Straf vir verskillende misdade.

VERDER het die HERE met Moses gespreek en gesê:

Jy moet ook aan die kinders van Israel sê: ^a1Elkeen uit die kinders van Israel of uit die vreemdelinge wat in Israel vertoef, wat van sy kinders aan ²Molog gee, moet ³sekerlik gedood word. Die volk van die land moet hom stenig.

En Ek sal ⁴my aangesig teen dié man rig en ⁵sal hom uitroei onder sy volk uit; want hy het van sy kinders aan ⁶Molog gegee om ⁷my heiligdom te verontreinig en ⁸my heilige Naam te ontheilig.

En as die volk van die land hulle oë ⁹maar enigsins toemaak vir dié man as hy van sy kinders aan Molog gee, sodat hulle hom nie doodmaak nie,

dan sal Ek my aangesig rig teen dié man en sy ¹⁰geslag, en Ek sal hom en almal wat agter hom aan ¹¹hoereer om agter Molog aan te hoereer, uitroei onder hulle volk uit.

En as ’n persoon hom begewe tot die ^12bgeeste van afgestorwenes en die geeste wat waarsê om agter hulle aan te hoereer, sal Ek my aangesig teen dié persoon rig en hom uitroei onder sy volk uit.

^cToon dan dat julle ¹³heilig is en wees heilig, want Ek is die HERE julle God.

En onderhou my insettinge en doen dit. Ek is die HERE wat julle ¹⁴heilig.

^dWant ¹⁵elkeen wat sy vader of moeder vloek, moet sekerlik gedood word. Hy het sy vader of sy moeder gevloek. Sy ¹⁶bloedskuld ¹⁷is op hom.

^eEn as iemand owerspel doen met ’n man se vrou, owerspel doen met sy naaste se vrou, moet hy en sy wat owerspel doen, sekerlik gedood word.

^fEn as ’n man met sy vader se vrou gemeenskap het, het hy die skaamte van sy vader ontbloot. Hulle altwee moet sekerlik gedood word. Hulle bloedskuld is op hulle.

^gEn as ’n man met sy skoondogter gemeenskap het, moet hulle altwee sekerlik gedood word. Hulle het ’n ¹⁸gruwelike vermenging bewerk. Hulle bloedskuld is op hulle.

^hEn as ’n man met ’n manspersoon gemeenskap het ¹⁹soos ’n mens met’n vrou het, het hulle altwee iets gruweliks gedoen. ²⁰Hulle moet sekerlik gedood word. Hulle bloedskuld is op hulle.

ⁱEn as ’n man ’n vrou en haar moeder neem, is dit ’n skandelike daad; hulle moet hom en ²¹dié twee met vuur verbrand: daar mag geen bloedskande onder julle wees nie.

^kEn as ’n man vleeslike gemeenskap het met ’n dier, moet hy sekerlik gedood word, en die dier moet julle doodslaan.

En as ’n vrou naby enige dier kom om daarmee te doen te hê, moet jy die vrou en ²²die dier doodslaan. Hulle moet sekerlik gedood word. Hulle bloedskuld is op hulle.

^lEn as ’n man sy suster neem, sy vader se dogter of sy moeder se dogter, en hy haar skaamte sien en sy sy skaamte sien, is dit ’n ²³skande. Daarom moet hulle voor die oë van die kinders van hulle volk uitgeroei word. Hy het die skaamte van sy suster ontbloot; hy moet ²⁴sy ongeregtigheid dra.

^mEn as ’n man ²⁵met ’n vrou gemeenskap het wat onwel is, en haar skaamte ontbloot — hy het haar fontein ontbloot en sý die fontein van haar bloed — dan moet hulle altwee uitgeroei word onder hulle volk uit.

ⁿOok mag jy die skaamte van jou moeder se suster en van jou vader se suster nie ontbloot nie, want hy het sy bloedverwante ontbloot; hulle moet hul ongeregtigheid dra.

^oEn as ’n man met sy ²⁶tante gemeenskap het, het hy die skaamte van sy oom ontbloot. Hulle moet hul sonde dra; ²⁷sonder kinders sal hulle sterwe.

^pEn as ’n man sy broer se vrou neem, is dit ²⁸bloedskande. Hy het die skaamte van sy broer ontbloot; ²⁹sonder kinders sal hulle wees.

^qOnderhou dan al my insettinge en al my verordeninge en doen dit, dat die land waarheen Ek julle bring om daarin te woon, julle ³⁰nie uitspuug nie.

^rEn julle mag nie wandel in die insettinge van die nasie wat Ek voor julle uit verdrywe nie; want al hierdie dinge het hulle gedoen; daarom het Ek ’n afsku van hulle gekry.

En Ek het vir julle gesê: Júlle sal hulle land in besit neem, en Ék sal dit aan julle as besitting gee, ^s’n land ³¹wat oorloop van melk en heuning. Ek is die HERE julle God wat julle van die volke ³²afgesonder het.

^tDaarom moet julle ’n onderskeid maak tussen die rein en onrein diere, en tussen die onrein en rein voëls; en maak ³³julleself nie ’n gruwel deur diere of deur voëls of deur enigiets wat op die aarde roer nie — wat Ek vir julle afgesonder het deur dit onrein te verklaar.

En julle moet vir My heilig wees, want Ek, die HERE, is heilig; en Ek het julle van die volke afgesonder om myne te wees.

^vEn as daar in ’n man of vrou ’n ³⁴gees van ’n afgestorwene is of ’n gees wat waarsê, moet hulle sekerlik gedood word. Hulle moet gestenig word. Hulle bloedskuld is op hulle.