Genesing van die siek man in Betésda.

HIERNA was daar ¹’n ^afees van die Jode, en Jesus het opgegaan na Jerusalem.

En daar is in Jerusalem by die ²Skaapspoort ³’n bad met vyf ⁴pilaargange wat in Hebreeus ⁵Betésda genoem word.

Daarin het ’n groot menigte siekes gelê, blindes en kreupeles en ⁶lammes, wat op die roering van die water gewag het.

Want ’n engel het op ⁷bepaalde tye in die bad neergedaal en die water geroer. Die een wat dan die eerste ingaan ná die roering van die water, het gesond geword, aan watter siekte hy ook al gely het.

En ’n sekere man was daar, wat agt-en-dertig jaar ⁸aan sy siekte gely het.

Toe Jesus hom sien lê, terwyl Hy geweet het dat hy al ’n lang tyd siek was, sê Hy vir hom: Wil jy gesond word?

Die sieke antwoord Hom: Here, ek het niemand om my in die bad te ⁹sit as die water geroer word nie; en onderwyl ek kom, gaan ’n ander een voor my in.

Jesus sê vir hom: ^bStaan op, ¹⁰neem jou bed op en loop.

En dadelik het die man gesond geword en sy bed opgeneem en geloop. ^cEn daardie dag was dit sabbat.

Die Jode sê toe vir hom wat genees was: ^dDit is sabbat; dit is jou nie geoorloof om jou bed te dra nie.

Hy antwoord hulle: Hy wat my gesond gemaak het, Hy het vir my gesê: Neem jou bed op en loop.

Toe vra hulle hom: Wie is die man wat vir jou gesê het: Neem jou bed op en loop?

Maar hy wat gesond geword het, het nie geweet wie dit was nie; want Jesus het ¹¹Hom verwyder, ¹²omdat daar ’n skare op die plek was.

Daarna het Jesus hom in die tempel gekry en vir hom gesê: Kyk, jy het gesond geword; ^emoenie meer sondig nie, sodat daar nie iets ergers met jou gebeur nie.

Die man het gegaan en aan die Jode vertel dat dit Jesus was wat hom gesond gemaak het.

Jesus verklaar dat Hy die Seun van God is, een met die Vader.

EN hieroor het die Jode Jesus vervolg en probeer om Hom dood te maak, omdat Hy dit op die sabbat gedoen het.

En Jesus het hulle geantwoord: ^f13My Vader werk tot nou toe, en Ek werk ook.

^gHieroor het die Jode toe nog meer probeer om Hom dood te maak, omdat Hy nie alleen die sabbat ¹⁴gebreek het nie, maar ook God sy ¹⁵eie Vader genoem het en Hom met God gelykgestel het.

Jesus het toe geantwoord en vir hulle gesê: Voorwaar, voorwaar Ek sê vir julle, ^hdie Seun kan niks ¹⁶uit Homself doen tensy Hy die Vader ¹⁷dit sien doen nie. ⁱWant alles wat ¹⁸Hý doen, ¹⁹dit doen die Seun ook net so.

Want die Vader het die Seun lief en ^20ktoon Hom alles wat Hy self doen. En ²¹groter werke as ²²hierdie sal Hy Hom toon, ²³sodat julle verwonderd kan wees.

Want soos die Vader die dode opwek en lewend maak, so maak ook die Seun lewend wie Hy wil.

Want die Vader ²⁴oordeel ook niemand nie, ^lmaar het die hele oordeel aan die Seun gegee,

sodat almal die Seun kan eer net soos hulle die Vader eer. ^mWie die Seun nie eer nie, eer nie die Vader wat Hom gestuur het nie.

ⁿVoorwaar, voorwaar Ek sê vir julle, wie my woord hoor en Hom glo wat My gestuur het, ²⁵het die ewige lewe en ^okom nie in ²⁶die oordeel nie, maar het oorgegaan uit die dood in die lewe.

Voorwaar, voorwaar Ek sê vir julle, ²⁷daar kom ’n uur, en dit is nou, ^pwanneer ²⁸die dode die stem van die Seun van God sal hoor; en die wat dit ²⁹gehoor het, sal ³⁰lewe.

Want soos die Vader ³¹lewe het in Homself, so het Hy aan die Seun ook ³²gegee om lewe in Homself te hê.

En Hy het Hom mag gegee om ook ³³te oordeel, ³⁴omdat Hy die Seun van die mens is.

³⁵Moenie julle hieroor verwonder nie. Want daar ³⁶kom ’n uur ^qwanneer almal wat in die grafte is, ³⁷sy stem sal hoor

^ren sal uitgaan, ³⁸die wat goed gedoen het, tot die opstanding van die lewe, en die wat kwaad gedoen het, tot die opstanding ³⁹van die veroordeling.

Ek kan ⁴⁰uit Myself niks doen nie. Soos Ek ⁴¹hoor, oordeel Ek; en my oordeel is regverdig, ^somdat Ek nie my wil soek nie, maar die wil van die Vader wat My gestuur het.

^tAs ⁴²Ek van Myself getuig, is my getuienis ⁴³nie waar nie.

Daar ^vis ⁴⁴’n ander Een wat van My getuig, en Ek weet dat die getuienis wat Hy van My getuig, waar is.

^xJulle het na Johannes gestuur, en hy het vir ⁴⁵die waarheid getuig.

Maar Ek neem die getuienis ⁴⁶van ’n mens nie aan nie; maar Ek sê dit, dat julle ⁴⁷gered kan word.

Hy was die lamp wat brand en ⁴⁸skyn, en julle was gewillig om julle vir ’n ⁴⁹tyd ⁵⁰in sy lig te verbly.

^yMaar Ek het ’n groter getuienis as dié van Johannes, ^zwant ⁵¹die werke wat die Vader My gegee het om te volbring, die werke self wat Ek doen, getuig van My dat die Vader My gestuur het.

^aEn die Vader wat My gestuur het, Hy het van My ⁵²getuig. ⁵³Julle het nog nooit sy stem gehoor ^bof sy gedaante gesien nie.

En julle het sy woord nie as iets blywends in julle nie, omdat julle Hom wat Hy gestuur het, nie glo nie.

^54cJulle ondersoek die Skrifte, omdat julle meen dat julle daarin ⁵⁵die ewige lewe het; en ^ddit is dié wat van My getuig.

En julle wil ⁵⁶nie na My kom om die lewe te hê nie.

⁵⁷Eer neem Ek van die mense nie aan nie.

Maar Ek ken julle, dat julle die liefde van God in julle nie het nie.

Ek het gekom ⁵⁸in die Naam van my Vader, en julle neem My nie aan nie. As ⁵⁹’n ander een ⁶⁰in sy eie naam kom, hóm sal julle aanneem.

^eHoe kan julle glo wat van mekaar eer ⁶¹aanneem, en die eer wat ⁶²van die enige God kom, soek julle nie?

Moenie dink dat Ek julle by die Vader sal ⁶³beskuldig nie. Daar is een wat julle beskuldig — ⁶⁴Moses ⁶⁵op wie julle gehoop het.

Maar as julle Moses geglo het, sou julle My glo, ^fwant hy het van My geskrywe.

En as julle ⁶⁶sy geskrifte nie glo nie, hoe sal julle my ⁶⁷woorde glo?