Verskeie skaduagtige en sedewette insake die godsdiens.

VERDER het die HERE met Moses gespreek en gesê:

Spreek met die hele vergadering van die kinders van Israel en sê vir hulle: ^a1Heilig moet julle wees, want Ek, die HERE julle God, is ²heilig.

^bElkeen moet sy ³moeder en sy vader vrees, en ^cmy sabbatte hou. ⁴Ek is die HERE julle God.

Begeef julle nie tot die ⁵afgode en maak vir ^djulle geen gegote gode nie. Ek is die HERE julle God.

En as julle ⁶’n dankoffer aan die HERE slag, moet julle dit so offer, ⁷dat julle welgevalle kan vind.

^eOp die dag as julle dit offer en die dag daarna, moet dit geëet word; maar wat tot die derde dag toe oorbly, moet met vuur verbrand word.

En as dit ⁸tog op die derde dag geëet word, ⁹sal dit ’n onrein ding wees; dit sal nie met welgevalle aangeneem word nie.

En hy wat dit eet, moet sy ¹⁰ongeregtigheid dra, want ¹¹wat heilig is aan die HERE, het hy ontheilig. Daarom ¹²moet dié siel uit sy volksgenote uitgeroei word.

^fEn as julle die opbrings van julle land oes, moet jy die kant van jou land nie heeltemal afoes en ¹³die are wat val, nie versamel nie.

Jou wingerd ¹⁴moet jy ook nie skoon afoes nie, en die trossies wat van jou wingerd val, nie versamel nie. Vir die arme en die vreemdeling moet jy dit laat oorbly. Ek is die HERE julle God.

^gJulle mag nie steel nie, en julle mag ¹⁵nie lieg nie, en julle mag die een die ander nie bedrieg nie.

^hEn julle mag nie vals sweer by my Naam en ¹⁶so die ¹⁷Naam van jou God ontheilig nie. Ek is die HERE.

Jy mag jou naaste nie verdruk of beroof nie. Die ⁱdagloner se ¹⁸loon mag by jou nie tot die môre toe bly nie.

Jy mag ’n dowe nie vloek nie, en voor die blinde geen ¹⁹struikelblok lê nie; maar jy moet jou God vrees. Ek is die HERE.

Julle mag geen onreg doen in die gereg nie. ^kJy mag vir die ²⁰geringe nie partydig wees nie en die ²¹aansienlike nie voortrek nie. Met geregtigheid moet jy oor jou naaste oordeel.

^lJy mag nie as ’n ²²kwaadspreker onder jou volksgenote ²³rondloop nie. Jy ²⁴mag nie teen die lewe van jou naaste optree nie. Ek is die HERE.

^mJy mag jou ²⁵broer in jou hart nie haat nie. ⁿJy moet jou naaste ²⁶vrymoedig berispe, ²⁷sodat jy om sy ontwil geen sonde op jou laai nie.

^oJy mag nie wraakgierig of haatdraend teenoor die kinders van jou volk wees nie, maar ^pjy moet jou naaste liefhê soos jouself. Ek is die HERE.

Julle moet my insettinge hou. Twee soorte van jou vee mag jy nie laat paar nie. ^qJou akker moet jy nie ²⁸met twee soorte saad besaai nie. En ’n kleed van ²⁹twee soorte goed, van gemengde stof, mag nie op jou kom nie.

En as ’n man ³⁰vleeslike gemeenskap het met ’n vrou wat ’n slavin is, vir ’n ³¹ander man ³²bestemd, sonder dat sy ³³ooit losgekoop of vryheid aan haar gegee is, dan moet daar ³⁴bestraffing plaasvind. Hulle mag nie gedood word nie, want sy was nie ³⁵vrygelaat nie.

En hy moet sy skuldoffer aan die HERE bring by die ingang van die tent van samekoms — ’n ram as skuldoffer;

en die priester moet met die skuldofferram vir hom versoening doen voor die aangesig van die HERE weens die sonde wat hy gedoen het; en hy sal vergifnis ontvang vir sy sonde wat hy gedoen het.

En as julle in die land inkom en allerhande vrugtebome plant, ³⁶moet julle hulle vrugte as verbode beskou; drie jaar lank moet hulle vir julle ³⁷verbode wees; daar mag nie van geëet word nie.

Maar in die vierde jaar moet al hulle vrugte ³⁸’n heilige feesgawe aan die HERE wees;

en in die vyfde jaar mag julle hulle vrugte eet —dit alles ³⁹om hulle opbrings vir julle meer te maak. Ek is die HERE julle God.

Julle mag niks met bloed en al eet nie. Julle mag nie ⁴⁰met verklaring van voortekens of ⁴¹goëlery omgaan nie.

^rJulle mag die rand van julle hoofhare nie rond wegskeer nie. Ook mag jy die rand van jou baard nie skend nie.

^sJulle mag ook ter wille van ’n ⁴²dooie geen snye in julle vlees maak nie en geen ingeprikte tekening in julle vel maak nie. Ek is die HERE.

Ontheilig jou dogter nie deur haar vir hoerery aan te hou nie, sodat die land nie hoereer en die land vol skandelike dade word nie.

Julle moet my sabbatte hou en my heiligdom ⁴³ontsien. Ek is die HERE.

^tBegeef julle nie tot die ⁴⁴geeste van afgestorwenes en die ⁴⁵geeste wat waarsê nie. Soek hulle nie om julle deur hulle te verontreinig nie. Ek is die HERE julle God.

Vir die grys hare moet jy opstaan, en die persoon van ’n grysaard eer; en jy moet jou God vrees. Ek is die HERE.

^vEn as ’n vreemdeling by jou in julle land vertoef, mag julle hom nie ⁴⁶verdruk nie.

Die vreemdeling wat by julle vertoef, moet vir julle wees soos ’n kind van die land wat onder julle is. En jy moet hom liefhê soos jouself, want julle was vreemdelinge in Egipteland. Ek is die HERE julle God.

Julle mag geen onreg doen in die gereg, in ⁴⁷lengtemaat, gewig of ⁴⁸inhoudsmaat nie.

^xJulle moet ’n regte weegskaal hê, regte ⁴⁹weegstene, ’n regte ⁵⁰efa en ’n regte ⁵¹hin. Ek is die HERE julle God wat julle uit Egipteland uitgelei het.

Daarom moet julle al my insettinge en al my verordeninge onderhou en dit doen. Ek is die HERE.