DAAROM moet jy die HERE jou God liefhê en ¹altyd sy ordening, sy ²insettinge sowel as sy verordeninge en sy gebooie ³onderhou.

En julle moet vandag weet dat ek nie spreek tot julle kinders wat die ⁴onderwysing van die HERE julle God nie geweet en nie gesien het nie: sy ⁵grootheid, sy sterke hand en sy uitgestrekte arm

en sy tekens en sy dade wat Hy in Egipte gedoen het aan Farao, die koning van Egipte, en aan sy hele land;

en wat Hy gedoen het aan die leër van Egipte, aan sy perde en aan sy strydwaens waaroor Hy die waters van die Skelfsee laat aanstroom het toe hulle julle agtervolg het, sodat die HERE hulle omgebring het tot vandag toe;

en wat Hy vir julle in die woestyn gedoen het tot julle aankoms op hierdie plek;

en wat Hy ^aaan Datan en Abíram, die seuns van Elíab, die seun van Ruben, gedoen het — hoe die aarde sy mond oopgemaak en hulle saam met hul ⁶huisgesinne en hul tente en al die ⁷lewende wesens ⁸agter hulle aan, onder die hele Israel verslind het;

maar ⁹julle eie oë het gesien al die groot werke wat die HERE gedoen het.

Onderhou dan ¹⁰al die gebooie wat ek jou vandag beveel, dat julle sterk kan wees en inkom en die land in besit neem waarheen julle oortrek om dit in besit te neem,

en dat julle die dae kan verleng in die land wat die HERE aan julle vaders met ’n eed beloof het om aan hulle en hul nageslag te gee, ’n land ¹¹wat oorloop van melk en heuning.

Want die land waarheen jy gaan om dit in besit te neem, is nie soos Egipteland waar julle uitgetrek het, wat jy met jou saad besaai en ¹²met jou voet, soos ’n groentetuin, natgelei het nie.

Maar die land waarheen julle oortrek om dit in besit te neem, is ’n land van berge en laagtes wat van die reën van die hemel water drink;

’n land waar die HERE jou God voor ¹³sorg; die oë van die HERE jou God is altyddeur daarop, van die begin van die jaar tot die einde van die jaar.

¹⁴As julle dan ¹⁵goed luister na my gebooie wat Ek julle vandag beveel, om die HERE julle God lief te hê en Hom te dien met julle hele hart en met julle hele siel,

dan sal Ek die reën ¹⁶van julle land gee op die regte tyd, ¹⁷vroeë reëns en ¹⁸laat reëns, sodat jy jou koring en jou mos en jou olie kan insamel.

En Ek sal plante gee op jou veld vir jou vee, en jy sal eet en versadig word.

Neem julle in ag dat julle hart nie verlei word nie, sodat julle ^bafwyk en ander gode dien en voor hulle neerbuig,

en die toorn van die HERE teen julle ontvlam en Hy die hemel ¹⁹toesluit, sodat daar geen reën is en die aarde sy opbrings nie gee nie, en julle gou uit die goeie land omkom wat die HERE julle gee.

^cLê dan hierdie woorde van my weg in julle hart en in julle siel, en ²⁰bind dit as ’n teken op julle hand en laat dit as ’n voorhoofsband tussen julle oë wees,

en ^dleer dit aan julle kinders deur daaroor te spreek as jy in jou huis sit en as jy op pad is en as jy gaan lê en as jy opstaan;

en skryf dit op die deurposte van jou huis en op jou poorte,

sodat julle dae en die dae van julle kinders in die land wat die HERE aan julle vaders met ’n eed beloof het om aan hulle te gee, kan vermenigvuldig ²¹soos die dae van die hemel bo-oor die aarde.

Want as julle ²²ywerig al hierdie gebooie hou wat ek julle beveel, om dit te doen deur die HERE julle God lief te hê, in al sy weë te wandel en Hom aan te hang,

dan sal die HERE al hierdie nasies voor julle uit verdrywe, en julle sal ²³groter en magtiger nasies as julle uit hulle besitting verdrywe.

Elke plek ^e24waar julle voetsool op trap, sal aan julle behoort; ²⁵van die woestyn en die Líbanon, van die rivier, die Eufraatrivier, tot by die ²⁶Westelike See sal julle grondgebied wees.

Niemand sal teen julle standhou nie; die HERE julle God sal ²⁷die skrik en vrees vir julle oor die hele land laat kom waarop julle sal loop, ^fsoos Hy julle beloof het.

Kyk, ek ²⁸hou julle vandag seën en vloek voor —

die seën as julle luister na die gebooie van die HERE julle God wat ek julle vandag beveel;

en die vloek as julle nie luister na die gebooie van die HERE julle God nie, maar afwyk van die weg wat ek julle vandag beveel, om agter ander gode aan te loop wat julle nie geken het nie.

As dan die HERE jou God jou inbring in die land waarheen jy gaan om dit in besit te neem, ^g29moet jy die ³⁰seën op die berg Gerísim ³¹lê en ^hdie ³²vloek op die berg Ebal.

³³Lê hulle nie oorkant die Jordaan, agter die pad in die weste, in die land van die Kanaäniete wat in die Vlakte woon, teenoor Gilgal, by die terpentynbome van ³⁴More nie?

Want julle trek deur die Jordaan om die land in besit te gaan neem wat die HERE julle God aan julle sal gee; en julle sal dit in besit neem en daarin woon.

Onderhou dan sorgvuldiglik al die insettinge en die verordeninge wat ek julle vandag voorhou.