DAARNA het ons gedraai en weggetrek na die woestyn, ¹op pad na die Skelfsee, soos die HERE aan my gesê het, en ons het om die gebergte ²Seïr getrek, baie dae lank.

Toe het die HERE met my gespreek en gesê:

³Julle het lank genoeg om hierdie gebergte getrek. Draai ⁴noordwaarts weg

en gee aan die volk bevel en sê: Julle gaan trek ⁵deur die grondgebied van julle broers die ⁶kinders van Esau wat in Seïr woon, en hulle sal vir julle ⁷vrees; pas dan goed op;

⁸begeef julle nie in die oorlog teen hulle nie, want Ek sal julle van hulle land selfs nie ’n voetbreed gee nie; want Ek het aan ^aEsau die gebergte Seïr as ’n besitting ⁹gegee.

¹⁰Voedsel moet julle van hulle vir geld koop, dat julle kan eet; en julle moet ook water van hulle vir geld koop, dat julle kan drink.

Want die HERE jou God het jou geseën in al die werk van jou hand; Hy ¹¹ken jou trek deur hierdie groot woestyn; nou veertig jaar lank was die HERE jou God ¹²met jou; geen ding het jou ontbreek nie.

Daarop het ons verder getrek, weg van ons broers, die kinders van Esau wat in Seïr woon, weg van die pad deur die Vlakte, weg van ¹³Elat en Éseon-Geber; ons het toe weggedraai en verder getrek op pad na die woestyn van Moab.

Toe het die HERE vir my gesê: Behandel Moab nie as vyand en begeef jou nie in die oorlog teen hulle nie; want Ek sal jou niks van sy land as besitting gee nie, omdat Ek ¹⁴Ar aan die kinders van Lot as ’n besitting gegee het.

Die ¹⁵Emiete het tevore daarin gewoon, ’n volk groot en talryk en hoog van gestalte soos die ¹⁶Enakiete.

Hulle word ook vir ¹⁷Refaïete gehou, soos die Enakiete; maar die Moabiete het hulle Emiete genoem.

Ook het die ¹⁸Horiete tevore in Seïr gewoon; maar die kinders van Esau het hulle uit hul besitting verdrywe en voor hulle uit verdelg en in hulle plek gaan woon, net soos Israel gedoen het met die ¹⁹land van sy besitting wat die HERE aan hulle gegee het.

Maak nou klaar en trek oor die spruit ²⁰Sered. Toe het ons oor die spruit Sered getrek.

En die dae van ons trek van Kades-Barnéa af totdat ons oor die spruit Sered gegaan het, was agt-en-dertig jaar — totdat die hele geslag, die ²¹krygsmanne, uit die laer omgekom het ²²soos die HERE hulle dit gesweer het.

So was die hand van die HERE dan ook teen hulle om hulle uit die laer te vernietig totdat hulle omgekom het.

En toe al die krygsmanne heeltemal onder die volk uit weggesterf het,

het die HERE met my gespreek en gesê:

Jy trek vandag die grens van Moab by ²³Ar oor,

en jy sal kom in die nabyheid van die kinders van Ammon; behandel hulle nie as vyande en begeef jou nie in die oorlog teen hulle nie; want Ek sal jou niks van die kinders van Ammon se land as besitting gee nie, omdat Ek dit aan die kinders van Lot as besitting gegee het.

Dit word ook as ’n land van Refaïete beskou; Refaïete het tevore daarin gewoon, en die Ammoniete het hulle ²⁴Samsummiete genoem —

’n volk groot en talryk en hoog van gestalte soos die Enakiete — maar die HERE het dié voor hulle uit verdelg, sodat hulle dié uit hulle besitting verdryf en in hulle plek gaan woon het;

soos ²⁵Hy in die geval van die kinders van Esau gedoen het wat in Seïr woon, voor wie Hy die Horiete verdelg het, sodat hulle dié uit hulle besitting verdryf en in hulle plek gaan woon het tot vandag toe.

Ook het die ²⁶Kaftoriete wat uit Kaftor afkomstig was, die ²⁷Awiete wat in dorpe tot by ²⁸Gasa gewoon het, verdelg en in hulle plek gaan woon.

Maak julle klaar, breek op en trek deur die Arnonrivier. Kyk, Ek gee Sihon, die koning van Hesbon, die Amoriet, en sy land in jou hand; ²⁹begin om in besit te neem, en begeef jou in die oorlog teen hom.

Vandag sal Ek begin om ³⁰die skrik en die vrees vir jou op die volke onder die hele hemel te lê, sodat hulle, as hulle die tyding aangaande jou hoor, voor jou sal sidder en bewe van angs.

^bToe het ek boodskappers gestuur uit die woestyn Kedémot na Sihon, die koning van Hesbon, met ³¹woorde van vrede om te sê:

^cLaat my deur jou land gaan; ek sal ³²net padlangs trek; ek sal nie regs of links uitdraai nie.

Voedsel moet jy my verkoop vir geld, dat ek kan eet; en water moet jy my gee vir geld, dat ek kan drink; laat my net ³³te voet deurtrek —

soos ³⁴die kinders van Esau wat in Seïr woon, en die ³⁵Moabiete wat in Ar woon, met my gedoen het — totdat ek deur die Jordaan trek in die land wat die HERE onse God aan ons sal gee.

Maar Sihon, die koning van Hesbon, wou ons nie ³⁶by hom laat deurtrek nie; want die HERE jou God het sy gees ³⁷verhard en sy hart verstok, dat Hy hom in jou hand kon gee soos dit vandag is.

En die HERE het vir my gesê: Kyk, Ek begin om Sihon en sy land ³⁸aan jou oor te gee; begin om in besit te neem, om sy land in besit te neem.

^dToe het Sihon uitgetrek ons tegemoet, hy en sy hele volk, om te veg by Jahas.

En ^edie HERE onse God het hom aan ons oorgegee, sodat ons hom en sy seuns en sy hele volk verslaan het.

En ons het in dié tyd al sy stede ingeneem en elke stad ³⁹met die banvloek getref, manne en vroue en kinders; ons het niemand laat vryraak nie.

Net die vee het ons vir ons geroof en die buit van die stede wat ons ingeneem het.

Van Ároër af wat aan die ⁴⁰kant van die Arnonrivier lê, en die stad in die dal, tot by Gílead was daar vir ons geen vesting ⁴¹onneembaar nie — die HERE onse God het alles aan ons oorgegee.

Net naby die land van die kinders van Ammon het jy nie gekom nie: die ⁴²hele kant van die Jabbokrivier en die stede van die gebergte en alles wat die HERE onse God ⁴³verbied het.