Levítikus 21
Wet oor die reinheid van die priesters.
VERDER het die HERE vir Moses gesê: Spreek met die priesters, die seuns van Aäron, en sê vir hulle: Aan 1’n dooie moet ’n priester hom nie 2verontreinig onder sy volksgenote nie;
behalwe aan sy 3bloedverwant, sy nabestaande: aan sy moeder en sy vader en sy seun en sy dogter en sy broer;
en aan sy suster wat jongmeisie is, sy 4nabestaande, wat nie aan ’n man toebehoort het nie — aan haar mag hy hom verontreinig.
Hy mag hom as 5getroude man nie verontreinig onder sy volksgenote om hom te ontheilig nie.
Hulle mag op hul hoof geen 6kaalte maak en die rand van hulle baard nie wegskeer en in hulle vlees geen insnyding maak nie.
Heilig moet hulle aan hulle God wees en 7die Naam van hulle God nie ontheilig nie; want hulle offer die vuuroffers van die HERE, 8die spys van hulle God; daarom moet hulle 9heilig wees.
Hulle mag geen vrou neem wat ’n hoer of ’n 10onteerde is nie; en ’n vrou wat deur haar man 11verstoot is, mag hulle nie neem nie; want hy is heilig aan sy God.
Daarom moet jy 12hom heilig hou, omdat hy die spys van jou God offer. Hy moet vir jou heilig wees, want heilig is Ek, die HERE wat julle 13heilig.
En as die dogter van ’n priester 14haar ontheilig om te hoereer, 15ontheilig sy haar vader; met vuur moet sy verbrand word.
En die 16priester wat die hoogste onder sy broers is, 17op wie se hoof die salfolie uitgegiet is en wat 18as priester aangestel is om 19die klere aan te trek — hy mag sy hare nie 20laat loshang en geen skeure in sy klere maak nie.
En hy mag by geen dooie kom nie, selfs 21aan sy vader en moeder hom nie verontreinig nie;
en hy mag uit die heiligdom 22nie uitgaan nie, sodat hy die heiligdom van sy God nie 23ontheilig nie, want die 24wyding van die salfolie van sy God is op hom. Ek is die HERE.
En hý moet ’n vrou in haar maagdelike staat neem.
’n Weduwee of 25een wat verstoot is of ’n onteerde, of ’n hoer — hulle moet hy nie neem nie; maar ’n jongmeisie uit sy volksgenote moet hy as vrou neem,
dat hy nie 26sy kroos onder sy volksgenote 27ontheilig nie; want Ek is die HERE wat hom 28heilig.
Verder het die HERE met Moses gespreek en gesê:
Spreek met Aäron en sê: Niemand uit jou 29nakomelinge, 30in hulle geslagte, aan wie ’n liggaamsgebrek is, mag nader kom om 31die spys van sy God te offer nie.
Want niemand aan wie ’n liggaamsgebrek is, mag nader kom nie: ’n blinde of ’n lamme of een 32wat in die gesig vermink is of iemand by wie ’n 33liggaamsdeel te lank is,
of iemand wat ’n been of ’n arm gebreek het,
of wat ’n boggel het of 34uitgeteer is of 35’n vlek in sy oog het of aan skurfte of uitslag ly of ’n gebreklike skaamdeel het.
Geen man uit die nageslag van Aäron, die priester, aan wie ’n liggaamsgebrek is, mag nader kom om die vuuroffers van die HERE te offer nie. ’n Liggaamsgebrek is aan hom; hy mag nie nader kom om die spys van sy God te offer nie.
Wat die spys van sy God aangaan, hy mag van die 36hoogheilige en 37heilige gawes eet;
maar 38hy mag nie na die voorhangsel gaan en na die altaar nie nader kom nie, omdat ’n liggaamsgebrek aan hom is, dat hy 39my heiligdomme nie ontheilig nie; want Ek is die HERE wat hulle heilig.
En Moses het dit aan Aäron en sy seuns gesê en aan al die kinders van Israel.
| 1 Hebr. siel. Sien Lev. 19:28 se kanttekening, en hierna, vers 11.
