Die vernaamste in die koninkryk van die hemele.

(Mark. 9:33-37; Luk. 9:46-48.)

IN^a daardie ¹uur het die dissipels na Jesus gekom en gesê: Wie ²is tog die grootste in die koninkryk van die hemele?

Toe roep Jesus ’n kindjie na Hom en laat hom in hulle midde staan

en Hy sê: Voorwaar Ek sê vir julle, ^bas julle nie ³verander en soos die ⁴kindertjies word nie, sal julle nooit in die koninkryk van die hemele ingaan nie!

^cElkeen dan wat homself verneder soos hierdie kindjie, hy is die grootste in die koninkryk van die hemele.

^dEn elkeen wat een van sulke ⁵kindertjies in my Naam ontvang, ontvang My;

^emaar elkeen wat een van hierdie kleintjies wat in My glo, ⁶laat struikel, dit is vir hom beter dat ’n ⁷meulsteen aan sy nek gehang word en hy wegsink in die diepte van die see.

Wee die wêreld weens die struikelblokke! ^fWant dit is ⁸noodsaaklik dat daar struikelblokke kom, ^gmaar wee die mens deur wie die struikelblok kom.

^hEn as jou ⁹hand of jou voet jou ⁶laat struikel, kap dit af en gooi dit weg van jou af; dit is vir jou beter om in die lewe in te gaan, kreupel of vermink, as om twee hande of voete te hê en in die ewige vuur gewerp te word.

En as jou oog jou ⁶laat struikel, ruk dit uit en werp dit weg van jou af. Dit is vir jou beter om met een oog in die lewe in te gaan, as om twee oë te hê en in die helse vuur gewerp te word.

Pas op dat julle nie een van hierdie kleintjies verag nie; want Ek sê vir julle ⁱdat ¹⁰hulle engele in die hemele altyd die aangesig ¹¹sien van my Vader wat in die hemele is.

^kWant die Seun van die mens het gekom om te red wat verlore is.

^lWat dink julle? ¹²As iemand honderd skape het en een van hulle verdwaal, sal hy nie die negen-en-negentig laat staan en op die berge die verdwaalde een gaan soek nie?

En as hy hom kry, voorwaar Ek sê vir julle dat hy blyer is oor hom as oor die negen-en-negentig wat nie verdwaal het nie.

So is dit nie die wil ¹³van julle Vader wat in die hemele is, dat een van ¹⁴hierdie kleintjies verlore gaan nie.

Die vergifnis. Gelykenis van die onbarmhartige skuldeiser.

^mEN as jou broeder ¹⁵teen jou sondig, gaan ¹⁶bestraf hom tussen jou en hom alleen. As hy na jou luister, dan het jy jou broeder gewin;

maar as hy nie luister nie, neem nog een of twee met jou saam, ⁿsodat in die mond van twee of drie getuies ¹⁷elke woord kan vasstaan.

En as hy na hulle nie luister nie, ^osê dit aan die ¹⁸gemeente; en as hy na die gemeente ook nie luister nie, ^plaat hom vir jou wees ¹⁹soos die heiden en die tollenaar.

^qVoorwaar Ek sê vir julle, ²⁰alles wat julle op die aarde bind, sal in die hemel gebonde wees; en alles wat julle op die aarde ontbind, sal in die hemel ontbonde wees.

Weer sê Ek vir julle: As twee van julle saamstem op die aarde oor enige saak ²¹wat hulle mag vra, dit sal ²²hulle ten deel val van my Vader wat in die hemele is.

^rWant waar twee of drie in my Naam vergader, ²³daar is Ek in hul midde.

Toe kom Petrus na Hom en sê: Here, hoe dikwels sal my broeder teen my sondig en ek hom vergewe? ^sTot sewe maal toe?

Jesus antwoord hom: Ek sê vir jou, nie tot sewe maal toe nie, maar ^ttot ²⁴sewentig maal sewe toe.

Daarom word die koninkryk van die hemele vergelyk met ’n sekere koning wat met sy diensknegte ²⁵wou afreken.

En toe hy begin afreken, word daar een na hom gebring ²⁶wat tienduisend ²⁷talente skuldig was.

^vEn omdat hy nie kon betaal nie, gee sy heer bevel dat hy ²⁸verkoop moet word, en sy vrou en sy kinders en alles wat hy het, en dat betaal moet word.

Toe val die dienskneg neer en buig voor hom en sê: Heer, wees lankmoedig met my, en ek sal u alles betaal.

En die heer van daardie dienskneg het innig jammer vir hom gevoel en hom losgelaat en hom die skuld kwytgeskeld.

Maar toe daardie dienskneg uitgaan en een van sy medediensknegte vind wat hom honderd ²⁹pennings skuldig was, het hy hom aan die keel ³⁰gegryp en gesê: Betaal my wat jy skuld.

Sy mededienskneg val toe voor sy voete neer en smeek hom en sê: Wees lankmoedig met my, en ek sal jou alles betaal.

En hy wou nie, maar het gegaan en hom in die gevangenis gewerp totdat hy die skuld sou betaal het.

En toe sy medediensknegte sien wat gebeur het, was hulle baie bedroef, en hulle het gegaan en aan hulle heer meegedeel alles wat gebeur het.

Daarop roep sy heer hom en sê vir hom: Jou slegte dienskneg, al daardie skuld het ek jou kwytgeskeld, omdat jy my gesmeek het;

moes jy nie jou mededienskneg ook barmhartig wees soos ek jou ook barmhartig gewees het nie?

En sy heer het hom in toorn ³¹oorgegee aan die pynigers ³²totdat hy sou betaal het alles wat hy hom skuldig was.

^xSo sal ook my hemelse Vader aan julle doen as julle nie elkeen sy broeder ³³van harte sy oortredinge vergewe nie.