Oor goed wat wegraak.

JY mag die ^a1bees van jou broer of sy stuk kleinvee nie sien ²ronddwaal en jou vir hulle ³verberg nie; jy moet hulle ⁴sekerlik na jou broer terugbring.

En as jou broer ⁵nie naby jou is nie en jy hom nie ken nie, moet jy ⁶dit ⁷in jou huis neem, en dit moet by jou wees totdat jou broer dit soek; dan moet jy dit aan hom teruggee.

So moet jy ook doen met sy esel, en so moet jy doen met sy kleed, ja, so moet jy doen met alles wat van jou broer ⁸wegraak, wat hy verloor en wat jy vind; ⁹jy mag jou nie verberg nie.

Jy mag die esel van jou broer of sy bees nie sien val op die pad en jou vir hulle verberg nie; saam met ¹⁰hom moet jy hulle ¹¹sekerlik ophelp.

Verbode samevoeginge.

’n Vrou mag geen ¹²mansklere dra nie, en ’n man mag geen vrouensklere aantrek nie; want almal wat dit doen, is ¹³vir die HERE jou God ’n gruwel.

As jy op pad ’n voëlnes kry in een of ander boom of op die grond, met klein voëltjies of eiers, terwyl die moeder op die klein voëltjies of op die eiers ¹⁴sit, mag jy die moeder nie saam met die ¹⁵kleintjies wegneem nie.

Jy moet die moeder ¹⁶sekerlik laat wegvlieg, maar die kleintjies mag jy vir jou neem, dat dit met jou goed kan gaan en jy die dae kan verleng.

As jy ’n nuwe huis bou, moet jy ’n ¹⁷leuning aan jou dak maak, sodat jy geen ¹⁸bloedskuld op jou huis bring as iemand daarvan afval nie.

Jy mag in jou wingerd nie ¹⁹twee soorte saad ^bsaai nie, anders ²⁰verval die ²¹volle opbrings aan die heiligdom: die saad wat jy saai en die opbrings van die wingerd.

Jy mag nie met ’n os en ’n esel tegelyk ploeë nie.

²²Jy mag geen gemengde stof, wol en linne tegelyk, aantrek nie.

^c23Klossies moet jy vir jou maak aan die vier ²⁴hoeke van jou ²⁵kleed waar jy jou mee toemaak.

Beskuldigde vroue.

AS ’n man ’n vrou neem en by haar ingaan en haar dan haat

en haar slegte ²⁶dinge nagee en ’n slegte gerug oor haar versprei en sê: Hierdie vrou het ek geneem, en toe ek naby haar kom, het ek die maagdom nie aan haar gevind nie,

dan moet die vader en die moeder van die dogter die ²⁷bewys van die dogter se maagdom neem en na die oudstes van die stad by die poort uitbring.

En die vader van die dogter moet aan die oudstes sê: Ek het my dogter aan hierdie man as vrou gegee, maar hy het haar gehaat;

en kyk, hy het haar slegte dinge nagegee deur te sê: Ek het aan jou dogter die maagdom nie gevind nie — maar dit is die bewys van my dogter se maagdom. En ²⁸hulle moet die kledingstuk voor die oudstes van die stad uitsprei.

Dan moet die oudstes van dié stad die man neem en hom tugtig

en hom ’n boete van honderd ²⁹sikkels silwer oplê en dit aan die vader van die dogter gee, omdat ³⁰hy ’n slegte gerug oor ’n jongmeisie van Israel versprei het. Verder moet sy sy vrou wees; hy mag haar nie verstoot solank as hy lewe nie.

Maar as ³¹hierdie woord waarheid is: Die maagdom is aan die dogter nie gevind nie —

dan moet hulle die dogter na die deur van haar vader se huis uitbring, en die manne van haar stad moet haar stenig, dat sy sterwe, omdat sy ’n skanddaad in Israel begaan het deur in die huis van haar vader te hoereer. So moet jy dan die kwaad uit jou midde uitroei.

Ongeoorloofde betrekkinge.

^d32AS ’n man betrap word terwyl hy met ’n getroude vrou gemeenskap het, moet hulle altwee sterwe: die man wat met die vrou gemeenskap gehad het, en die vrou. So moet jy dan die kwaad uit Israel uitroei.

As ’n dogter, ’n jongmeisie, aan ’n man verloof is, en iemand kry haar in die stad en hou met haar gemeenskap,

dan moet julle hulle twee na die poort van dié stad uitbring en hulle stenig, dat hulle sterwe; die dogter, omdat sy in die stad nie geskreeu het nie, en die man, omdat hy die vrou van sy naaste ³³onteer het. So moet jy dan die kwaad uit jou midde uitroei.

Maar as die man die verloofde dogter in die veld kry en die man haar aangryp en met haar gemeenskap het, moet die man wat met haar gemeenskap gehad het, alleen sterwe;

maar aan die dogter moet jy ³⁴niks doen nie: daar is in die dogter ³⁵geen sonde wat die dood verdien nie; want soos wanneer ’n man teen sy naaste opstaan en ³⁶hom doodslaan, ³⁷so is hierdie geval.

Want hy het haar in die veld gekry; die verloofde dogter het geskreeu, maar daar was niemand om haar te help nie.

As ’n man ’n dogter, ’n jongmeisie, kry wat nie verloof is nie, en haar aangryp en met haar gemeenskap het, en hulle ³⁸word betrap,

dan moet die man wat met haar gemeenskap gehad het, die vader van die dogter ^evyftig ³⁹sikkels silwer gee; en sy moet sy vrou wees, omdat hy haar onteer het; hy mag haar nie verstoot solank as hy lewe nie.

’n Man mag die vrou van sy vader nie neem nie, en hy mag ⁴⁰die kombers van sy vader nie oplig nie.