2 Naamlik, deur die dooie liggaam aan te raak, te help begrawe en daaroor te rou, soos ander wat nie priesters was nie, gedoen het. |
| 3 Sien Lev. 18:6 se kanttekening. Sommige verstaan deur hierdie woord nie net diegene wat in die volgende twee verse genoem word nie, maar ook die vrou van die priester. |
| 4 Dit is, wat sy natuurlike suster is, en nie uit krag van verdere familieverwantskap of huweliksverband of andersins so genoem word nie. |
| 5 Of: huisvader, wettige man. Hier word deur sommige verstaan dat ’n priester nie oor sy vrou (met welke woorde die vertaling dan aangevul word) sou mog rou nie; hoewel dit voorkom of dit nie ongeoorloof was nie, omdat die priester Eségiël van voorneme was om dit te doen, maar dit hom op ’n buitengewone manier verbied is, Eség. 24:16, ens. Of: Hy mag hom nie verontreinig oor ’n owerste onder, ens. Die Hebreeuse woord word in hierdie betekenis gebruik in Jes. 16:8. |
| 6 Hebr. die kaalte nie kaal maak nie. |
| 7 Sien Lev. 18:21 se kanttekening.
8 Sien Lev. 3:11 se kanttekening. So ook hierna, verse 8, 21, 22, en Lev. 22:25. 9 Hebr. heiligheid. Dit is, na heiligheid streef, en hulle sal ten opsigte van hul amp vir heilig gehou word. |
| 10 Dit is, wat verkrag of geskend is, of wat in die openbaar of in die geheim hoerery bedryf het. So ook in vers 14.
11 Dit is, verlaat deur egskeiding, terwyl sy vir die doel hiervan en as bewys hiervan ’n skeibrief van haar man ontvang het. So ook in vers 14. Núm. 30:9 en die kanttekening. Eség. 44:22. |
| 12 Of: hom heilig.
13 Dit is, wat julle van ander mense afsonder tot sy eiendom, deur middel van die amp van die priesters, vir wie jy daarom vir heilig en in waarde sal hou. Vgl. Lev. 20:8 se kanttekening. |
| 14 Anders: begin om te hoereer.
15 Dit is, sy maak dat haar vader verag en vir onheilig gehou en bespot word. Sien soortgelyke manier van spreek in Ps. 89:40. Jes. 43:28. |
| 16 Hebr. groot priester. So ook in 2 Kon. 12:10; 23:4.
17 Sommige oordeel, deur hierdie woorde te vergelyk met Ex. 40:13-15. Lev. 8:12, 30. Ps. 133:2, dat ná die eerste inwyding van Aäron en sy seuns, niemand van die priesters meer gesalf is nie, behalwe die hoëpriester. 18 Sien Lev. 7:37 se kanttekening. 19 Sien hieroor Ex. 28:4. 20 Dit is, rou oor ’n dooie. Vgl. Lev. 10:6. |
| 21 Verstaan dit slegs ten opsigte van die hoëpriester; want die ander was dit geoorloof. Sien vers 2. |
| 22 Naamlik, om die begrafnis by te woon.
23 Naamlik, deur in die heiligdom in te gaan nadat hy in die huis van sy oorlede vader of moeder was of gerou het. 24 Of: kroon, sien hieroor Ex. 29:6 en Lev. 8:9 se kanttekeninge. |
| 25 Sien vers 7 se kanttekening. |
| 26 Hebr. saad, dit is, sy kinders. So ook in Gén. 4:25 en hierna, verse 17, 21.
27 Naamlik, deur teen die genoemde wette ’n vrou vir hom te neem. 28 Dit is, afsonder tot ’n heilige diens. So ook in Ex. 28:3; 29:1 en hierna, vers 23. |
| 29 Waarby seuns ook ingesluit is. Hetsy hoë- of onderpriesters. So ook in vers 21.
30 Dit is, in watter tye of eeue hulle ná jou sou mag lewe. 31 Sien Lev. 3:11 se kanttekening. |
| 32 Dit is, wat ’n ingevalle neus het, sodat hy daardeur spreek. Of: wat abnormaal kort liggaamsdele het.
33 Dit is, wat abnormaal lang liggaamsdele het. |
| 34 Anders: dun, maer, skraal, dwergagtig.
35 Anders: wat skemering in sy oog het. |
| 36 Hebr. heilighede van heilighede. Verstaan die toonbrode, die skuldoffers en sondoffers.
37 Of: heilighede. Verstaan die dankoffers, die eerstelinge en die tiendes. |
| 38 Dit is, die priesterlike amp sal hy nie bedien nie. Sien oor hierdie voorhangsel Lev. 4:6 se kanttekening.
39 Dit is, die plekke van die HERE se heiligdom. Verstaan deur die heiligdom die tent van samekoms, soos te sien is in Lev. 16:33, wat in die meervoud gestel is, omdat dit verskillende dele gehad het: die voorhof, die Heilige en die Allerheiligste. |
Wet oor die reinheid van die priesters.
