Johannes die Doper stuur twee dissipels na Jesus.

(Luk. 7:18-35.)

EN toe Jesus klaar was met ¹bevele aan sy twaalf dissipels te gee, het Hy daarvandaan weggegaan om te leer en te preek in ²hulle stede.

^aEn Johannes het in die ³gevangenis gehoor van ⁴die werke van Christus, en twee van sy dissipels gestuur

en ⁵vir Hom gesê: Is U die Een ⁶wat sou kom, of moet ons ’n ander een verwag?

En Jesus het geantwoord en vir hulle gesê: Gaan vertel aan Johannes wat julle hoor en sien:

^b7blindes sien weer en kreupeles loop, melaatses word gereinig en dowes hoor, dooies word opgewek en aan ⁸armes word die evangelie verkondig.

En salig is elkeen wat aan My nie ⁹aanstoot neem nie.

^cEn toe hulle vertrek, begin Jesus vir die skare aangaande Johannes te sê: Wat het julle uitgegaan om in die woestyn te aanskou? ’n ¹⁰Riet wat deur die wind beweeg word?

Maar wat het julle uitgegaan om te sien? ’n Man met ¹¹sagte klere aan? Kyk, die wat sagte klere dra, is in die huise van konings.

Maar wat het julle uitgegaan om te sien? ’n Profeet? Ja, Ek sê vir julle, ook baie meer as ’n profeet!

Want dit is hy van wie daar geskrywe is: ^dKyk, Ek stuur my ¹²boodskapper voor u aangesig, wat u weg ¹³voor U uit sal regmaak.

Voorwaar Ek sê vir julle, onder die wat uit vroue gebore is, het daar nie een ¹⁴opgestaan wat groter is as Johannes die Doper nie; maar ¹⁵die kleinste in die koninkryk van die hemele is groter as hy.

^eMaar van die dae van Johannes die Doper af tot nou toe word die koninkryk van die hemele ¹⁶bestorm, en ¹⁷bestormers gryp dit met geweld.

Want al die profete en die wet het tot op Johannes ¹⁸geprofeteer.

^fEn as julle dit wil aanneem: hy is ¹⁹Elía wat sou kom.

²⁰Wie ore het om te hoor, laat hom hoor.

Maar waarmee sal Ek hierdie geslag ²¹vergelyk? ^gDit is net soos kindertjies wat op die markte sit en na hulle maats roep

en sê: Ons het vir julle op die fluit gespeel, en julle het nie gedans nie; ons het vir julle ’n klaaglied gesing, en julle het nie ²²getreur nie.

^hWant Johannes het gekom en ²³nie geëet of gedrink nie, en hulle sê: Hy het ’n duiwel.

Die Seun van die mens het gekom — Hy eet en drink, en hulle sê: Dáár is ’n mens wat ’n vraat en ’n wynsuiper is, ’n vriend van tollenaars en sondaars. Maar die wysheid is ²⁴geregverdig deur sy kinders.

Die drie onboetvaardige stede.

(Luk. 10:13-15.)

ⁱTOE het Hy die stede waarin die meeste van sy kragtige dade plaasgevind het, ²⁵begin verwyt, omdat hulle hul nie bekeer het nie:

Wee jou, Górasin, wee jou, Betsáida! want as in ²⁶Tirus en Sidon die kragtige dade plaasgevind het wat in julle plaasgevind het, sou hulle hul ²⁷lankal in ^k28sak en as bekeer het.

^lMaar Ek sê vir julle, dit sal vir Tirus en Sidon verdraagliker wees in die oordeelsdag as vir julle.

En jy, Kapérnaüm, wat tot die hemel toe ²⁹verhoog is, jy sal tot die ³⁰doderyk toe neergestoot word; want as in Sodom die kragtige dade plaasgevind het wat in jou plaasgevind het, sou hy bly staan het tot vandag toe.

Maar Ek sê vir julle ^mdat dit vir die land van Sodom verdraagliker sal wees in die oordeelsdag as vir jou.

Die juk van Jesus.

(Luk. 10:21 vv.)

ⁿIN daardie tyd het Jesus ³¹gespreek en gesê: Ek ³²loof U, Vader, Here van die hemel en die aarde, ^odat U hierdie dinge verberg het ³³vir wyse en verstandige mense en dit ³⁴aan kindertjies geopenbaar het.

Ja, Vader, want so was dit ³⁵u welbehae.

^pAlles is aan My oorgegee deur my Vader, en ^qniemand ken die Seun nie, behalwe die Vader; ook ken niemand die Vader nie, behalwe die Seun en elkeen aan wie die Seun dit wil ³⁶openbaar.

Kom na My toe, almal ³⁷wat vermoeid en ³⁸belas is, en Ek sal julle rus gee.

Neem my ³⁹juk op julle en leer van My, want Ek is ^rsagmoedig en nederig van hart, ^sen julle sal rus vind vir julle siele;

^twant my juk is ⁴⁰sag en my las ⁴¹is lig.