Jesus onderrig Nikodémus aangaande die wedergeboorte.

EN daar was ’n man uit die Fariseërs met die naam van ^aNikodémus, ¹’n owerste van die Jode.

^bHy het ²in die nag na Jesus gekom en vir Hom gesê: Rabbi, ons weet dat U ’n leraar is wat van God gekom het, want ^cniemand kan hierdie tekens doen wat U doen ^das God nie met hom is nie.

Jesus ³antwoord en sê vir hom: Voorwaar, voorwaar Ek sê vir jou, as iemand nie ⁴weer ⁵gebore word nie, kan hy die koninkryk van God ⁶nie sien nie.

Nikodémus sê vir Hom: Hoe kan ’n mens as hy oud is, gebore word? Hy kan tog nie ’n tweede keer in die skoot van sy moeder ingaan en gebore word nie?

Jesus antwoord: ⁷Voorwaar, voorwaar Ek sê vir jou, ^eas iemand nie gebore word uit ⁸water en Gees nie, kan hy in die koninkryk van God nie ingaan nie.

^fWat ⁹uit die vlees gebore is, is ¹⁰vlees; en wat uit die Gees gebore is, is ¹¹gees.

Moenie jou verwonder dat Ek vir jou gesê het, julle moet ¹²weer gebore word nie.

¹³Die wind ¹⁴waai waar hy wil, en jy hoor sy ¹⁵geluid, maar jy weet nie ¹⁶vanwaar hy kom en waarheen hy gaan nie. ¹⁷So is elkeen wat uit die Gees gebore is.

Nikodémus antwoord en sê vir Hom: ^gHoe kan hierdie dinge gebeur?

Jesus antwoord en sê vir hom: Jy is die leraar van Israel en jy weet ¹⁸hierdie dinge nie?

^hVoorwaar, voorwaar Ek sê vir jou, ¹⁹ons spreek wat ons weet en ons getuig van wat ons gesien het, en ²⁰julle neem ⁱons getuienis nie aan nie.

As Ek julle ²¹van die aardse dinge vertel en julle nie glo nie, hoe sal julle glo as Ek julle van die hemelse ²²vertel?

En ^kniemand het ²³opgevaar in die hemel nie, behalwe Hy wat uit die hemel ²⁴neergedaal het, naamlik die Seun van die mens ²⁵wat in die hemel is.

^lEn soos Moses die slang in die woestyn ²⁶verhoog het, ^mso moet die Seun van die mens ²⁷verhoog word,

sodat elkeen wat in Hom glo, nie verlore mag gaan nie, ⁿmaar die ewige lewe kan hê.

^oWant so lief het God ²⁸die wêreld gehad, dat Hy sy eniggebore Seun gegee het, ^psodat elkeen wat in Hom glo, nie verlore mag gaan nie, maar die ewige lewe kan hê.

^qWant God het sy Seun in die wêreld gestuur nie om die wêreld te ²⁹veroordeel nie, maar dat die ³⁰wêreld deur Hom gered kan word.

^rHy wat in Hom glo, word nie veroordeel nie; maar hy wat nie glo nie, is ³¹alreeds veroordeel omdat hy nie geglo het in die Naam van die eniggebore Seun van God nie.

En ^sdit is ³²die oordeel: dat ³³die lig in die wêreld gekom het, en die mense het die duisternis liewer gehad as die lig; want hulle werke was boos.

Want elkeen wat kwaad doen, haat die lig en kom nie na die lig nie, dat sy werke ³⁴nie bestraf mag word nie.

^tMaar ³⁵hy wat die waarheid doen, kom na die lig, sodat sy werke openbaar kan word, dat hulle ³⁶in God gedoen is.

Nog ’n getuienis van Johannes die Doper.

HIERNA het Jesus en sy dissipels ³⁷na die land van Judéa gegaan, en Hy het daar met hulle vertoef ^ven ³⁸gedoop.

^xEn Johannes was ook besig om te doop in Enon naby ³⁹Salim, omdat daar ⁴⁰baie water was. En die mense het daar gekom en is gedoop.

^yWant Johannes was nog nie in die gevangenis gewerp nie.

Daar het toe van die kant van die dissipels van Johannes ⁴¹’n redenasie met die Jode ontstaan ⁴²oor die reiniging.

^zEn ⁴³hulle het na Johannes gekom en vir hom gesê: Rabbi, Hy wat saam met u ⁴⁴oorkant die Jordaan was, van wie u getuig het, kyk, Hy doop, en ⁴⁵almal gaan na Hom toe.

Johannes antwoord en sê: ’n Mens ⁴⁶kan niks aanneem as dit hom nie ⁴⁷uit die hemel gegee is nie.

Julle is self my getuies dat ek gesê het: ^aEk is nie die Christus nie; ^bmaar dat ek voor Hom uitgestuur is.

Hy wat die bruid het, is die bruidegom; maar die ⁴⁸vriend van die bruidegom wat na hom staan en luister, verbly hom baie oor die ⁴⁹stem van die bruidegom. So is dan hierdie blydskap van my ⁵⁰volkome.

Hy moet meer word, maar ek minder.

^cHy ⁵¹wat van bo kom, is bo almal; hy wat ⁵²uit die aarde is, is uit die aarde en praat uit die aarde. Hy wat uit die hemel kom, is bo almal.

^dEn ⁵³wat Hy gesien en gehoor het, dit getuig Hy; en ⁵⁴niemand neem sy getuienis aan nie.

Wie sy getuienis aangeneem het, het sy ⁵⁵seël daarop gesit ^edat God waaragtig is.

Want Hy wat God gestuur het, spreek die woorde van God; want God gee Hom die Gees ^fnie ⁵⁶met mate nie.

Die Vader het die Seun lief ^gen het alles ⁵⁷in sy hand gegee.

^hHy wat in die Seun glo, het die ewige lewe; maar hy wat die Seun ⁵⁸ongehoorsaam is, sal die lewe ⁵⁹nie sien nie, maar die toorn van God bly op hom.