Laaste onderwys aan die dissipels (slot). Van die Trooster en van Jesus se wederkoms.

HIERDIE¹ dinge het Ek vir julle gesê, sodat julle nie mag ²struikel nie.

^aHulle sal julle ³uit die sinagoges ban. Ja, daar kom ’n uur dat elkeen wat julle om die lewe bring, sal dink dat hy ⁴’n diens aan God bewys.

^bEn dit sal hulle aan julle doen, omdat hulle die Vader nie ken nie en My ook nie.

^cMaar hierdie dinge het Ek vir julle gesê, sodat wanneer die uur kom, julle kan onthou dat Ek julle dit gesê het. Maar Ek het julle dit nie van die begin af ⁵gesê nie, omdat Ek saam met julle ⁶was.

En ⁷nou gaan Ek na Hom wat My gestuur het; en niemand van julle ⁸vra My: Waar gaan U heen nie?

Maar omdat Ek dit vir julle gesê het, het ⁹droefheid julle hart vervul.

Maar Ek sê julle die waarheid: Dit is vir julle voordelig dat Ek weggaan; want as Ek nie weggaan nie, sal ¹⁰die Trooster ¹¹nie na julle kom nie; ^dmaar as Ek weggaan, sal Ek Hom na julle stuur;

en as Hy kom, sal Hy die wêreld ¹²oortuig van sonde en van geregtigheid en van oordeel:

¹³van sonde, omdat hulle ¹⁴in My nie glo nie;

en ¹⁵van geregtigheid, ¹⁶omdat Ek na my Vader gaan en julle My ¹⁷nie meer sal sien nie;

en ¹⁸van oordeel, ^eomdat ¹⁹die owerste van hierdie wêreld ²⁰geoordeel is.

Nog ²¹baie dinge het Ek om aan julle te sê, maar julle kan dit ²²nou nie dra nie.

Maar wanneer Hy ²³gekom het, die Gees van die waarheid, ^fsal Hy julle in ²⁴die hele waarheid lei; ^gwant Hy sal nie ²⁵uit Homself spreek nie, maar alles wat Hy ²⁶hoor, sal Hy spreek en die toekomstige dinge aan julle verkondig.

Hy sal My ²⁷verheerlik, omdat Hy dit sal neem ²⁸uit wat aan My behoort, en aan julle verkondig.

^29hAlles wat die Vader het, is myne; daarom het Ek gesê dat Hy dit sal neem uit wat aan My behoort, en aan julle verkondig.

ⁱ’n ³⁰Klein tydjie, en julle sal My nie sien nie; en weer ’n ³¹klein tydjie, en julle sal My sien, omdat Ek na die Vader gaan.

Sommige van sy dissipels het toe onder mekaar gevra: ³²Wat is dit wat Hy vir ons sê: ’n Klein tydjie, en julle sien My nie; en weer ’n klein tydjie, en julle sal My sien; en: Ek gaan na die Vader?

Hulle het dan gevra: Wat is dit wat Hy sê: ’n Klein tydjie? Ons weet nie wat Hy sê nie.

En Jesus het ³³gemerk dat hulle Hom wou vra, en Hy sê vir hulle: Ondervra julle mekaar daaroor dat Ek gesê het: ’n Klein tydjie, en julle sal My nie sien nie; en weer ’n klein tydjie, en julle sal My sien?

Voorwaar, voorwaar Ek sê vir julle, julle ³⁴sal ween en rou bedryf, maar die wêreld sal bly wees. En julle sal bedroef wees, maar julle droefheid ³⁵sal in blydskap verander.

^36k’n Vrou ³⁷het droefheid wanneer sy baar, omdat haar uur gekom het; maar wanneer die kindjie gebore is, ³⁸dink sy nie meer aan haar benoudheid nie, om die blydskap dat ’n mens in die wêreld gebore is.

Julle het dan ook nou droefheid, maar Ek sal julle ³⁹weer sien ^len julle hart sal ⁴⁰bly word, en niemand ⁴¹neem julle blydskap van julle weg nie.

En in daardie dag sal julle My ⁴²niks vra nie. ^mVoorwaar, voorwaar Ek sê vir julle, alles wat julle die Vader sal ⁴³vra in my Naam, sal Hy julle gee.

⁴⁴Tot nou toe het julle ⁴⁵niks in my Naam gevra nie. ⁴⁶Bid en julle sal ontvang, sodat julle blydskap ⁴⁷volkome kan wees.

Hierdie dinge het Ek deur gelykenisse tot julle gespreek, maar daar kom ’n uur wanneer Ek nie meer ⁴⁸deur gelykenisse tot julle sal spreek nie, maar julle ⁴⁹openlik ⁵⁰van die Vader sal vertel.

⁵¹In daardie dag sal julle in my Naam bid; en Ek ⁵²sê nie vir julle dat Ek die Vader aangaande julle sal vra nie;

want die Vader self het julle lief, ⁵³omdat julle My liefgehad ⁿen geglo het dat Ek van God ⁵⁴uitgegaan het.

^oEk het van die Vader uitgegaan en in die wêreld gekom. Weer ⁵⁵verlaat Ek die wêreld en gaan na my Vader.

Sy dissipels sê vir Hom: Kyk, nou spreek U ronduit en gebruik geen gelykenis nie.

Nou weet ons ^pdat U ⁵⁶alles weet en nie nodig het dat iemand U iets vra nie. ⁵⁷Daarom glo ons dat U van God uitgegaan het.

Jesus antwoord hulle: ⁵⁸Glo julle nou?

^qKyk, die uur kom en het nou gekom dat julle ⁵⁹uitmekaar gejaag sal word, elkeen ⁶⁰na sy eie toe, en My alleen sal laat; ^rtog is Ek nie alleen nie, omdat die Vader met My is.

Dit het Ek vir julle gesê, ^sdat julle ⁶¹in My ⁶²vrede kan hê. In die wêreld sal julle verdrukking hê; maar hou goeie moed, Ek het ⁶³die wêreld ⁶⁴oorwin.