggedraai en na Sodom gegaan, maar Abraham het nog bly staan voor die aangesig van die HERE.

En Abraham het nader gekom en gesê: Sal U ook die regverdige saam met die goddelose ombring?

Miskien is daar vyftig regverdiges binne-in die stad; sal U hulle ook ombring en die plek nie spaar ter wille van die vyftig regverdiges wat daarin is nie?

⁴⁸Laat dit ver van U wees om so iets te doen: om die regverdige saam met die goddelose om te bring, sodat die regverdige gelyk is met die goddelose. Laat dit ver van U wees! Sal ⁴⁹die ^hRegter van die ganse aarde geen reg doen nie?

Toe sê die HERE: As Ek in Sodom vyftig regverdiges vind binne-in die stad, dan sal Ek die hele plek spaar om hulle ontwil.

En Abraham antwoord en sê: Kyk tog, ek het dit gewaag om met die Here te spreek alhoewel ⁵⁰ek stof en as is.

Miskien sal daar aan die vyftig regverdiges vyf ontbreek; sal U ter wille van vyf die hele stad verwoes? En Hy antwoord: Ek sal dit nie verwoes as Ek daar vyf-en-veertig vind nie.

En hy het nog verder met Hom gespreek en gesê: Miskien sal daar ⁵¹veertig gevind word. En Hy antwoord: Ek sal dit ter wille van die veertig nie doen nie.

Verder sê hy: ⁵²Laat die Here tog nie toornig wees nie, en mag ek nog iets sê. Miskien sal daar dertig gevind word. En Hy antwoord: Ek sal dit nie doen as Ek daar dertig vind nie.

Toe sê hy: Kyk tog, ek het dit gewaag om met die Here te spreek. Miskien sal daar twintig gevind word. En Hy antwoord: Ek sal dit ter wille van die twintig nie verwoes nie.

⁵³Toe sê hy: Laat die Here tog nie toornig wees nie en laat my net hierdie keer mag spreek. Miskien sal daar tien gevind word. En Hy antwoord: Ek sal dit ter wille van die tien nie verwoes nie.

En die HERE het weggegaan toe Hy opgehou het om met Abraham te spreek, en Abraham het na sy woonplek teruggekeer.