Belofte en bedreiging.

JULLE ^amag vir julle geen ¹afgode maak nie; en ’n gesnede beeld of ’n ²klippilaar mag julle vir julle nie oprig nie en ’n ³steen met beeldhouwerk in julle land nie opstel om julle daarby neer te buig nie; want Ek is die HERE julle God.

My sabbatte moet julle hou en ^bmy heiligdom ⁴ontsien. Ek is die HERE.

^cAs julle in my insettinge wandel en my gebooie hou en dit doen,

sal Ek ⁵julle reëns gee op die regte tyd, en die land sal sy opbrings gee, en die bome van die veld sal hulle vrugte gee.

En die ⁶dorstyd sal vir julle aanhou tot die druiwe-oes, en die druiwe-oes sal aanhou tot die saaityd, en julle sal jul brood ^d7volop eet en veilig in julle land woon.

Ook sal Ek vrede gee in die land, ^esodat julle sal ⁸lê en rus sonder dat iemand julle skrikmaak; en Ek sal die wilde diere uit die land laat verdwyn, en geen swaard ⁹sal deur julle land trek nie.

En julle sal jul vyande agtervolg, en hulle sal voor julle ¹⁰val deur die swaard.

^11fVyf van julle sal honderd agtervolg, en honderd van julle sal tienduisend agtervolg; en julle vyande sal voor julle val deur die swaard.

En Ek sal ¹²My na julle wend en julle vrugbaar maak en julle vermenigvuldig; en my verbond sal Ek met julle bevestig.

Julle sal ¹³ou koring van vorige jare eet ¹⁴en die oue laat plek maak ¹⁵vir die nuwe.

^gEn Ek sal my ¹⁶tabernakel onder julle oprig, en my siel sal van julle geen ¹⁷afsku hê nie.

En Ek sal in jul midde ¹⁸wandel ¹⁹en vir julle ’n God wees, en júlle sal vir My ²⁰’n volk wees.

Ek is die HERE julle God wat julle uit Egipteland uitgelei het, dat julle nie hulle slawe moet wees nie; en Ek het julle ²¹jukskeie verbreek en het julle ²²regop laat loop.

^hMaar as julle nie na My luister en al hierdie gebooie nie doen nie;

en as julle my insettinge verwerp, en as julle siel van my verordeninge ’n afsku het, sodat julle nie al my gebooie doen nie en my verbond ²³verbreek —

dan sal Ék dit ook aan julle doen: Ek sal verskrikking ²⁴oor julle beskik: die tering en die koors wat ²⁵die oë verteer en die lewe laat versmag; julle sal ook tevergeefs julle saad saai, want julle vyande sal dit opeet.

En Ek sal my ²⁶aangesig teen julle rig, sodat julle voor jul vyande verslaan word; en julle haters sal oor julle heers, en ⁱjulle sal vlug terwyl niemand julle agtervolg nie.

En ²⁷as julle dan nog nie na My luister nie, sal Ek voortgaan om julle ²⁸sewevoudig weens julle sondes te tugtig.

En Ek sal ²⁹julle trotse mag verbreek, en sal julle hemel maak ³⁰soos yster en julle aarde ³¹soos koper.

³²En julle krag sal tevergeefs verbruik word, want julle land sal sy opbrings nie gee nie, en die bome van die land sal hulle vrugte nie gee nie.

En as julle jul ³³teen My versit en na My nie wil luister nie, sal Ek meer plae op julle lê, sewevoudig volgens julle sondes.

En Ek sal die wilde diere van die veld onder julle in stuur, en dié sal julle ³⁴kinderloos maak en julle vee uitroei en julle verminder, sodat julle ³⁵paaie verlate sal wees.

En as julle hierdeur jul nie deur My laat tugtig nie, maar julle ³⁶teen My versit,

sal Ek ³⁷My ook ^kteen julle versit en julle ook sewevoudig tref weens julle sondes.

En Ek sal ’n swaard oor julle bring wat die ³⁸wraak van die verbond sal uitoefen; en as julle dan in jul stede terugtrek, sal Ek pes onder julle in stuur, en julle sal in die hand van die vyand oorgegee word.

