Maria salf die voete van Jesus.

(Matt. 26:6 vv. en ooreenk. pl.)

EN^a Jesus het ¹ses dae voor die pasga na Betánië gekom waar Lasarus was, wat dood gewees het en wat Hy uit die dode opgewek het.

Hulle het toe vir Hom ²daar ’n maaltyd berei, en Martha het bedien; en Lasarus was een van die wat saam met Hom aan tafel was.

En Maria het ’n pond ³egte, baie kosbare nardussalf geneem en die voete van Jesus gesalf en sy voete afgedroog met haar hare. En die huis is vervul met die reuk van die salf.

Toe sê een van sy dissipels, Judas Iskáriot, die seun van Simon, wat Hom sou verraai:

^bWaarom is hierdie salf nie vir driehonderd ⁴pennings verkoop en die geld aan die armes gegee nie?

En dit het hy gesê, nie omdat hy oor die armes besorg was nie, maar omdat hy ’n dief was ^cen die beurs gehad het en ⁵die bydraes geneem het.

Toe sê Jesus: ⁶Laat haar staan; sy het dit bewaar ⁷vir ^ddie dag van my begrafnis.

Want die ^earmes het julle ⁸altyd by julle, maar My het julle ⁹nie altyd nie.

En ’n groot menigte uit die Jode het verneem dat Hy daar was, en het gekom, nie alleen ter wille van Jesus nie, maar ook om Lasarus te sien, ^fwat Hy uit die dode opgewek het.

En die owerpriesters het ¹⁰besluit om Lasarus ook om die lewe te bring,

omdat baie van die Jode deur hom ¹¹weggegaan en in Jesus geglo het.

Intog van Jesus in Jerusalem.

(Matt. 21:1 en ooreenk. pl.)

^gDIE volgende dag het ’n groot menigte feesgangers, toe hulle hoor dat Jesus na Jerusalem kom,

¹²palmtakke geneem en uitgegaan Hom tegemoet en geroep: ¹³Hosanna! ^hGeseënd ¹⁴is Hy wat kom in die Naam van die Here, die Koning van Israel.

En Jesus het ’n jong esel ¹⁵gevind en daarop gaan sit, soos geskrywe is:

ⁱ¹⁶Moenie vrees nie, dogter van Sion! Kyk, jou Koning kom en Hy sit op die vul van ’n esel.

¹⁷Dit het sy dissipels egter eers nie verstaan nie; maar ¹⁸nadat Jesus verheerlik is, toe het dit hulle bygeval dat hierdie dinge van Hom geskrywe was en dat hulle dit aan Hom gedoen het.

¹⁹En die skare wat by Hom was toe Hy Lasarus uit die graf geroep en hom uit die dode opgewek het, het daarvan getuig.

Daarom het die skare Hom ook tegemoetgegaan, omdat hulle gehoor het dat Hy hierdie teken gedoen het.

En die Fariseërs het vir mekaar gesê: ^kSien julle dat julle ²⁰niks vorder nie? Kyk, ²¹die hele wêreld loop agter Hom aan.

Sommige Grieke wil Jesus sien. Hy spreek van sy verhoging. ’n Stem uit die hemel. Jesus die lig van die wêreld.

EN daar was sommige ²²Grieke onder die ^lwat opgekom het om op die fees te aanbid;

hulle het na Filippus gegaan ^mwat van Betsáida in Galiléa was, en hom gevra en gesê: My heer, ons wil Jesus graag ²³sien.

Filippus kom en sê dit vir Andréas, en Andréas en Filippus vertel dit weer aan Jesus.

Maar Jesus antwoord hulle en sê: Die uur het gekom ⁿdat die Seun van die mens ²⁴verheerlik moet word.

Voorwaar, voorwaar Ek sê vir julle, ^oas ²⁵die koringkorrel nie in die grond val en sterf nie, bly dit alleen; maar as dit sterf, dra dit veel vrug.

^pWie sy ²⁶lewe ²⁷liefhet, sal dit verloor; maar wie sy lewe ²⁸haat in hierdie wêreld, sal dit bewaar vir die ewige lewe.

