Jesus word gevange geneem.

(Matt. 26:36, 47-56 en ooreenk. pl.)

NADAT^a Jesus dit gesê het, het Hy met sy dissipels oor die spruit ¹Kedron ²gegaan waar daar ’n tuin was, waarin Hy self gegaan het en sy dissipels.

En Judas, sy verraaier, het ook die plek geken, omdat Jesus daar dikwels met sy dissipels ³saamgekom het.

^bEn Judas het ⁴die afdeling soldate en die dienaars ⁵van die owerpriesters en die Fariseërs geneem en daar gekom met fakkels en ⁶lampe en wapens.

En omdat Jesus alles geweet het wat oor Hom sou kom, ⁷het Hy uit die tuin gegaan en vir hulle gesê: Wie soek julle?

Hulle antwoord Hom: Jesus, die Nasaréner. Jesus sê vir hulle: Dit is Ek. En ook Judas, sy verraaier, het by hulle gestaan

Toe Hy dan vir hulle sê: Dit is Ek, het hulle agteruitgegaan en ⁸op die grond geval.

Hy vra hulle toe ⁹weer: Wie soek julle? En hulle sê: Jesus, die Nasaréner.

Jesus antwoord: Ek het vir julle gesê dat dit Ek is. As julle My dan soek, laat ¹⁰hierdie manne ¹¹weggaan —

¹²sodat die woord vervul sou word wat ¹³Hy gespreek het: ^cUit die wat U My gegee het, het Ek niemand verloor nie.

^dEn Simon Petrus ¹⁴wat ’n swaard gehad het, het dit uitgetrek en die dienskneg van die hoëpriester geslaan en sy regteroor ¹⁵afgekap. En die naam van die dienskneg was Malchus.

Toe sê Jesus vir Petrus: ¹⁶Steek jou swaard in die skede. ¹⁷Die ^ebeker wat die Vader My gegee het, sal Ek dit dan nie drink nie?

Jesus voor die Joodse Raad. Petrus verloën Hom.

(Matt. 26:57-75 en ooreenk. pl.)

EN die afdeling en die owerste oor duisend en die dienaars ¹⁸van die Jode het Jesus gevange geneem en Hom geboei;

^fen hulle het Hom weggelei, ¹⁹eers na ^gAnnas; want hy was die skoonvader van Kájafas wat daardie jaar hoëpriester was.

^hEn dit was Kájafas wat aan die Jode die raad gegee het dat dit voordelig is dat een man vir die volk sterwe.

ⁱEn Simon Petrus en ²⁰’n ander dissipel het Jesus ²¹gevolg; en daardie dissipel was met die hoëpriester bekend en het saam met Jesus ingegaan in die binneplaas van die hoëpriester se paleis.

Maar Petrus het buitekant by die deur bly staan. En die ander dissipel wat bekend was met die hoëpriester, het uitgegaan en ²²met die deurwagster gepraat en Petrus ingebring.

Toe ²³sê die diensmeisie, die deurwagster, vir Petrus: Jy is tog nie ook een van die dissipels van hierdie mens nie? Hy sê: Ek is nie.

En die diensknegte en ²⁴die dienaars het by ’n koolvuur gestaan wat hulle gemaak het — want dit was koud — en hulle het hul warm gemaak. En ^kPetrus het by hulle gestaan en hom warm gemaak.

Die hoëpriester ondervra Jesus toe ²⁵oor sy dissipels en ²⁶oor sy leer.

Jesus antwoord hom: ^lEk het ronduit ²⁷tot die wêreld gespreek; Ek het altyd in die sinagoge geleer en in die tempel waar die Jode ²⁸van alle kante vergader; en ²⁹in die geheim het Ek niks gespreek nie.

Wat ondervra u My? Ondervra hulle wat gehoor het wat Ek tot hulle gespreek het; hulle weet tog wat Ek gesê het.

En toe Hy dit sê, ^mhet een van die dienaars wat daar staan, Jesus ³⁰in die aangesig geslaan en gesê: Antwoord U die hoëpriester so?

Jesus antwoord hom: As Ek verkeerd gespreek het, ³¹getuig van die verkeerdheid; maar as Ek reg gespreek het, waarom slaan jy My?

ⁿEn Annas het Hom geboeid na Kájafas, die hoëpriester, ³²gestuur.

^oEn Simon Petrus het hom staan en warm maak. En ³³hulle sê vir hom: Jy is tog nie ook een van sy dissipels nie? Toe ontken hy dit en sê: Ek is nie.

Een van die hoëpriester se diensknegte wat familie was van die man wie se oor Petrus afgekap het, sê: Het ek jou nie in die tuin by Hom gesien nie?

En Petrus het dit weer ontken; en ^pdadelik het die haan ³⁴gekraai.

Jesus voor Pilatus.

(Matt. 27:1, 2, 11-31 en ooreenk. pl.)

^qTOE neem hulle Jesus ³⁵van Kájafas na ³⁶die goewerneur se paleis. En dit was ³⁷vroeg in die môre; en hulle het self nie in die paleis ingegaan nie, ^rdat hulle hul nie sou ³⁸verontreinig nie, maar dat hulle ³⁹die pasga kon eet.

En Pilatus het na hulle ⁴⁰uitgekom en gesê: Watter beskuldiging bring julle teen hierdie man in?

Hulle antwoord en sê vir hom: As Hy geen kwaaddoener was nie, sou ons Hom nie aan u oorgelewer het nie.

En Pilatus sê vir hulle: Neem julle Hom en oordeel Hom volgens julle wet. En die Jode sê vir hom: Dit is ons ⁴¹nie geoorloof om iemand dood te maak nie —

^ssodat die woord van Jesus vervul sou word wat Hy ⁴²gesê het om aan te dui hoedanige dood Hy sou sterwe.

^tPilatus gaan toe weer in die goewerneur se paleis en roep Jesus en sê vir Hom: Is U die Koning van die Jode?

Jesus antwoord hom: Sê u dit ⁴³uit uself, of het ⁴⁴ander u dit van My gesê?

Pilatus antwoord: Is ek dan ⁴⁵’n Jood? U volk en die owerpriesters het U aan my oorgelewer. Wat het U gedoen?

Jesus antwoord: ^vMy koninkryk is nie ⁴⁶van hierdie wêreld nie; as my koninkryk van hierdie wêreld was, sou my dienaars geveg het, dat Ek nie aan die Jode oorgelewer word nie. Maar nou is my koninkryk nie ⁴⁷van hier nie.

Pilatus sê toe vir Hom: ⁴⁸Is U dan tog ’n koning? Jesus antwoord: ⁴⁹U sê dat Ek ’n koning is. Hiervoor is Ek gebore en hiervoor het Ek in die wêreld gekom, om vir die waarheid te ⁵⁰getuig. Elkeen ⁵¹wat uit die waarheid is, ⁵²luister na my stem.

Pilatus sê vir Hom: ⁵³Wat is waarheid? En toe hy dit gesê het, gaan hy weer ⁵⁴uit na die Jode en sê vir hulle: ^xEk vind geen ⁵⁵skuld in Hom nie.

Maar julle het ^y’n gewoonte dat ek vir julle op die pasga iemand moet loslaat; wil julle dan hê dat ek vir julle die Koning van die Jode moet loslaat?

Toe skreeu hulle almal weer en sê: ^zNie vir Hom nie, maar Barábbas! ^aEn Barábbas was ’n ⁵⁶rower.