VERDER het die HERE vir Moses gesê: Spreek met die priesters, die seuns van Aäron, en sê vir hulle: Aan 1’n dooie moet ’n priester hom nie 2verontreinig onder sy volksgenote nie;
| 1 Hebr. siel. Sien Lev. 19:28 se kanttekening, en hierna, vers 11.
2 Naamlik, deur die dooie liggaam aan te raak, te help begrawe en daaroor te rou, soos ander wat nie priesters was nie, gedoen het. |
behalwe aan sy 3bloedverwant, sy nabestaande: aan sy moeder en sy vader en sy seun en sy dogter en sy broer;
| 3 Sien Lev. 18:6 se kanttekening. Sommige verstaan deur hierdie woord nie net diegene wat in die volgende twee verse genoem word nie, maar ook die vrou van die priester. |
en aan sy suster wat jongmeisie is, sy 4nabestaande, wat nie aan ’n man toebehoort het nie — aan haar mag hy hom verontreinig.
| 4 Dit is, wat sy natuurlike suster is, en nie uit krag van verdere familieverwantskap of huweliksverband of andersins so genoem word nie. |
Hy mag hom as 5getroude man nie verontreinig onder sy volksgenote om hom te ontheilig nie.
| 5 Of: huisvader, wettige man. Hier word deur sommige verstaan dat ’n priester nie oor sy vrou (met welke woorde die vertaling dan aangevul word) sou mog rou nie; hoewel dit voorkom of dit nie ongeoorloof was nie, omdat die priester Eségiël van voorneme was om dit te doen, maar dit hom op ’n buitengewone manier verbied is, Eség. 24:16, ens. Of: Hy mag hom nie verontreinig oor ’n owerste onder, ens. Die Hebreeuse woord word in hierdie betekenis gebruik in Jes. 16:8. |
Hulle mag op hul hoof geen 6kaalte maak en die rand van hulle baard nie wegskeer en in hulle vlees geen insnyding maak nie.
| 6 Hebr. die kaalte nie kaal maak nie. |
Heilig moet hulle aan hulle God wees en 7die Naam van hulle God nie ontheilig nie; want hulle offer die vuuroffers van die HERE, 8die spys van hulle God; daarom moet hulle 9heilig wees.
| 7 Sien Lev. 18:21 se kanttekening.
8 Sien Lev. 3:11 se kanttekening. So ook hierna, verse 8, 21, 22, en Lev. 22:25. 9 Hebr. heiligheid. Dit is, na heiligheid streef, en hulle sal ten opsigte van hul amp vir heilig gehou word. |
Hulle mag geen vrou neem wat ’n hoer of ’n 10onteerde is nie; en ’n vrou wat deur haar man 11verstoot is, mag hulle nie neem nie; want hy is heilig aan sy God.
| 10 Dit is, wat verkrag of geskend is, of wat in die openbaar of in die geheim hoerery bedryf het. So ook in vers 14.
11 Dit is, verlaat deur egskeiding, terwyl sy vir die doel hiervan en as bewys hiervan ’n skeibrief van haar man ontvang het. So ook in vers 14. Núm. 30:9 en die kanttekening. Eség. 44:22. |
Daarom moet jy 12hom heilig hou, omdat hy die spys van jou God offer. Hy moet vir jou heilig wees, want heilig is Ek, die HERE wat julle 13heilig.
| 12 Of: hom heilig.
13 Dit is, wat julle van ander mense afsonder tot sy eiendom, deur middel van die amp van die priesters, vir wie jy daarom vir heilig en in waarde sal hou. Vgl. Lev. 20:8 se kanttekening. |
En as die dogter van ’n priester 14haar ontheilig om te hoereer, 15ontheilig sy haar vader; met vuur moet sy verbrand word.
| 14 Anders: begin om te hoereer.
15 Dit is, sy maak dat haar vader verag en vir onheilig gehou en bespot word. Sien soortgelyke manier van spreek in Ps. 89:40. Jes. 43:28. |
En die 16priester wat die hoogste onder sy broers is, 17op wie se hoof die salfolie uitgegiet is en wat 18as priester aangestel is om 19die klere aan te trek — hy mag sy hare nie 20laat loshang en geen skeure in sy klere maak nie.
| 16 Hebr. groot priester. So ook in 2 Kon. 12:10; 23:4.
