Die vrystede.

AS die HERE jou God die nasies uitroei wie se land die HERE jou God jou sal gee, en jy ¹hulle uit hul besitting verdrywe en in hulle stede en in hulle huise woon,

^adan moet jy vir jou ²drie stede afsonder in jou land wat die HERE jou God jou sal gee om dit in besit te neem.

Jy moet vir jou die ³pad regmaak en jou ⁴grondgebied wat die HERE jou God jou laat erwe, in ⁵drie dele verdeel, sodat elkeen wat ’n doodslag begaan het, daarheen kan vlug.

En dit is die ⁶saak van hom wat ’n doodslag begaan het, wat daarheen vlug, dat hy kan lewe: ^bhy wat sy naaste sonder opset doodslaan, terwyl hy hom ⁷van gister en eergister af nie vyandig was nie;

en hy wat saam met sy naaste in die bos gaan om hout te kap en sy hand swaai met die byl om die boom af te kap, ⁸en die yster glip ⁹van die steel af en ¹⁰tref sy naaste, sodat hy sterwe — hy moet in een van hierdie stede vlug om in die lewe te bly;

sodat die ¹¹bloedwreker hom wat ’n doodslag begaan het, nie agtervolg as sy hart verhit is en hom inhaal — omdat die pad lank is — en hom ¹²doodslaan nie, terwyl hy ¹³die dood nie verdien het nie, omdat hy hom van ¹⁴gister en eergister af nie vyandig was nie.

Daarom gee ek jou bevel en sê: Drie stede moet jy vir jou afsonder.

En as die HERE jou God jou grondgebied uitbrei, soos Hy aan jou vaders met ’n eed beloof het, en jou die hele land gee wat Hy ^cbeloof het om aan jou vaders te gee

— as jy sorgvuldig al hierdie gebooie hou wat ek jou vandag beveel om dit te doen, om die HERE jou God lief te hê en altyd in sy weë te wandel — dan moet jy vir jou ^dnog drie stede by hierdie drie byvoeg,

sodat geen onskuldige bloed vergiet word binne-in jou land wat die HERE jou God jou as erfenis sal gee, en ¹⁵bloedskuld op jou kom nie.

Maar ^eas iemand sy naaste vyandig is en hom voorlê en teen hom opstaan en hom ¹⁶lewensgevaarlik slaan, sodat hy sterwe, en hy in een van hierdie stede vlug,

dan moet die oudstes ¹⁷van sy stad stuur en hom daarvandaan laat haal, en hulle moet hom in die hand van die bloedwreker oorgee, dat hy kan sterwe.

Jou oog mag hom nie verskoon nie, maar jy moet die onskuldige bloed uit Israel wegdoen, dat dit met jou goed kan gaan.

Straf vir grondroof en valse getuienis.

^fJOU naaste se grenslyn, deur die ¹⁸voorvaders getrek in jou erfdeel wat jy sal erwe in die land wat die HERE jou God jou sal gee om dit in besit te neem, mag jy nie verlê nie.

^gEen getuie mag nie teen iemand optree insake enige misdaad of enige sonde, by ¹⁹enige misstap wat hy begaan nie; ^hop die verklaring van twee getuies of op die verklaring van drie getuies sal ’n ²⁰saak van krag wees.

As ²¹’n kwaadwillige getuie teen iemand optree om van ’n oortreding teen hom te getuig,

dan moet die twee manne wat die regsaak het, gaan staan voor die aangesig van die HERE, voor ²²die priesters en die regters wat daar in dié dae sal wees.

En die regters moet terdeë ondersoek doen, en is die getuie ²³’n valse getuie, het hy vals teen sy broer getuig,

ⁱdan moet julle met hom doen soos hy gedink het om met sy broer te doen; so moet jy dan ²⁴die kwaad uit jou midde uitroei.

En die ²⁵ander moet dit hoor en vrees en nie meer verder by jou so ²⁶iets verkeerds doen nie.

En jou oog mag nie verskoon nie: ^k27lewe vir lewe, ²⁸oog vir oog, tand vir tand, hand vir hand, voet vir voet.