Bergpredikasie (vervolg). Liefdadigheid, gebed en vas.

PAS op dat julle nie jul ¹liefdadigheid voor die mense bewys om deur hulle gesien te word nie; anders het julle geen loon by julle Vader wat in die hemele is nie.

^aWanneer jy dan liefdadigheid bewys, moenie ’n trompet voor jou blaas soos die ²geveinsdes in die sinagoges en op die strate doen, dat hulle deur die mense geëer kan word nie. Voorwaar Ek sê vir julle, ³hulle het hul loon weg.

Maar jy, as jy liefdadigheid bewys, ⁴laat jou linkerhand nie weet wat jou regterhand doen nie,

sodat jou liefdadigheid in die verborgene kan wees; en jou Vader wat in die verborgene sien, Hy sal jou ⁵in die ^bopenbaar vergelde.

En wanneer jy ⁶bid, moet jy nie wees soos die geveinsdes nie; want hulle hou daarvan om in die ⁷sinagoges en op die hoeke van die strate te staan en bid, ⁸om deur die mense gesien te word. Voorwaar Ek sê vir julle dat hulle hul loon weg het.

Maar jy, wanneer jy bid, ^cgaan in jou ⁹binnekamer, sluit jou deur en bid jou Vader wat in die verborgene is; en jou Vader wat in die verborgene sien, sal jou in die openbaar vergelde.

En as julle bid, ^dgebruik nie ’n ¹⁰ydele herhaling van woorde soos die heidene nie, want hulle dink dat hulle deur hul baie woorde verhoor sal word.

Moet dan nie soos hulle word nie, want jul Vader weet wat julle nodig het voordat julle Hom vra.

¹¹Só moet julle dan bid: ^eOnse Vader wat ¹²in die hemele is, laat u Naam ¹³geheilig word;

laat u ¹⁴koninkryk kom; laat u wil geskied, soos ¹⁵in die hemel net so ook op die aarde;

gee ons vandag ons ¹⁶daaglikse ¹⁷brood;

en vergeef ons ons ¹⁸skulde, soos ons ook ons skuldenaars vergewe;

en ¹⁹lei ons nie in ²⁰versoeking nie, maar verlos ons van die ^fBose. Want aan U behoort die koninkryk en die krag en die heerlikheid tot in ewigheid. ²¹Amen.

^gWant as julle die mense hulle oortredinge vergewe, sal julle hemelse Vader julle ook vergewe.

^hMaar as julle die mense hulle oortredinge nie vergewe nie, sal julle Vader julle ²²oortredinge ook nie vergewe nie.

ⁱEn wanneer julle ²³vas, moenie lang gesigte trek soos die geveinsdes nie; want hulle ²⁴mismaak hul gesigte, sodat dit deur die mense gesien kan word dat hulle vas. Voorwaar Ek sê vir julle, hulle het hul loon weg.

Maar jy, as jy vas, ²⁵salf jou hoof en was jou gesig,

sodat jy nie die mense laat sien dat jy vas nie, maar jou Vader wat in die verborgene is; en jou Vader wat in die verborgene sien, sal jou in die openbaar vergelde.

Bergpredikasie (vervolg). Die skat in die hemel. Die gesonde oog. Die twee here. Die kwelling oor die lewe.

^k26MOENIE vir julle skatte bymekaarmaak op die aarde, waar mot en ²⁷roes verniel en waar diewe ²⁸inbreek en steel nie;

maar ^lmaak vir julle skatte bymekaar in die hemel, waar geen mot of roes verniel nie en waar diewe nie inbreek en steel nie;

want waar julle skat is, daar sal julle hart ook wees.

²⁹Die lamp van die liggaam is ^mdie oog. As jou oog dan reg is, sal jou hele liggaam verlig wees.

Maar as jou oog ³⁰verkeerd is, sal jou hele liggaam donker wees. As dan die lig in jou donkerheid is, hoe groot is die donkerheid nie!

ⁿNiemand kan ³¹twee here dien nie; want òf hy sal die een haat en die ander liefhê, òf hy sal die een ³²aanhang en die ander verag. Julle kan nie God én ³³Mammon dien nie!

^oDaarom sê Ek vir julle: ³⁴Moenie julle kwel oor jul ³⁵lewe — wat julle sal eet en wat julle sal drink nie; of oor jul liggaam — wat julle sal aantrek nie. Is die lewe nie meer as die voedsel en die liggaam as die klere nie?

^pKyk na die voëls van die ³⁶hemel; hulle saai nie en hulle maai nie en hulle bring nie bymekaar in skure nie, en tog voed julle hemelse Vader hulle. ³⁷Is julle nie baie meer werd as hulle nie?

Wie tog onder julle kan, deur hom te kwel, ³⁸een el by sy lengte voeg?

En wat kwel julle jul oor klere? Let op die lelies van die veld, hoe hulle groei; hulle arbei nie en hulle spin nie;

en Ek sê vir julle dat selfs Salomo in ³⁹al sy heerlikheid nie bekleed was soos een van hulle nie.

As God dan die gras van die veld, wat vandag daar is en ⁴⁰môre in ’n oond gegooi word, so beklee, hoeveel te meer vir julle, kleingelowiges?

Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie?

Want na al hierdie dinge ⁴¹soek die heidene; want julle hemelse Vader weet dat julle al hierdie dinge nodig het.

^qMaar soek eers die koninkryk van God en ⁴²sy geregtigheid, en al hierdie dinge sal vir julle ⁴³bygevoeg word.

Kwel julle dus nie oor môre nie, want môre sal hom oor sy eie dinge kwel. Elke dag het genoeg aan ⁴⁴sy eie kwaad.