As Ek vir julle die ³⁹staf van die brood verbreek, sal tien vroue julle brood ⁴⁰in een oond bak en julle brood ⁴¹by die gewig teruggee; en julle sal eet, maar nie versadig word nie.

As julle ook hierom nie na My luister nie, maar julle teen My versit,

sal Ek My ⁴²in grimmigheid teen julle versit, en Ék sal julle ook sewevoudig tugtig weens julle sondes.

^lEn julle sal die vlees van julle seuns eet, en die vlees van julle dogters sal julle eet.

En Ek sal julle ⁴³hoogtes verwoes en ^mjulle ⁴⁴sonpilare verdelg en julle lyke op die ⁴⁵lyke van julle ⁴⁶drekgode gooi; en my siel sal ’n afsku van julle hê.

En Ek sal julle stede puinhope maak en julle ⁴⁷heiligdomme verwoes en julle ⁴⁸lieflike geur nie ruik nie.

Ja, Ek self sal die land verwoes, sodat julle vyande wat ⁴⁹daarin gaan woon, daaroor verstom sal staan.

En Ek sal julle onder die volke verstrooi en ’n swaard agter julle uittrek; en julle land sal ’n wildernis en julle stede puinhope word.

Dan sal die land vir sy ⁿsabbatte ⁵⁰vergoeding kry, al die dae van sy verwoesting, terwyl julle in die land van julle vyande is; dan sal die land rus en vir sy sabbatte vergoeding gee.

Al die dae van sy verwoesting sal dit rus — die rus wat dit nie gehad het in julle sabbatte toe julle daarin gewoon het nie.

En wat aangaan diegene wat onder julle oorgebly het — ⁵¹Ek sal in hulle hart ’n vreesagtigheid bring in die lande van hulle vyande, sodat die geruis van ’n verwaaide blaar hulle op die loop sal ja; en hulle sal vlug, ⁵²soos ’n mens vir ’n swaard vlug en val sonder dat iemand agtervolg.

En hulle sal struikel ⁵³die een oor die ander soos vir die swaard, alhoewel niemand agtervolg nie; en julle sal voor julle vyande ⁵⁴nie kan standhou nie.

Maar julle sal omkom onder die nasies, en die land van julle vyande sal julle verteer.

En die wat onder julle oorgebly het, sal oor hulle ongeregtigheid wegteer in die lande van julle vyande, ja, ook ⁵⁵oor die ongeregtighede van hulle vaders saam met hulle wegteer.

Dan sal hulle hul ongeregtigheid bely en die ongeregtigheid van hulle vaders deurdat hulle ontrou teen My gehandel het; en ook dat hulle hul teen My versit het,

⁵⁶sodat Ék My ook teen hulle versit het en hulle in die land van hulle vyande moes bring; of, as hulle ⁵⁷onbesnede hart hom dan verneder en hulle dan ⁵⁸boet vir hul ⁵⁹ongeregtigheid,

sal Ek dink aan my verbond met Jakob; en ook aan my verbond met Isak en ook aan my verbond met Abraham sal Ek dink, en aan die land sal Ek dink.

Maar die land moet eers ⁶⁰van hulle verlate wees en moet vir sy sabbatte vergoeding kry, terwyl dit woes lê ⁶¹sonder hulle; en húlle sal vir hul ⁶²ongeregtigheid boet, omdat, ja, omdat hulle my verordeninge verwerp en hulle siel van my insettinge ’n afsku gehad het.

Maar ⁶³ook dan, as hulle in die land van hul vyande is, ^overwerp Ek hulle nie en het Ek van hulle geen afsku, sodat Ek ’n einde aan hulle sou maak en my verbond met hulle sou verbreek nie; want Ek is die HERE hulle God.

Maar Ek sal ⁶⁴tot hulle beswil dink aan die verbond van ⁶⁵die voorvaders wat Ek uit Egipteland voor die oë van die nasies uitgelei het om vir hulle ’n God te wees. Ek is die HERE.

Dit is die insettinge en die verordeninge en die wette wat die HERE tussen Hom en die kinders van Israel by die berg Sinai deur die diens van Moses gegee het.