As iemand My dien, laat hom My volg; en ^qwaar Ek is, daar sal my dienaar ook wees; en as iemand My dien, sal die Vader hom eer.

^rNou is my siel ²⁹ontsteld, en wat sal Ek sê? Vader, red My uit hierdie ³⁰uur? Maar hierom het Ek in hierdie uur gekom.

Vader, ³¹verheerlik u Naam! Daar het toe ’n stem uit die hemel gekom: Ek hét dit ³²verheerlik, en Ek ³³sal dit weer verheerlik.

En die skare wat daar gestaan en dit gehoor het, het gesê dat daar ³⁴’n donderslag gewees het. Ander het gesê: ’n Engel het met Hom gespreek.

Jesus antwoord en sê: ^sHierdie stem het nie om My ontwil gekom nie, maar ³⁵om julle ontwil.

^tNou is dit die ³⁶oordeel van hierdie wêreld, ^vnou sal die ³⁷owerste van hierdie wêreld buitentoe gedryf word.

^xEn Ek, ³⁸as Ek van die aarde verhoog word, sal ³⁹almal na My toe ⁴⁰trek.

En dit het Hy gesê om aan te dui hoedanige dood Hy sou sterwe.

Die skare antwoord Hom: Ons het uit ⁴¹die wet gehoor ^ydat die Christus tot in ewigheid bly; en hoe sê U dat die Seun van die mens verhoog moet word? Wie is hierdie Seun van die mens?

En Jesus sê vir hulle: Nog ’n klein tydjie ^zis ⁴²die lig by julle. ^aWandel so lank as julle die lig het, sodat ⁴³die duisternis julle nie oorval nie. En wie in die duisternis wandel, weet nie waar hy gaan nie.

So lank as julle die lig het, glo in die lig, sodat julle kinders van die lig kan word. Dit het Jesus gespreek, en Hy het ⁴⁴weggegaan en Hom vir hulle verberg.

En alhoewel Hy so baie tekens voor hulle gedoen het, het hulle nie in Hom geglo nie;

sodat die woord van die profeet Jesaja vervul sou word wat hy gesê het: ^bHere, ⁴⁵wie het ons ⁴⁶prediking geglo, en aan wie is die ⁴⁷arm van die Here ⁴⁸geopenbaar?

Daarom ⁴⁹kon hulle nie glo nie, omdat Jesaja óók gesê het:

^50cHy het hulle oë verblind en hulle hart verhard, sodat hulle nie met die oë sou sien en met die hart verstaan en hulle bekeer en Ek hulle genees nie.

^dDit het Jesaja gesê toe hy ⁵¹sy heerlikheid ⁵²gesien en van Hom gespreek het.

^eMaar tog het selfs baie van die owerstes ⁵³in Hom geglo; maar ter wille van die Fariseërs het hulle dit nie bely nie, ^fom nie ⁵⁴uit die sinagoge geban te word nie.

^gWant hulle het die eer van die mense meer liefgehad as die eer van God.

En Jesus het uitgeroep en gesê: Wie in My glo, ⁵⁵glo nie in My nie, maar in Hom wat My gestuur het.

^hEn wie My ⁵⁶aanskou, aanskou Hom wat My gestuur het.

ⁱEk het as ⁵⁷’n lig in die wêreld gekom, sodat elkeen wat in My glo, nie in die duisternis sou bly nie.

En as iemand na my woorde luister en nie glo nie, Ek ⁵⁸oordeel hom nie; ^kwant Ek ⁵⁹het nie gekom om die wêreld te ⁶⁰oordeel nie, maar om die wêreld te red.

^lWie My verwerp en my woorde nie aanneem nie, het een wat hom oordeel: ^mdie woord wat Ek gespreek het, ⁶¹dit sal hom oordeel in die laaste dag.

ⁿWant Ek het nie ⁶²uit Myself gespreek nie; maar die Vader wat My gestuur het, Hy het My ’n ⁶³gebod gegee wat Ek moet sê en wat Ek moet spreek.

En Ek weet dat sy gebod ⁶⁴die ewige lewe is. Wat Ek dan spreek — net soos die Vader vir My gesê het, so spreek Ek.