TOE gee ¹hy bevel aan die opsigter oor sy huis en sê: Maak die sakke van die manne vol met lewensmiddele soveel as hulle kan vervoer, en sit elkeen se geld bo in sy sak;

en my ²beker, die silwerbeker, moet jy bo in die ³jongste se sak sit saam ⁴met die geld vir sy koring. En hy het gehandel volgens die woord wat Josef gespreek het.

Toe dit die môre lig word, het hulle die manne laat trek, hulle met hul esels.

Hulle het uit die stad uitgetrek, hulle was nog nie ver nie toe Josef aan die opsigter oor sy huis sê: Maak jou klaar en jaag die manne agterna; en as jy hulle inhaal, vra hulle dan: Waarom het julle kwaad vir goed vergelde?

Is dit nie die ⁵ding waaruit my heer drink en ⁶waarmee hy altyd waarneem nie? Julle het verkeerd gehandel met wat julle gedoen het.

En hy het hulle ingehaal en ⁷hierdie woorde aan hulle meegedeel.

Toe ⁸sê hulle vir hom: Waarom spreek my heer ⁹sulke woorde? Dit is ver van u dienaars ¹⁰om so iets te doen.

Kyk, geld wat ons bo in ons sakke gevind het, het ons uit die land Kanaän aan u teruggebring — hoe sou ons dan silwer of goud uit die huis van u heer kan steel?

Dié een van u dienaars by wie dit gevind word, ¹¹moet sterwe; en ons sal ook my heer se slawe wees.

Toe sê hy: ¹²Nou goed, laat dit wees ¹³soos julle gesê het. Dié een by wie dit gevind word, is my slaaf. Maar júlle sal ¹⁴vry wees.

Daarop het hulle gou elkeen sy sak op die grond neergesit en elkeen sy sak oopgemaak.

En hy het gesoek; hy het ¹⁵begin by die oudste en opgehou by die jongste; en die beker is in Benjamin se sak gevind.

Toe ¹⁶skeur hulle hul klere, en elkeen laai sy esel, en hulle gaan na die stad terug.

En Juda het saam met sy broers in die huis van Josef gekom, terwyl ¹⁷hy nog daar was, en hulle het voor hom neergeval op die grond.

Daarop sê Josef vir hulle: Wat is dit nou wat julle gedoen het? Weet julle nie dat ’n man soos ek dit ongetwyfeld moet ¹⁸waarneem nie?

En Juda antwoord: Wat kan ons aan my heer sê? Wat kan ons spreek? En ¹⁹waarmee kan ons ons regverdig? God het die ongeregtigheid van u dienaars ²⁰uitgevind. Kyk, ons is my heer se slawe, ons sowel as hy ²¹by wie die beker gevind is.

Maar hy sê: Dit is ver van my om dit te doen; die man by wie die beker gevind is, dié sal my slaaf wees. Maar trek júlle in ²²vrede op na julle vader.

Toe kom Juda nader na hom en sê: ²³Ag, my heer, mag u dienaar tog ’n woord spreek voor die ore van my heer, en laat u toorn nie teen u dienaar ontvlam nie, want ²⁴u staan gelyk met Farao.

My heer het sy dienaars gevra en gesê: Het julle ’n vader of broer?

En ons het my heer geantwoord: Ons het ’n ou vader; en daar is ’n ²⁵jong seun, ’n kind ²⁶van die ouderdom, maar sy broer is dood; en hy het alleen oorgebly van sy moeder, en sy vader het hom lief.

Toe het u aan u dienaars gesê: ^aBring hom af na my toe, dat ek my oog op hom kan ²⁷rig.

En ons het my heer geantwoord: Die seun ²⁸kan sy vader nie verlaat nie, want sy vader sal sterwe as hy hom verlaat.

Daarop het u aan u dienaars gesê: ^bAs julle jongste broer nie saam met julle afkom nie, ²⁹sal julle my aangesig nie weer sien nie.

En toe ons na u dienaar, my vader, opgetrek het en hom die woorde van my heer te kenne gegee het,

het ons vader gesê: Gaan koop weer vir ons ’n bietjie voedsel.

Maar ons het gesê: Ons kan nie aftrek nie. As ons jongste broer by ons is, sal ons aftrek; want ons mag die aangesig van die man nie sien as ons jongste broer nie by ons is nie.

En u dienaar, my vader, het aan ons gesê: Júlle weet dat my ³⁰vrou vir my ³¹twee gebaar het —

die een het van my af weggegaan, ^cen ek het gesê: Voorwaar, hy is ³²verskeur, verskeur! En ek het hom tot hiertoe nie gesien nie.

As julle nou hierdie een ook van my af wegneem en hom ’n ongeluk oorkom, ^ddan sal julle my grys hare met droefenis ³³in die doderyk laat afdaal.

As ek dan nou by u dienaar, my vader, kom en die seun nie by ons is nie — terwyl ³⁴sy siel innig aan hom verkleef is —

sal hy sterwe as hy sien dat die seun daar nie is nie; en u dienaars sal die grys hare van u dienaar, ons vader, met kommer ³³in die doderyk laat afdaal.

Want ³⁵u dienaar het die seun deur borgskap ³⁶van my vader verkry deurdat hy gesê het: ^eAs ek hom nie na u bring nie, ³⁷sal ek lewenslank teenoor my vader skuldig staan.

³⁸Laat ³⁹u dienaar dan nou tog in die plek van die seun my heer se slaaf bly, en laat die seun saam met sy broers optrek.

Want hoe kan ek na my vader optrek as die seun nie by my is nie? Mag ek maar net die ellende nie aansien wat my vader sal ⁴⁰tref nie!