17 Sommige oordeel, deur hierdie woorde te vergelyk met Ex. 40:13-15. Lev. 8:12, 30. Ps. 133:2, dat ná die eerste inwyding van Aäron en sy seuns, niemand van die priesters meer gesalf is nie, behalwe die hoëpriester. 18 Sien Lev. 7:37 se kanttekening. 19 Sien hieroor Ex. 28:4. 20 Dit is, rou oor ’n dooie. Vgl. Lev. 10:6. |
En hy mag by geen dooie kom nie, selfs 21aan sy vader en moeder hom nie verontreinig nie;
| 21 Verstaan dit slegs ten opsigte van die hoëpriester; want die ander was dit geoorloof. Sien vers 2. |
en hy mag uit die heiligdom 22nie uitgaan nie, sodat hy die heiligdom van sy God nie 23ontheilig nie, want die 24wyding van die salfolie van sy God is op hom. Ek is die HERE.
| 22 Naamlik, om die begrafnis by te woon.
23 Naamlik, deur in die heiligdom in te gaan nadat hy in die huis van sy oorlede vader of moeder was of gerou het. 24 Of: kroon, sien hieroor Ex. 29:6 en Lev. 8:9 se kanttekeninge. |
En hý moet ’n vrou in haar maagdelike staat neem.
’n Weduwee of 25een wat verstoot is of ’n onteerde, of ’n hoer — hulle moet hy nie neem nie; maar ’n jongmeisie uit sy volksgenote moet hy as vrou neem,
| 25 Sien vers 7 se kanttekening. |
dat hy nie 26sy kroos onder sy volksgenote 27ontheilig nie; want Ek is die HERE wat hom 28heilig.
| 26 Hebr. saad, dit is, sy kinders. So ook in Gén. 4:25 en hierna, verse 17, 21.
27 Naamlik, deur teen die genoemde wette ’n vrou vir hom te neem. 28 Dit is, afsonder tot ’n heilige diens. So ook in Ex. 28:3; 29:1 en hierna, vers 23. |
Verder het die HERE met Moses gespreek en gesê:
Spreek met Aäron en sê: Niemand uit jou 29nakomelinge, 30in hulle geslagte, aan wie ’n liggaamsgebrek is, mag nader kom om 31die spys van sy God te offer nie.
| 29 Waarby seuns ook ingesluit is. Hetsy hoë- of onderpriesters. So ook in vers 21.
30 Dit is, in watter tye of eeue hulle ná jou sou mag lewe. 31 Sien Lev. 3:11 se kanttekening. |
Want niemand aan wie ’n liggaamsgebrek is, mag nader kom nie: ’n blinde of ’n lamme of een 32wat in die gesig vermink is of iemand by wie ’n 33liggaamsdeel te lank is,
| 32 Dit is, wat ’n ingevalle neus het, sodat hy daardeur spreek. Of: wat abnormaal kort liggaamsdele het.
33 Dit is, wat abnormaal lang liggaamsdele het. |
of iemand wat ’n been of ’n arm gebreek het,
of wat ’n boggel het of 34uitgeteer is of 35’n vlek in sy oog het of aan skurfte of uitslag ly of ’n gebreklike skaamdeel het.
| 34 Anders: dun, maer, skraal, dwergagtig.
35 Anders: wat skemering in sy oog het. |
Geen man uit die nageslag van Aäron, die priester, aan wie ’n liggaamsgebrek is, mag nader kom om die vuuroffers van die HERE te offer nie. ’n Liggaamsgebrek is aan hom; hy mag nie nader kom om die spys van sy God te offer nie.
Wat die spys van sy God aangaan, hy mag van die 36hoogheilige en 37heilige gawes eet;
| 36 Hebr. heilighede van heilighede. Verstaan die toonbrode, die skuldoffers en sondoffers.
37 Of: heilighede. Verstaan die dankoffers, die eerstelinge en die tiendes. |
maar 38hy mag nie na die voorhangsel gaan en na die altaar nie nader kom nie, omdat ’n liggaamsgebrek aan hom is, dat hy 39my heiligdomme nie ontheilig nie; want Ek is die HERE wat hulle heilig.
| 38 Dit is, die priesterlike amp sal hy nie bedien nie. Sien oor hierdie voorhangsel Lev. 4:6 se kanttekening.
39 Dit is, die plekke van die HERE se heiligdom. Verstaan deur die heiligdom die tent van samekoms, soos te sien is in Lev. 16:33, wat in die meervoud gestel is, omdat dit verskillende dele gehad het: die voorhof, die Heilige en die Allerheiligste. |
En Moses het dit aan Aäron en sy seuns gesê en aan al die kinders van Israel.